خبار بلادي

الصفحة: 1 من 2

بوقالات********بوقالات
1-قوليلي نقطع لياس و لا نستنى وقتاش نتزوج و نولي كنة ، سمعت صوت جاني من الجنة ديري التصديرة

و ديري الحنة

2-ارمي الشبكة في بحر كبير يجيك فيها خير كثير ، ترش الورد و تتغطى بالحرير

3.اللي راهو في بالها هو في بالك و اللي تبغيها راهي على جالك و العدو بإذن الله راهوا هالك و اللي يخاف ربي راهوا ديما سالك

4.قلبك يهنا و ينشرح يسرح و تضحكلك الدنيا و تحن عليك و يجيك الخاتم بين يديك

5.أتوكل على ربي و دير الملزوم و نوي نية بالقلب المهموم شملك بيهم ملموم

6.إذا طاح الليل النهار راهو يطلع و إذا كثر النحاس الذهب هو اللي يسطع و سيرتك كي العطر بين الناس ، العقدة زينة و كي السلطان متربع

7.أنت شابة زينة فاتت على قهوة نوضت الغاشي و فاتت على مقبرة نوضت الراشي و فاتت على شير خلاتو مغاشي

8.فرشت فراشك بيدك و عفستيه برجليك و اللي غاب وراح و نساك راه ناوي يولي ليك

9.قلبي معمر و دمعي سايل و أنت حبيبي مرة تغرب و مرة تشرق شكيتك للغالي

10.بالبشارة بشرتوني و بالجنة زرتوني على الغالي إن شاء الله تهنوني

11.دارنا علات و شمسنا ضوات الطفلة اللي تحبها راهي جات و هي لالة البنات

12.عيطت على سيد الملاح صبت الناس رقود زعزعت الدالية طاح منها العنقود خلي لحباب تعود و كلشي بالمكتوب

13.عيونك زرقة و حواجبك زادتلي مشقة سمي باسم الله ما بيناتنا فرقة إن شاء الله يتسقم الحال و نديك يا عاشقة

14.إذا قنديلكم من الريح أنا قنديلي ضاوي و سعدي مليح كل ما تبنوا ساسكم يطيح و ساسي أنا سجالي الناس تشد في العبد و أنا نشد في ديما في ربي العالي

15.أنت يا القاعدة في لجنان و مدرقة زينك بغصن اللبان ما ولداتك سلطانة اسطنبول و لا سلطانة اليمن نطلب الله يجعلني بيك على طول الزمان

16.بركاك يا قلبي من البكاء واضحك لزمانك و اخرج بشاير الخير طلعت و ربي ردلي اللي كان راح و كي اليوم يزيان سعدي و نفوز بسيد الملاح

17.راني في وسط جناني السرّ و البهاء ريته بعياني راني راني حالفة بالرباني هذه المرة ما نأخذ غير البراني

18.يا لالّتي فاطمة يالالّتي فطوم سبحان خالقك ريت النجوم في السماء حسبتهم ساقك العين تبكي عليك القلب مشتاقك

19.السفينة اللي جات باش أنكافيها باللوز والسكر نطعم غاشيها وبالزباد والعطر نطلي سواريها ونطلب ربي العزيز للحج يدّيها

20.حبطت إلى قاع الجنان وفرشت زربية حرقست بحرقوس الذهب حتى الى وذنيّا افرحي يا يمّا سعدي ولّى ليّا نتشفى في العدو كما يتشفى فيّا

21.بعثت لك يا شباب دموعي قرنفلة حمراء يا عدو بن عدو بدّلتني بامرأة قال لي والله يا لالة ما نبذلك بالغير محبتك في قلبي حتى يشيب الطير

22.عندنا شجرة معمرة بالياقوت وعندنا فوّارة معمرة بالحوت اعطوني ابنتكم أو نطيح نموت

23.رجت بدر البدور تتزعبل في المور تلقت ذوك الشعور بالخد اللي ينور مثل التفاحة

24.الا كنتي في القصور، نتعلى و نزور، والا كنتي في البحور ذكري عوامة، الجود منك و العطاس مولانا

25.طلعت في التاقة، دربيت رجليه، حرقست حرقـوس الذهب حتى الوذنية، باركولي يا جيراني سعدي ولا ليه

26.خرجت من الفاس، دايره الداح و مقياس و ازويجه ملخراص، هددت وذنيها الليعندو نقش الريال ايجي يديها، واللي ما عندوش يقعد يقابل فيها

