الفراق المحتوم
ضاقت بيا ارض مولانا وسمــــــــــاه
من بكري ليام تخدع خوا نـــــــــا
هاج اعليا ريح لمحبة مقـــــــــــــــواه
وظلمنا مقساه جوره عيا نــــــــــا
كي غيب ماكان لي خير اتجـــــــــــاه
وحياتي بهواه كانت فر حانــــــــا
كان مونسني بحبه يا محـــــــــــــلا ه
ما يسمع فيا حديث الفتا نــــــــــــا
كيف أندير منين صد وبان اجفـــــــا ه
كي والفته غاب روَّح وهدانــــــــا
كنت انسافر ليه كي نبغي نلقـــــــــا ه
كي ولفني غاب روح وهدا نـــــــا
موعدنا مثل العوايد حددنـــــــــــــــاه
صبحت يوم السبت درنا ملقانــــــا
عاد عليا حلم وبكى حين أحكـــــــــاه
فسرلي معناه بعقل ورزانــــــــــــا
قالت شفتك شق صور اظهرمَعــــلاه
دون الصور اسلاك شوكه عيانـــــا
صور ا طويل اماقدرتش نتخطـــــــــاه
نسمع صوتك من بعيد و ندانـــــــــا
غيب وجهك في سراب ادرقت أوراه
ما عندي طاقة أنجيك اتلقانـــــــــا
ماعندي قدرة السجنك مالي بـــــــــاه
لله المعبود نرفع شكوانـــــــــــــــا
ياولفي هذا منامك فسرنـــــــــــــــــاه
ونعيشوه اثنين لاحد امعانــــــــــــا
راني خايف من منامك لا نحيــــــــاه
كيما شفتي فيه ظني يصفانــــــــــا
طريق امشوك كيف لثنين اسلكنـــــاه
مادرناش احساب ليام اورانــــــــا
حدثني بحديث عاقل وسمعنـــــــــــاه
كي ودعني قال حاول تنسانـــــــا
يوم فراقك طول عمري ماننســـــــاه
حتى يوم انعود عاشر جبـــانــــــــا
شكون ايجيني في مكانك ما نلقــــــاه
ماظنيتك ياحبيبي تسلا نــــــــــــا
يامحبوبي كل هذاالظلم اعــــــــــــلاه
يهديك الله خاف ربّ مولا نـــــــا
لاتظلمني جبت لك من خلقك جـــــا ه
ارفق بيا كون رحيم امعانــــــــــا
انا بيا حب غالي والفنـــــــــــــــــــاه
ويعزاعليا فراقه نوَّانـــــــــــــــــا
القلب ابلا بيك وين انصيب اهنـــــــاه
من لي عرفك راح عشرك وهدانا
عقلي شارد في بحورك مانلقــــــــــاه
عيني طول الليل تدمع سهرانـــــا
من لي شفته طارعقلي صدامعــــــاه
ماخممت ايجي نهار و ينسانــــــا
زرعنا ورد جميل بالحب اسقينـــــاه
وذبل قبل الوقت روَّح للفا نـــــــا
كاس الفرقة مر لثنين اشربنــــــــــاه
بحر الحيرة هاج لثنين اكلا نـــــا
مولا ست احروف بيهم تم اسمـــــاه
منقوشين اعلى ضميري كالخانــا
كلامك امر الازم اعليا نر ضـــــــاه
عطيتك عاهد مانخون الامانــــــا
مكتوب الله صاحب القدرة والجــــاه
والمكتوبة وين رحنا تلقا نـــــــــا
نصبر للمعبود كيما كان اقضــــــــاه
سبحان الرحيم رب مولا نـــــــــا
الشاعر : الدين نعيمي
