واوات
صلاة النبي تمنع إبليس
منها الفايده والتجاره
ياما ناس عبتها تلاليس
ماتت ما نالت الزياره
ـــــــــــــــــــــــــــــــــــــ
حلو يا نبي وحلو مدخك
أنا شابكني غرامك
طول العمر أنا صرت مادحك
حزين إل مشافش مقامك
ـــــــــــــــــــــــــــــــــــــــــــ
ورا الأيام قلبنا وعدلنا
والدموع ع الخد ساحت
لما قربنا ناخد عدلنا
لقينا الأيام ولت وراحت
ــــــــــــــــــــــــــــــــــــ
وليه يا زماني تاكلني
بعت العمامه والخليقه
أروح للوحوشه تاكلني
ولا لطعتي ع الخليقه
ـــــــــــــــــــــــــــــــــــــــــ
دنيا عتبه بلا ساس
يهدها اللي بناها
قليل المال تكرهه الناس
أغلب المحبه وجاهه
ــــــــــــــــــــــــــــــــــ
عيش على قد عيشك وفجلك
وعيش زي جدودك
وامشي على قد خطوة رجلك
بلاش تعدي حدودك
ــــــــــــــــــــــــــــــــــــــــــــــــــــ
الصاحب الزين يتحط في الجيب
وتفج منه الروايح
والندل لما يبدا بالعيب
ما تيجي منه غير الفضايح
ـــــــــــــــــــــــــــــــــــــــــ
الزمان انتهت عداليه
البطل ع الحق راكب
جا السبع يطلب عدل ليه
لقي الندل ع السرج راكب
ــــــــــــــــــــــــــــــــــــــــ
ابن الرديه مالك بيه
ماشي متكبر وهايم
عطاله زمانه وملك بيه
قال ع الأسوده بهايم
ـــــــــــــــــــــــــــــــــــــــ
أهل الهوى مساكين
الهوكي
