الاستاذ علي هزايمه-كان لينا فرن وجرن
كان لينا فرن وجرن كانت العيشه عال
كان زادنا ف بيتنا لا جزار ولا بقال
خضارنا ف غيطنا ولا حوجه لمال
كان ف نفوسنا رضا رغم ضيق الحال
كأننا من حبنا لبعضنا مربوطين بحبال
كان فرح جيرانا فرحنا وحزنهم حزننا
وجرننا يلمنا ندرس ونذري قمحنا
بنات وستات وشباب ورجال وعيال
كأننا من حبنا لبعضنا مربوطين بحبال
لاطمعانين ف حد ولا حد طمعان فينا
ولو رزقنا ع القد راضين به ومكفينا
لابنا خصام ولابنا عتاب ولا لوم وجدال
كأننا من حبنا لبعضنا مربوطين بحبال
كان لينا فرن وجرن كانت العيشه عال
