الاحراز

يا قلبى يا اخضر
يا اللى بلون الورد متحنـّى
ليه طاير من الفرحة كده
نشوان وبتغنى
لا هىَّ دى عادتك
ولا عمرك كنت متهنى
إيه اللى حصل قول
متخيِّبش فيك ظنى
قاللى بص شوف جنبك
من قاعد ومستنى
إلتفت لقيت قمر
ورموشه حلوه من سنى
سهَّانى قلبى ورفرف ناحيته
خانـِّى !!!
قولتله إرجع
أوعاك تبعد بعيد عنى
وقع القلب فى حجر القمر حاضنه
كإنه حاضنـِّى
بص القمر ناحيتى
فكـَّرته هيهينى
غمَّضت عينى من الخجل
وعملت إنه مش منى
جه القمر ناحيتى
وهو ماشى متأنى
فتحت عينى أعتذر
لقيت شفايفه قـُرَيـِّبَة منى