مواويل صعيديه
زمن الشباب راح بدري زمان مش فاضي ( مشى فض )
وفضلت حيران نن العين مش فاضي ( ماشايف الضي )
ضيعت بالحيل جوهر حر مش فاضي ( مش فضه )
وفضلت أبكي ودمعي ع الاراضي دين
حتى طبيبي قليل اصله واصله دين ( دون )
تعبت وشقيت وجبتله إجاره دين
نظرلي بالعين وقاللي روح مش فاضي
يا ظبيت الأنس مالك لم تيجي حالي ( حولي )
حبك سبانى سلا جسمى مع حالى
حرمت انا الزاد ولانوم الفراش حالى ( حلي )
من يوم هويتك وحبك في حشاي داب ( دب )
الصد والهجر من طبعك وفيكي داب ( دأب )
بالله حني لمغرم في هواكي داب
وان كنت كداب تـعالى انظري حالي
تعالى يا طبيب شوف جرح المبتلى ماله
وقف على الباب طلب شفقه ورحماله ( رحمه له )
حبيابه كتار لما شافو الآهات مالو ( ملو )
دنيا غروره تركب ناس وتدلي
ليه يا طبيبى مانافع فيك ودلي ( ود لي )
رحنا لفنان وقلبه في الهوى دلي
سند الكتاب ع اليمين ثم التفت قاللي
يستاهل اللي يضيع ع الردى ماله
معاي جرح يا طبيب هرى جسمى وحل معاي ( حل الأمعاء )
صايم على الزاد شرب المر حلى معاي
بالله يا طبيب تشوف في الطب حل معاي
وان كنت ماعارفش هات موال على همي
ليه ده الطبيب اللي جمع الطب منهمي
اتاري الطبيب يا ناس همه زاد على همى
من تقل همه ركب بكره وحل معاي
يا زارع الود ياك الود سجره قل
ولا سواقى الهوى نزحت وماها قل
ايام بنشرب عسل ايام بنشرب خل
ايام نبات في قصور وايام نبات ع التل
ايام نبات في الدفى ايام نبات في الطل
رحنا لفنان وقلبه في الهوى بيدل
سندل الكتاب ع اليمين والتفت قاللي
مين عاشر الندل بعد الغندره ينذل
للدنيا أحوال ياما ناس عادتها
فيها مبالي كتير بالالف عادتها ( عديتها )
عملتلنا بحور وانا مجبور عادتها ( عديت البحور )
دنيا رديه ولا واحد عليها قدر ( يقدر )
من طبعها السوء تغلي فى حشايا قدر ( زي القدره )
ادعي لمولاي واتضرع في ليلة قدر
من طبعها الغدر والتفريق عادتها
معاي جرح ياطبيب في المهجه ومترباش
هاتلي دوا زين ينفعنى ومترباش ( ومتربوش )
قاللي طبيبي انتا تبعني ومترباش ( ومتربش )
ولا يوم يا طبيب تسمعلي كلام مره
من صغرى ماشي معاك ع الحلوه وع المره
مثل سمعناه ونغنيه مية مره
يستاهل اللي وقع مره ومترباش
يوسف ابن يعقوب طلع بالسر من جابه ( من جبه )
وابن النبي نوح صبح غرقان ف الطوفان من جابه ( ما نجاه ابوه )
رغم ان ابوه كان نبي وينفق الحسنات من جابه ( من جيبه )
الراجل الجد يعرف حكمته بالقيس ( بالقياس )
ويتقن القول ماياخدشي الكلام بالقيس ( بالقص )
اسمع معاي مثل على سبأ بلقيس
على عرش بلقيس غير القطب مين جابه
معاي جرح يا طبيب والاحباب شتمني ( شاته مني )
قصدي أزور النبي ف الصيف وشتمنى ( اشتي ف منى )
قال الطبيب يا عليل لكل شي تمني
من كتر الاوجاع كم شمت العدو فيا
واهلي بيمشوا وراي فيه ورا فيه
مش عيب على سبع يمشيلو ورا هفيه
وآخر المطيه طلع فيها وشتمني
معاي جرح يا طبيب والاحباب شتموني ( شتوا مني )
قصدي أزور النبي ف الصيف وشتمونى ( اشتي ف منى )
قال الطبيب يا عليل لكل شتموني (لكل شي تمني )
تعالى يا طبيب أمانه للعليل إلحق
هاتلي دوا حر لا يكون في علب ولا حق
بكره حنفنى ونبقى بين ايادي الحق
أنا لما بقول الحق أهل البطل شتموني
تعالى يا طبيب شوف نوحي وتعديدي
ابات حيران حتى النجم تعديدي
وان طبت حالف حنديك مال تعديدي ( تعده ايدي )
وصبحت حيران بقول للندل يا عمي
جرى دمع عيني على خدي بقيت عمي
مش عيب على سبع في جلسه يكون عمي
من تقل همي عملت الفن تعديدي
عليل معاه جرح هرى جسمه وحل معاه
صايم على الزاد شرب المر حلى معاه
بالله يا طبيب شوف في الطب حل معاه
نظر الطبيب ع الجرح وقرايبه ( قر بيه )
نزلت دموعه سيل وقرايبه ( قرب )
أنا أقولك مثل ع الزول وقرايبه
ياللي علته من قرايبه والطبيب معاه
ليه يازمانى متديش للاصيل عدله
نايم سنه حول ولا واحد اتي عدله
وابو بال فاضي بيتكلم على عدله
دنيا غروره ماعارف صبحها من ضهر
لما اتاني الكبر وبقيت حانى الضهر
وصبحت مثل السجر لما يدبل منه الزهر
شوف ميلت الدهر جات للدون على عدله
بيت الكرم محترم ولو بدور واحد
لو فدان بيت البخيل ما يسيع ولا واحد
الله موجود ورازق نسرها واحد ( والحد)
ظهر معاي جرح من جوا الحشا معروف
طبيب الجراح رشلي الدوا معروف ( مع الرأفه )
الندل معروف ميكرمشي ولا واحد
معاي جرح يا طبيب من جوا الحشا غلبان
انا كنت لما يشوفونى من بعيد غلبان
ربطت هلبى وكانت ف البحور غلبان
الله موجود ورازق نسرها واحد
انا درت في الكون مالقيتش ولا واحد
مش لاقي واحد بيدى الحق للغلبان
اشكى من الدهر وابكي والدموع قراب ( قرب )
فضلت اقول آه لما عمرنا قراب ( قرب)
فتلك البر وعامل مسكنى قراب ( قارب )
عايزلى يوم زين ومعاكي اقيم الحد
واتحاسب انا وانتي في جبال تاكلنا النسور والحد
واقرا عليكي قل هو الله احد
لانك مفيتاش ولاحد لا الراكب ولا القراب
