انا مش فاهم
لما فهمت إني أنا مش ح أفهم
قلت وماله
مين فى زمانا اتغير حاله
بعد ما كافح علشان يفهم
قالوا محدش
قمت مطنش
أصل الفهم
غراب بيخربش
كل صحابه
وأنا على بابه لكن مش داخل
خدها نصيحة
بلاش تتدخل
خلى مزاجك دايما عالى
وأنا كان مالي
ومال دي حكاية
العفريت جوه الكباية
أوعى ليطلع يسلخ وشك
شد الشيشة بقوة في كرشك
وأطلق غضبك فىالدخان
كان يا مكان
وباينة مكانشى
واقف أنا والدنيا بتمشى
لأ دا أنا ماشى يا دنيا بضهرى
بضحك قوى مع خوفي وقهري
ومش بأديه
كل الناس ماشيين حوليه
على دماغتهم
أما أنا ماشى على رجليه
ومش بأدية
أغير حالي وأبقى معاهم
أزاي شعري يدوب فغناهم
أنا مش عارف
أنا معر فتش
أنا مش فاهم
أنا مفهمتش
و الله فهمت
إني أنا مش ح أفهم .
