العمارية الشرقية

كلمات أعجبتني بعنوان
أمثال في أزجال
كانت ستى الله يرحمها في كل مناسبة تقول أمثال
حافظ منها شوية في عقلي واقدر أقولها في الأزجال
راجل عاش طماع في حياته دايما يأكل مال الناس
ستى تقول على ده على طول مال الناس على طول كناس
يااللى بتطعن ناس في غيبتهم عندي عشانك قول يتعاز
عيب لو ترمى الناس بحجارة وأنت وبيتك كله قزاز
ربى البنت وصون أخلاقها شرف البنت أمانة ودين
واكسر ضلع البنت يا سيد يطلع تانى قوام ضلعين
ابنك سيبه ينقى عروسته وأنت لبنتك نقى عريس
بنتك لو ترتاح تدعيلك متسبهاش في أيدين إبليس
لما يفوتك شئ في حياتك تندم ليه أو تبكى عليه
المكتوب فين تهرب منه أوعى الماضي تفكر فيه
قبل ما تبنى الدار خد بالك اعرف جارك بالمظبوط
نقى الجار من قبل ما تسكن لجل تعيش على طول مبسوط
******************
منقـــــــــــــــــــــــول