بني وشاح

قرأت فى الصحف والمجلات والمنتديات فى الفترة الأخيرة عن وجود ما يسمى بقوائم العار للثورة او القوائم السوداء لشباب 25 يناير . والحقيقة لقد صدمت جدا من هذه الأخبار التى لا تنم الا عن فكر شديد التعقيد والقسوة والرجوع للخلف فى الوقت الذى نحاول ان نمسح ونمحو فترة سيئة وقاسية من تاريخ مصرنا الحبيبة تميزت بكل انواع القهر والفقر والتخلف ومصادرة الآراء الشريفة الطاهرة والسلب والنهب من موارد الشعب العزيز واقتصرت موارد شعبنا على فئة قليلة من الخونة ورجال الاعمال ضعيفى الذمم والاخلاق اما الان فيجب ان نترك محاسبة هؤلاء الى جهات الاختصاص والقضاء لينالوا جزاء ما ارتكبوا فى حقنا وحق شعبنا العظيم وسبب رأيى هذا ما يلى :
أولا : من الحكمة والديمقراطية اللى بنصرخ مطالبين بها من بداية الثورة ان نحترم آراء الناس حتى لو كانت خطأ او ليست فى صفنا او معارضة لينا .
ثانيا : ياريت نبطل نتكلم فى الماضى واللى كان واللى حصل واللى جرى والفساد اللى كان موجود زى الرز لازم نفكر شوية فى اللى جاى وهانعمل ايه بكرة وفى مستقبلنا وحياتنا وحياة اولادنا اللى جاية .
ثالثا : دول كلهم ابناء مصريين ومن امهات وآباء مصريين مش اجانب ولا كفار ولازم نحترم فكرهم وآرائهم حتى لو كانوا معارضين او مختلفين معانا فى الرأى من منطلق ( اختلف معك فى الرأى بشدة ولكن اضحى بحياتى فى سبيل ابداء رأيك ) .
رابعا : احنا كرهنا عصر اللى ما يسمى حسنى زفت ليه لانه لم يكن يسمع آراء الآخرين ويضطهد ويطرد المصريين الشرفاء ويتخلص من كل معارض له فى السلطة أوالحكم فبلاش ننهى عن شيئ ونأتيه !!!!!!!!!!!!! ولا ايه ؟