الى صديقى المسيحى هذا عنوا قصدتى
[center]( الى صديقى المسيحى )
قلبك وجعك
زى قلوب الكل ما باتت
ليله العيــــــــــــد
فى نزيف الدم
صعبوا عليكى
عينك دمعت
ولبستى الجلابية السودة
وشيلتي الهم
جالك نوم
والاشلااااااااااااااااء
اطفال وصبايا فى عمر الورد
مش عارفين ازاى تتلم
اول مرة احس بعار
اول مرة اطاطى الراس
قدام فكرى ومينا وبطرس
احنا ورب الكعبه يا فكرى
مش اشرار
ولا انتم مديتوا اديكوا فـــــــــــــــ يوم
بأذية
كنا وكنتم طول العمر
اخوات وصحاب
والنبى وصى يا صاحبى بجارى
لسابع جار
فاكر لما وقفنا يا فكرى
من كام عام
على خط النار
واحنا فـــــ سينا
يومها نسينا
دينى ودينك
حتى نسينـــــــــــــــــــــــــــــــــــــــــــــا
كمان اسامينا
كنتوا معــــــــــــــــــــــنا
صوتنا يشق الصحرا وننده
لااله واحد
لاجل ما ينصرنا ويحمينا
والطلقة بتيجى ما بتفرق
بين مسلم ومسيحى وقبطى
شايله الموت وتفوت وسطينا
اقسم بالله المعبود
لما بسافر دايما اقولة
فكرى يا اخويا
خلى ولادى وبيتى امانه جوة عنيك
شوف حواليك
شوف كام واحد بيحبك
كل الناس دى فـــــ وقت الشدة
تلقى ايدها حضنه اديك
دا نت ملامحك هى ملامحى
والجرح اللى يصيبك يوم
هو انينى ووجعى وجرحى
دايما جنبى فى لحظة حزنى
وبتسبقنى فــ ايام فرحى
يلى ما تعرف دينى كويس
اقرا كتاب الله من تانى
ربنا قال
هما الاقرب رحما الينا
هما صحاب الارض معانا
هما سندنا
مش اعادينا
بدعيلك يا اله الكون
احفظ بلدى
انت خلقت الناس من طين
والدين ليك
انت لوحدك بس تحاسب
يوم الدين
وانا بتبرأ من ايد غادرة
شالت مدفع
حدفة طوبه
مسكت شومة
واتمدت عا لمصريين
قولوا معايا
عاشت بلدى عزيزة وحرة
قولوا معايا بأعلى الصوت
مصر لكل المصرين
مصر لكل المصرين
للاسلام .................. للمسحي
