جنين بورزق

السلام عليكم ورحمة الله تعالى وبركاته

ناس بكري يقولوا العاقل مايعقلوهش الناس -كلام العقال قالوه بكري ومازال ...الامثال الشعبية الجزائرية حية في كل زمان ومكان... فقط أردت ان اكتب باللهجة الجزائرية المعروفة عندنا حتى يفهم الجميع ان الجزائر في حاجة ماسة الى كل أبنائها - نعم كل ابنائها دون استثناء...حنا ان شاء الله مقبلين على انتخابات رئاسية بحول الله تعالى باش نخرجوا من هذا الانسداد اللي راها تعيشه الجزائر بلادنا ..حبيت نقول حتى الوقتاش نبقاو هكذا والعالم يتفرج فينا ويضحك علينا ---ولذلك يتطلب منا كلنا جميعنا ان نذهب للانتخاب القادم بحول الله تعالى ونخيرو رجل اللي يحب يخدم البلاد والعباد ويكون جزائري الاصل والفصل فقط يخدم من القلب ماشي سراق وكذاب وخائن يخدم فرنسا وعملائها من الداخل او الخارج ..يخدم الشعب والبلاد ما يكونش خائن للشهداء اللي ضحوا من اجل الجزائر باش نعيشوا سعداء في أرضنا لاباس علينا ان شاء الله رب العالمين----في نفس الوقت نقولوا لهؤلاء الكرهين للجزائر ومراهمش حابين الخير للبلاد والعباد ومراهمش حبين الانتخابات الرئاسية ..نقولوا لهم -وين يبان خيطك في البردعة ياهذا...قالك القمر بعيد على نبح الكلاب ..........أغلبية الشعب راه حاب الانتخابات في الجزائر -والاقلية القليلة اللي ممكن ماحباش الخير للجزائر معروفين التاريخ يعرفهم مليح

 

وهنا لابد نقول المثال الشعبي انتعنا***وين يبان خيطك في البردعة( البردعة معناها الحلاسة اللي تجي فوق الزايلة او الحيوان المعروف وهو الحمار الحيوان وليس أكرمكم الله الحمار الخائن لبلده والمعارض للانتخابات الرئاسية القادمة بحول الله - بحول الله تعالى تكون شفافة ويختار الشعب الرجل المناسب في المكان المناسب اللي يخدم البلاد ولا يهدم ولا يتآمر على الجزائر مرحبا به من اية جهة من الوطن الجزائري )

نعم-البردعة في اللهجة الجزائرية هو ما تسرج به الحمير، وتصنع من الحلفاء، ومعنى المثل، أين سيظهر خيطك فيها، ويضرب المثل فيمن يطلب التغيير في أمر ما قد يراه الناس صعبا فيقولون له أين سيظهر خيطك في “البردعة”؟، بمعنى أن ما تريد انجازه أمر صعب وغير كاف حتى يظهر بشكل ملفت، كما يضرب المثل لمن يتباهى بأمر ما.---وهنا لابد ان نقول للجزائريين روحوا للانتخاب وخيروا الرجل المناسب اللي يخدم وماشي اللي يهدم -والله ولي التوفيق الله يجيب الخير للبلاد والعباد ..الله ينصر الاسلام والمسلمين في كل مكان الله يرحم الشهداء - تحيا الجزائر . وتحية للجيش الوطني الشعبي سليل جيش التحرير الوطني اللي راه واقف مع الشعب ويحرس في البلاد والحدود مشكور الله يفق الجميع آميــــــــــــــــــن والحمدلله رب العالمين