السوادية

يسعدني كثيرا ان اضع هنا بعض اشعار الشاعر الكبير الذي ربما بعضكم
سمع عنه وهو ابو دره علي بن احمد السوادي املا في اعمل على ارشفت
باقي اشعاره الكثيره على شبكة الانترنت ابتداء بموقع خبار بلادي
واليكم بعض قصائده :
يقول ابودره صديقي خاين= وانا بدوري والنبي ماخينه
حرك برمش الساجيات الساكن= لما استهامت نفسي المسكينه
واصبحت لاخاين ولانا راكن= وهو يقلد لي جناح الزينه
ياليم ياليمون يامتلاون= هل طعم ليمك والسفرجل عينه
وقال ظاهرنا دليل الباطن= وكل شيءً جربه في حينه
ياطن طن افطن كلام الراطن= جيل الوطن مطعون من تطعينه
والبوم لايفهم ولاهو فاطن= لاحد طرح راسه على سكينه
ياطير ذي ريشك معك متعاون= قسوة جناح الطير من تموينه
لاطار وانه في الهوى متوازن= خذ لفته لما عرف تمكينه
مثل سفينة نوح مرت شاحن= نجت بمن فيها على تلوينه
والطير لبيض بالوفاء متهاون= واصبح غراب اسود جزاء تهوينه
وجب على الطاووس لعن اللاعن= ذي خرج آدم واختلف عن دينه
وخرب القصر المشيد الماكن= واتجاهل الامرين في تكوينه
والعيب في راس العجوز الكاهن= ذاك الذي قلد جناح الزينه
لاقلت باحارب ولابافاتن= ولااعرف الحربي ولاتمرينه
بينك وبين العز دحن الداحن= لايعرفوا قدرك ولاتثمينه
لاتقاسموا يدوك نصف الثامن= مثل الطبينه لاسهل تعيينه
ياغر يامرتاح يامستأمن= حمل السلاح اشرف من التخزينه