الاحراز

موش بس إنتى أسوان وسينا
ولا بس إنتى فرحة وزينا
ولا ميه حلوه تجرى ف وادينا
لأ دانتى دم بيجرى فينا
يامصر دانتى فجر الضمير
تاريخ وحافل بالمعجزات
م اسكندرية للأهرامات
وسد عالى ومدن جديدة
وأوبرا عايده ومشروعات
يوم سته عشرة هبوا ولادك
عبروا قنالنا والفرح جالك
وابنك يا بلدي حقق آمالك
بنصر غالي وعزم وثبات
مديتى ايدك بغصون زتونك
ربك حماكي م اللى يخونك
يا كنانة خضرا أمسك ويومك
ياللى تاريخك للنور آيات
موش بس إنتى علم وحضارة
ولا بس إنتى فن وعمارة
لأ دا انتى شمس تهدى الحيارى
يا مصر دانتى بشرى وبشارة
مركب حضارة بالخير تسير