أولاد حانة

مجلس حكماء للقرية
عارف ان فيه ناس كتير ح تقول احنا كبار وحكماء البلد لكن فين رايك وفكركم وانجازاتكم الغير معهودة لتطوير البلد اللى كل ما دا بترجع لورا مش شرط بتتقدم فى عدد الموبايلات ودخول الكمبيوتر لكن بتتقدم فى وجود مصانع تشغل ابنائها بدل بلدنا الاستهلاكية فى كل حاجة ومافيش انتاج او فى مراقبة التعليم ومركز الشباب والمستشفي فى البلد فى توفير وسائل مواصلات أدمية خارج البلد ... و أخيرا فى فض المنازعات بين الناس ويكون لهم راي عادل وراجح وماخوذ به واهل مشورة
باقترح اننا نشكل مجلس حكماء من القرية بعدد 10 افراد (5 شيوخ - 5 شباب ) لهم الراي والمشورة فى البلد تكون اختصاصاته :
1- المرور والمتابعة لكافة الخدمات بالقرية ( مدارس - مياه شرب -مركز شباب وغيرها للوقوف على المشكلات والعقبات اللى بتاخر شغلها او غياب المسئولين عنها ويقترح حلول لها .
2- المصالحة بين المتخاصمين وان كان ده موجود لكن بشكل غير رسمي ... لكن فى ظل عدم جدوي الشرطة وتفعيل دورها فى الوقت الحالي وكمان كلناأقارب وعارفين بعض .وعمل سجل للخصومات والتصالح
3-الاجتماع بصفة شهريه أو على الاقل كل 3 شهور لمناقشة مشاكل البلد ووضع حلول لها ويحدد مكان مخصص للاجتماع كالمسجد أو المدرسة.
4- له الحق فى المخاطبة باسم البلد للجهات المحتاجين منها خدمات ( مجلس المدينة - المحافظة وغيرها .
5- بالمناسبة عندنا مشاكل ومحتاجين لها حل منها ضرورة توفير وسائل مواصلات أدمية للانتقال خارج البلد للمنزلة عن طريق مخاطبة مجلس المدينة لتوفير المواصلات - محتاجين ندرس كيفية توصيل خط مياه من ترعة السلام لري اراضينا مياه حلوة بدل مياه الصرف ومخاطبة وزارة الري عن مدي احتياجنا لها - ضرورة استغلال مبني وحدة صحة المرأة المبني منذ اكثر من 10 سنين ومهجور وسكنته الخفافيش.