27.اسمعت قر الحمام، في قاعة السجنة، لا من طاه الما، لا من اسقاهاللفط، يا قمر الحمام، يعيا يحن الحنين، او تتعمر اقبوشه بالما، وانعودوالزمانا كيما كنا

28.لو كان بالسعود، تتغرس بالعود، نخدم اميه عود في مرجه وحده، يا سقام السعود سقملي سعدي

.
29.قطعت اللحم بيدي، واعملتوا بزاروا، واسمعت الكلام بوذني، و اعرفتمن قالوا، يا قوال الكلام الله لا يجعلك تربح، انا في جرتك و الكلابتتنابح هودت القاعة الجنان،

30.فرشت زربيه، جازوا اعليه طيور، جنوحتيهمعكرية، قالو لي يا الشباب واش احوال الدنيا، قلتلهم سلاما او عافية .

31.جزت على باب دارنا، صبت الناس الملاح ارقود، اتنهدت الذالية،واتخلخل العنقودن قال: الهلال تكشف قالوا: النجوم ذنوب، جيلو القلوب تهنا،هاذ الشي بالمكتوب

32.خرجت بدر البدور، تتزعبل و ادور، تلقت ذوك الشعور، زادوا الى حالي، تطلب ربي الحنين ما يجي العام ايدور حتى انكون في حجر اغزالي

33.هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

34.لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى . و حكمتكم :تجنب شؤم الهزل ، و نكد المزاح.

35.طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .و حكمتكم : ثمرة العلوم العمل بالمعلوم

36.رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد . و حكمتكم : جد بالكثير ، واقنع بالقليل

37.مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
و حكمتكم : الحازم من كتم سرّه

38.يما يما ديريلي تويقة في وسط الحديقة باش نشوف زهرى كي تجيبو ذيك الوريقة. و حكمتكم : الخَرَسْ خير من الكذب

39.. ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالي ، بنياني فوق غرفة و لي يخصني يكملهولي العالي .
و حكمتكم : دُل على الجميل بجميل خلالك

40.عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
و حكمتكم : ربما أراد الأحمق نفعك فضرّك

41.الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
وحكمتكم : زين النّطق الصّدق .

42.خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
و حكمتكم : سرور الدنيا كأحلام النائم .

43.الناس تنده بالرجال و الوالي ، وانا ننده بربي العالي .
وحكمتكم : الشكاية سلاح الضعفاء .

44.حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة و حكمتكم : صداقة الجاهل تعب.

45.كلام على كلام و الكلام على سقيلة ، العين في العين و الدّعوة مقبولة.
و حكمتكم : ضالة الكريم حسن الثّناء.

46.يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .
و حكمتكم : طوبي لمن شغله عيبه عن عيوب الناس

47.محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .
و حكمتكم : ظلم الضعيف أفحش ظلم

48.لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .
وحكمتكم : العين بريد القلب

49. قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.
و حكمتكم : الغفلة غرور

50.. جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .
وحكمتكم : الفقه جيش لا يهز..

51.جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.
وحكمتكم : القريب من قَرُبَ نفعه.

52.امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .
وحكمتكم: كرام الناس أسرعهم مودّة.

53.نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.
وحكمتكم : لين الكلام قيد القلوب.

54.سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .
و حكمتكم : المشقة كلها في تأديب الجاهل .

الأيام الحلوة

الأيام الحلوة بتعدي بثواني

الأيام الحلوة مابترجعشي ثان

حبـــل الــــــــود سيب

طعــــــم الظلـــــم شيب

زمن الصدق و زمن الطيبة

بقت حاجــــــة بتتعيــــب

نجرح نقسى و نظلم و غلطنا بيتبرر

و الحلو بيتمرر و الجرح بيتكرر

معنــــــى الحــب بنزيفـــــــــوا

صوت الحــــــق بنكتفــــــوا

والـــي نسينــا عايـــش فينا

و لشرينـــا بنخدعــــــــوا

و لا فــــي الشـــدة حبايب

و لا فـــــي الدمـــع قرايب

كل في فرحك قرحك ألمك نارك غايب

كاظم الساهر

يا قدس

يا قدس يا مدينة السماء

أراك في ثوب من الدماء

حال العرب

نزار قباني

أنا منذ خمسين عاما

أراقب حال لعرب

وهم يرعدون ولا يمطرون

و هم يدخلون الحروب و لا يخرجون

و هم يعلكون جلود البلاغة و لا يهضمون

أنا منذ خمسين عاما

أحاول رسم بلاد

تسمى - مجازا –بلاد العرب

رسمت بلون الشرايين حينا

وحينا رسمت بلون الغضب

و حين انتهى الرسم سألت نفسي

إذا أعلنوا يوما موت العرب

ففي أي مقبرة يدفنون

ومن سوف يبكي عليهم ’’

