للثورة وش والف باب
للثوره وش والف باب
للشاعر محمد عبد القوى حسن
...
عضو اتحاد كتاب مصر
للثوره وش والف باب
للثوره صوت وحس
من بعد الغياب
لملم سكاتك واحدفه
من كان لصوتك خوفه
مين ارعبك
من غيبك عن امتك
يافرحتك
لما العروسه تبقى ليك
وتاجها يبقى ما بين ايديك
واهلك وولدك صحبتك
جاين يزفوها اليك
ياامايا قومى وزغردى
هيمى بنا او غردى
ماعاد بكى ولاحزن موت
ماعاد هوان ولا ويل سكوت
الكل جه هنا واحتسى
كاس امنيات
قام الصباح من رقدته
وفرش على وش الولاد
كل الحاجات والمحتجات
الكل اهتدى للثواب
والثوره كان ليها هنا
بين عرفنا مع مجدنا
قانون وعرف ومبتدى
وخبر ورفع وضم حذف
وكان لها هنا الف باب
للثوره صوت واحد ذكى
لابس عبايه من سلام
مرسومه جات الثوره
على ريش الحمام
لبيض
بيقرى سورة الاخلاص
وينقش حنان كف البنات
على وش العلم
ورايات لمجد بترتفع
كتب القلم
يحيا اللى مات
خضر سنابل ولدنا
فتح ورودنا بستان زهورنا
بين جناين الجنات
ومصر طالعه من الميدان
محموله على كف الامان
على كوبرى قصر النيل
بتقرى الفاتحه
على روح البنات
تتوضى م النيل العليل
وتغسل وشوشنا بكفها
انا شفتها وطلعت اجرى عليها
من وسط الملايين العفيه
وبوستها
وبكيت كتير بين يدها
وحضنتها من شوق لشوق
بعد الغياب
سلمتها تاجها وهيا بين عنان
كل السموات تنقرى لكل الخلايق
فتحت لنا اقمار شموس
مسحت على وش النفوس الطيبه
ورقتنا كلنا
كلنا
وحطت ايديها الطيبه
على وش المسيح
باست البتول
وف فاطمه الزهراء بكت
وصلت بنا هنا فى الحسين
واحنا وراها نقول امين
متطمنين
مستبشرين
ومودعين هم وسواد
ومقبلين هنا كلنا
وجهه وجوهنا وشمسنا
ع القدس ندخل كلنا
من اى باب
مش هى برضك كان لها
هنا الف باب
للشاعر محمد عبد القوى حسن
...
عضو اتحاد كتاب مصر
للثوره وش والف باب
للثوره صوت وحس
من بعد الغياب
لملم سكاتك واحدفه
من كان لصوتك خوفه
مين ارعبك
من غيبك عن امتك
يافرحتك
لما العروسه تبقى ليك
وتاجها يبقى ما بين ايديك
واهلك وولدك صحبتك
جاين يزفوها اليك
ياامايا قومى وزغردى
هيمى بنا او غردى
ماعاد بكى ولاحزن موت
ماعاد هوان ولا ويل سكوت
الكل جه هنا واحتسى
كاس امنيات
قام الصباح من رقدته
وفرش على وش الولاد
كل الحاجات والمحتجات
الكل اهتدى للثواب
والثوره كان ليها هنا
بين عرفنا مع مجدنا
قانون وعرف ومبتدى
وخبر ورفع وضم حذف
وكان لها هنا الف باب
للثوره صوت واحد ذكى
لابس عبايه من سلام
مرسومه جات الثوره
على ريش الحمام
لبيض
بيقرى سورة الاخلاص
وينقش حنان كف البنات
على وش العلم
ورايات لمجد بترتفع
كتب القلم
يحيا اللى مات
خضر سنابل ولدنا
فتح ورودنا بستان زهورنا
بين جناين الجنات
ومصر طالعه من الميدان
محموله على كف الامان
على كوبرى قصر النيل
بتقرى الفاتحه
على روح البنات
تتوضى م النيل العليل
وتغسل وشوشنا بكفها
انا شفتها وطلعت اجرى عليها
من وسط الملايين العفيه
وبوستها
وبكيت كتير بين يدها
وحضنتها من شوق لشوق
بعد الغياب
سلمتها تاجها وهيا بين عنان
كل السموات تنقرى لكل الخلايق
فتحت لنا اقمار شموس
مسحت على وش النفوس الطيبه
ورقتنا كلنا
كلنا
وحطت ايديها الطيبه
على وش المسيح
باست البتول
وف فاطمه الزهراء بكت
وصلت بنا هنا فى الحسين
واحنا وراها نقول امين
متطمنين
مستبشرين
ومودعين هم وسواد
ومقبلين هنا كلنا
وجهه وجوهنا وشمسنا
ع القدس ندخل كلنا
من اى باب
مش هى برضك كان لها
هنا الف باب
