شوقي عسكر

مراتي عاملة ريجيم وأنا اللي باخس يا ناس .. 2 الفطار خيارتين والغدا خس يا ناس .. 2 والعشا ماتلاقيش ..مراتي مابتتعشاش .. وهي زي ماهي زي القطر القشاش ..2 وأنا اللي خلصت ياناس .. أنا اللي خلصت خلاص .. مراتي معذباني ..مراتي مجوعاني نفسي في اللحمة الضاني ..ومراتي ملوعاني ويا سلام على الملوخية .. والفتة بالتقلية .. نفسي في الحلويات .. عليها مكسرات.. آه يانا من الستات ... وريجيم المدامات .. نفسي في القولقاس .. وهي مفيش إحساس معدتي نشفت ياناس .. خلاص خلصت خلاص ..2 الحلل رميناها .. بطلنا نطبخ فيها...

يعني إيه يا مصر إسمك يعني حب كبير يضمك حفظ من ربك لأرضك دمعة فرت غصب عنك يعني إيه يا مصر إسمك يعني نور فوق الكنايس والأدان للمدنة حارس قلبي ليكي بحبه حاسس إني محال استغنى عنك يعني إيه يا مصر إسمك دمعة فرت غصب عني والإيمان ساكن في حضني يقتل الإرهاب يا أمي وأفدي ترابك بدمي يعني إيه يا مصر إسمك ومينا ومحمد في حضنك والميم محبة في دم إبنك والص دي صبر دليله نصرك يجمع هلال وصليب في حضنك يعني إيه يا مصر إسمك مليون شهيد دول مهر نصرك يعني قلب بنبضه حاسك هو ده يا حبيبتي اسمك عهد...

لمين الملك باقي اليوم لواحد حق نور جبار خلاص حكم الجبابرة إنهار خلاص انكشفت الأسرار مفيش في الشرق غير نورك مفيش في الغرب غير نورك مفيش غيرك بديع قهار أنا القلب اللي لف مدار أنا العقل اللي ساع ثوار ومين غير المعز هداه ومين غير الحسيب مولاه أنا وغيري بلا تقواه يدوب ننفع حطب للنار لمين الملك باقي اليوم ولا باقى وعزيز ألاك عظيم أسمك بصير في علاك بترخص دمعتي وياك وأباهى بذلتي في هواك حصاد عمري هشيم وذنوب وشهد الدنيا زيف وعيوب مليش غيرك ساعدني أتوب وأفر بظلمتي لضياك .

لما فهمت إني أنا مش ح أفهم قلت وماله مين فى زمانا اتغير حاله بعد ما كافح علشان يفهم قالوا محدش قمت مطنش أصل الفهم غراب بيخربش كل صحابه وأنا على بابه لكن مش داخل خدها نصيحة بلاش تتدخل خلى مزاجك دايما عالى وأنا كان مالي ومال دي حكاية العفريت جوه الكباية أوعى ليطلع يسلخ وشك شد الشيشة بقوة في كرشك وأطلق غضبك فىالدخان كان يا مكان وباينة مكانشى واقف أنا والدنيا بتمشى لأ دا أنا ماشى يا دنيا بضهرى بضحك قوى مع خوفي وقهري ومش بأديه كل الناس ماشيين حوليه على دماغتهم أما أنا...

مولد يا صاحبى ... وصاحبه غايب واللى هايب واللى خايف من المصايب واللى شايف روحه شايب واللى لشعب بلده سايب راح يباعد والفيران اللى بتجرى من فوق المصايد راح نصايد وحق ربي اللى قلبى لوحده عابد والمعابد والكنايس والمساجد ع العزيمة والإرادة راح نعاهد واللى يمس رملة من ترابك راح نكايد واللى وادد ييجى يصحى دا احنا فكرة جينا نحيي نور ظلامها احنا بكرة واللى كان قبل النهارده مش فى بالنا احنا أهه ولادك يا مصر زى ما احنا واللى شايف روحه فوقنا يا هو يا احنا احنا مش جايين نخرب أو...

مصـــــر دايما بتلاغيك ... قوم يا مصري ... مصر دايما بتلاغيك شيل تراب او بيع كباب او حمام محشي بفريك المهم انك تقوم ولا هتحايل عليك مصر دايما بتلاغيك لما بلدك يوم تعوزك اوعى تمشي وتلوي بوزك اصلي عارفك ، ايوه عارفك لاوي عُرفك ليه يا ديك مصر دايما بتلاغيك مش مهم ان انت حافي والحكومه يارب عافي لو هشيلك فوق كتافي اعمل الواجب عليك مصر دايما بتلاغيك شفت اخوك يوم لما راح ماشي وف ايده السلاح باع حياته عشان نعيش مش عشان خاطر عنيك مصر دايما بتلاغيك بص دايما للأمام ده انت طول عمرك...