حوار بينى وبين قلبى
لو بتسأل هى مين مش هقولك
لو هتسأل هى فين مش هدلك
لو الف سين منك مش هقولك مش هدلك
لأنى وبساطه معرفهاش
ما قبلتهاش ما كلمتهاش
وما شوفتهاش غير فى صوره او فى اتنين
وبصراحه كانوا لقلبى قريبين
مش عارف جايا منين
ولا عارف هى فين
مش عارف رايحه لمين
لا.... مش هينفع وصف فى كلمتين
ولا اكتبلك فيها بيت او بيتين
ولا اقرالك عنها ولا الف مجلد ولا الفين
خلاص.....لو عاوز تسمع ؟ خلينا فى الاول صابرين
خينا مفتحين عنينا ومصحصحين
لانى عارف عارف بالك هيروح لفين
لا يا سيدى...... مش ملاك ولا حوريه
دول مع بعض الاتنين متقلبين ومخلوطين
مش مصدق ....! ليه كدا بس
طيب . اسمعنى وانت تحس
وشها ده زى القمر مش مدور بس احسن من القمر
مبسوط بيضحك تتمنى يكون لك قدر
ابيض وفيه شعاع نور
جميل رقيق ولا بدر البدور
الابداع تشوفه فيه واقف ولا الف طابور
كل حته فيه بتسقط للنسيم بذور
تشوفه ما تنام وتقضى عمرك سهر
وجبينها زى السحاب
شوفته قلبى فيها داب
مات فيا العذاب راح منى العتاب
واتبدلو اخوات اصحاب احباب
لو تمشى فى ضباب
على طول مفتوح للنور فيه باب
ولو تعرف .... حواجبها خطين رفيعين
من التلت الاخير شويه مرفوعين
سهمين متصوبين على قلبك على طول رايحين
ساكنين ومسيطرين
بشوفتهم عنيك مرتاحين
اما عنيها بقه دول احلى ما فيها
محتار اقول او ابدأ منين
مرسومين متحددين
قصرين متلونين بنيين
مليانين ريحان وفل وياسمين
طيبين
اقولك ....... اسمع
الحب والعطف والرقه والاطمئنان والامان والحنان فيهم باينين وفيهم عايشين
موجودين فى عنيها ومرتاحين
تشوفهم تعرف انت فين
مش جنه واحده دول جنتين
مش دنيا تغرق فيها دول دنيتين
تشوفها تلاقى نوعها فريد وتحس باحساس جديد
قلبك تلاقيه فرحان سعيد ونبضه هيكون تغريد
وعمرك على طول يزيد
اما خدودها دول هلاك
دول اروع من الملاك
من الجنه فى كل خد ورده حمرا تتمناها تكون معاك
فى بالك تسرح بيها هناك
تستناك لو حتى هتمشى على الاشواك
هتروح لو هتكون اخر دنياك
ومناخيرها ...... دى نجمه من السما فى وشها
مزروعه فيها بجدرها
تلمحها تسرح فى ضيها
تغرق فى سحرها
مفيش اجمل منها ولا اروع منها
سبحان الله ابدع صنعها
ويا محلاها شفايفها تتمناها
لو عمرك تستناها
وتنام تحلم بيها
البسمه باينه عليها
والفرح عايش ليها
والقلب مرسوم فيها
لو تأمر كلى ملك ايديها
لو ثانيه اقرب ليها بالدنيا وكل ما فيها
تعرف ؟
كلها على بعضها تحب تشوفها وتبص لها
وما تبعد عينك عنها ايوة ..... بكل بساطه لانها
نسمه للدنيا كلها
نسمه الحياه واصلها
الحب كله والسعادة مجرد نسمه جمبها
قليل اللى بقوله عنها لان الغالى رخيص جمبها
وان كنت بتدور على السعاده مش هتكون غير معاها وف قربها
مش هتلاقيها غير جمبها
لو كنت شفتها .... هتموت لو بعدت عنها
يا عم خلاص........ مش قادر
دلوقت وانت بتوصف فيها الجنه انا حاسس بيها
لو ثانيه زدت عليها هموت منك فيها
واغرق فى بحور اراضيها
خلاص يا قلبى نا وكمل حلمك بيها