وليس لهم بنات

و ليس لهم بنون

و ليس هناك حزن

و لا من يحزنون

أحاول منذ بدأت كتابة شعري

قياس المسافات بيني و بين جدودي العرب

رأيت جيوشا و لا من جيوش

رأيت فتوحا و لا من فتوح

و تابعت كل الحروب على شاشات التلفزة

فقتلاء على شاشات التلفزة

ضحكت ضحكة سمعتني بنية عذراء هزيت راسي و قلت لها نويت نية و بضحكتي مبنية عيني شافتك و قلبي مال ليك قولي لأهلك غدوة راني جاي نديك

حب الملوك ياحب الملوك يالي مصدر في وراقـو أتموت على الحبيب و ماتصبر على فراقو

خمـري يا خمري ، يالي عايروني بيك إذا أنت سلسلـة أنا خامسـة فيك إذا أنت خاتم أنا فصيصة فيك ، نضاربو في بـلاد السيـوفا و اللّي يغلـب يديك

رات عيني شعر الزهور بالحنة مظفور و الخد اللي ينوّر يعطيك نقاتو ، هذا سيدي حبيبي يخرج و أنا ندعي بحياتو

غرست ياسمينة في وسط الدار طاحوا وراقها واحد النهار قلت حبيبي أنساني قالي مانسيتكش بلعاني مالقيتش الطير إلى يوصلك سلامي

لونجة بنت السلطان ، عليها ربع خطابة ، الأول رزين الفرسان و الثاني قاس لها مشوار و الثالث قطع البحور و الرابع منو مكاش

نتمنـى لك اللقاء يازينة المنطقة ياخدود الورد ياريق التفاح نتمنـى للحبيب ليلة و يرتاح

قطعت لطرف الجنان فرشت زربية و مخايد عكرية فاتو عليا 2 طيور بريوش ذهبية قالوا لي أنت بنت ناس ملاح و ضحيتي مرمية بصح ما أطول عليك هذي البلية و سعدك يتقسم يامولات القلب الأبيض ماكي دونية

خدك يبرق ، حاجبك خط معرق ، قطرة العرق على خدك تزلق تقولي زواق حبطت من ثم قبالة للفم ما يبتسم مايتكلم تقولي عليه خاتم

طلعت للسطح نسقي الحبق ببريق البلار جازوا على ثلاثة من الأقمار ، واحدة لالة و واحدة فنار و واحدة تشعل في القلوب النار

ابريق الفضة في يدي مليان مسك و طيب هو و شمعة عيدي نهديهم لحبيب كي نلقاه عندي ماردت دواء طبيب

قال الياسمين يا ما أعلاني ياما أبهاني ، أنا الساكن في العلالي و أنا في النساء عشاق نطق الورد و قال ياما أعلاني يا ما أبهاني أنا مير في جناني أنا في لوني حماق ،نطق الضر و قال أسألوا الفحصي و المدني الظراف و العشاق ماأحلى لقاحي في الكأس جميع النوار و النوار و دايــريــن علـــى أغصــــاني و أنــــا عليهـــــم راس نطــق الريحان قال أسكت يا ثرثار أنت كي تيبس ترجع للنار و أنا عرقي من المختار

مقدود و القرن مسقم اغزال شافت العين شارلي و تبسم قالي اهلك وين حشمت لا نتكلم و حمارو الخدين

قاعد و حدي نخمم حتان جاني الطير فوق راسي اتبسم حاسب بشار الخير نطق سعدي تكلم قال اغطاك حرير

الشعرحرير طايح ليل على اركان سال الدم سايح مدقوق بشفر لعيان داه لحمام الرايح اوصل ليه العنوان،جاب الرد صابح و السر داخل لكنان

اعقبت على لسمر امذبل العينين امليت حجري بالسكر و الورد و الياسمين بيه انصبر ما طقت افراق الزين

امليت حجري قمح و خذيت بيه لمريرة اونمدح و نبرح في يدي خيط النيرة خفت يتكفح و تروح قاع الذخيرة

طير و الريش محني فات اليوم الصباح عند الباب يقابلني تبسملي و راح اعليه نشعر و نغني و عليه نعود مداح

رونت الحنة بيدي أوفرشت ليزار و سنيت سعدي عند باب الدار جاء اليوم عيدي و تشوف فرحة الصغار

دارت البثرور منوش و تحزمت على ملحفة بان الزين يللش مطبوع بذيك التحفة عليه نبيع المعلش و نعود انسيج الحلفة

بسم الله بديت و على النبي صليت ياساكنين البيت نروح الحج أنا و أهلي و من حبيت

يا الحمام المعلي نعطيك تدي جواب اصفا و أرواح مولي جيب خبر اللي غاب شتى في هذا البر و اللا فات حذا البحر و لا تحت الحجر و لا فوق السحاب

قلبي صندوق الذهب و العشق مفتاحو إذا ذهب ريح الظهـور يتراتقــوا لـواحــو

هبطت للجنان فرشت زربية حرقست حرقوس الذهب حتى الودنية ، افرحي يايما سعدي و لا لي نستشفى في العدو كيما ستشفى فيا

جايز على باب دارنا لابس تلمساني قتلوا يا شباب بلاك تناسني قال و الله ماننساك أو ما تحيك من بالي

هبطت البحـر صبت الرمل يغلــي حفنت بيدي اليمنــى حطيـت في حجـري نطــق ليا المالك قالي يفرج ربــي

يامولات الشعور بالحاشية مظفورة خدك ديما ينور وردة مسكية إذا سكنت قصور نكري لك سلوم و إذا طرت مع الطيور نكري لك عصفور و إذا غصت في البحور نعمل لك عوامة و إذا سكنتي في القبور حسيبك مولانا و التراب اللي يغمك يغمني أنا

يماك سماتك باهية و أنت ياهية الباهيات قد سبيلة الذهب بين زوج ياقوتات ضويتي على العاشقين و تكسلتي على البنات يامولات السعد القاوي ما ننساكش هيهات نخدم في جنانكم و نحمل الطاسات

عائشة يا عائشة جاك الخبر قوم تدبري قلت مسبوغة الشفـــر آش نــدبر إذا غابــو الديار نكري لك حانوت المفتاح ذهب و القفل ياقـوت مـا نسلمش في حبيبي لو كان نموت

في السـاقية يغسـل في تـوب المسك و الغـلي يحك في عـويناتـو ، نطلب ربي الكريم يخليــه ليـمتــو

قالت إنسانـي قال! قلت خلـني قال ! قالت أخطبنـي قال ! و قالهــا أنت وردة ربيـعي و شمس صيفي قالت! قال أنت منايا و سعـدي قال نعـم

فـرشـت لـفـراش لفـة بلفــة و دربـت البـاب دقـة على دقـة مصبـاحي شاعــل عمــرو مــايـطفــى

و كيلكــم ربـي يا عدياني يالي راكم فيا تمنشـرو ، ما نعـرف لا حسد و لا بلعـاني و صايتي لكـم روحـو تــوبــو

هبطـت لقــاع البحــر جـات لمــوجــة تجــري قالـت لـي روحــي ياخليــلــة راهــي شمعتــك مضـويــة و قضيتـك مقضيــة

خرجت بدر البـدور تتـزعبـل بالمـور ،طلقت دوك الشعـور بالحنانـي مظفـورة ، زاد قوى هبالي يارب سهـل لي ، سهل لي بالله أنت سلطاني

يـازارع الخيــر الحبـة ، و زارع الشر ياســر مول الخيـر محبــة ، و مــول الشـر الخـاســـر

إيـــلا أنت بحـــر أنــــا حـوتـة فيــك و يــلا أنـت جنـــــان أنـــا وردة فيــك و إيـلا أنـت تحبنــي أنــــا نمــوت عليــــك

يالالــة فاطمـة ريـت النجــوم في السمـاء تقايسنــي ساقك العين تبكـي و القلب مشتـاقك

حنــة ياحنــة يامعطــرة بـروايــح الجنــة جينـي في السيــرة و السنــة اللــي هبـل يداوي بيــك يتـهـنـى

طليــت علـى البحر و شكيتـلــو همـــي أنطـــــق ليـــا البحـــر و قــالــي يفــــرج ربــــي و بحبــك ساـلــم غـانم و التـكــلان علــى ربــي

خـرجت فـي نصـاف اليالـي و طلبـت معبــودي قلت ياربــي إجمــع لـي شملــي مع شمــل محبــوبي ، جاء المعلــم اللــي والــفتـو و خيــالـــه بيــــــن عينــيــا ذوك 100 و مــايجــــــوش كيــــــف سيــــــرتـــــو فـــــي العقــــــليــــــــة

غــالـي غــالـي و الغــالــي ربــي مهمــا أتــروح و تغيــب معـزتـــك فــي قـلبـــي

صفيت ماء الورد أورشيت بيه الساس و عطيت معاه الوعد ما نرجعش أخلاص أسقم بان السعد و رفعت بيه الراس

ألبست القاط جديد و بلفتول غطيت راسي أوناديت نهار العيد و قاع لميت تاسي جاني من أبعيد اللي فك أحباسي

امليت حجري قمح و خذيت بيه لمريرة اونمدح و نبرح في يدي خيط النيرة خفت يتكفح و تروح قاع الذخيرة

شفت الزين غير بعيني واش ايصبرني عليه ابكيت على سنين اللي فاتت بلا بيه الحبيب اللي يبغيني ليا ربي يخليه

جزت على هاذيك الساقية صبت الماء يولول اللي يتمنى حاجة ربي يكملو

خرجت بالجمعة و في يدي شمعة و نصيب المؤذن فوق الصومعة قالي واش تحبي يا ولية ؟ أيجيك محمد مابين صبحة و عشية

فاطمة يا فاطمة يا منقوشة الحواجب عليك راني مهموم و عليك مراني فارس أنا نديك بالزرنة و الكرارس

قاعدة في التبق مرشوشة بالحبق شافها الطير من السماء إنطق قال ياسعد لي راح لبابها و دقدق

خرجت بدر البدور تتزعبل في البور طالقت دوك الشعور بحواشي و حناني نطلب من سيدي منصور ندخل و نخرج و نمحي قاع عدياني

جاز على راس الجبل بالوز مدرق جاز داك الشاب تحفيفتوتبرق عليه نرمي لولاد و عليه نطلق عليه نخلي لبلاد و نرجعها فندق

أهبطت يا من كنت في راس الشجرة و طلع يا من كنت بالأرض بعيني ريت اليابسة رجعت خضرا و الناشفة رجعت غدير ، نطلب من ربي لحنين يبدل ساعة بساعة الخير و نعود كي النجوم مرفوعين

إلبست تلمساني و قولت حبي نساني قال و الله ما نسيتك تحسبي في غربتي راحة ، 100 و 200 تفاحة و الله ما نصيب الراحة غير لاجيت و تلاقيت معاك في الساحة

لعدو لي طغـى الله يخيب مكرو و التراب لي إعطش الله يسقيه بمطارو و اليل راه أمشى و الفجر لاح عساكرو و الحمام لي طار الله يردو لوكارو

علي يا علي و إسمك غالي ياسنسلة في رقبتي يا مزين خلخالي دير روحك طبيب و أجـي داوي حالي نفرشلك حرير و نغطيك بإيزاري .

بيني و بينك كلام إرصاص و لي بيناتنا واش وصلو لناس ما كاين حيط بلا ساس و ما يرفد الدرك غير بنات الناس

يامولات ذاك الجنان شدة و تخبيلة عينيك حوت و حواجبك نيلـة ، قلبي إحصل عندك و ماصابتلو حيلـة

إخرجت في اليل نطلب في الله لقيت نجوم تصلي على رسول الله كل نجمة تدعـي و تقول كل واحد ياخد ما عطاه الله

اليل ي اليل و أنا تحت تاقتها نتقلب بحرقتها يالي داخلين لدار بوها سلمولي على ركبتها حق سيدي مالك ما جابتني غير محبتها

لسمر يا لسمر الناس تهموني فيك ،إلا أنت قمجة أنا قفلة فيك و إلا أنت خاتم أنا يقوت نبهيك ، نظاربو بالسيوفة و لي غلبت تديك

غرست يسمينة في وسط الدار طرافها قرنفل و ساقها زنجار ، ياما ياما مأحلى عشق الجار العين تبكي و القلب شعلت فيه النار

حبيتك بقلبي و فمي حاشم ، تمنيت تجيب ماليك و ندير الحناء و نزيد الخاتم

ماتقول خلاص و ماتقطع لياس إنت في قلبي كيما البارود في الرصاص

ربي كتبك ليا و الزهر رماك عليا و زينك جار عليا ، تعيا و طول تكون ليا

جزت على ديك الساقية و لقيت ماها يولول و لي متمني حاجة إنشاء الله ربي ليه يكمل

إحبطت لقاع لجنان لقيت 4 قعود تنهدت الداليا و تنفس العنقود ، لهلال قال نكشف ، النجوم قالو شهود ، خلو لحبيب و لحبيبة و كل شيء بالمكتوب

بوقالات