زحر

أمثال شعبية عن الزيت والزيتون , نظراً لموسم قطف الزيتون
1- اللي إمُه في البيت بوكل خُبز وزيت.
2- كُل زيت وناطح الحيط .
3- الخُبز والزيت سَبعين في البيت .
4- الزيت مسامير الرُّكَب .
5- خلّي الزيت بجرارُه تاتيجيه أسعارُه.
6- ما حدى بيقول عن زيتُه عِكِر .
7- تقول شجرة الزيتون: إبعِد أُختي عنّي وخُذ زيتها مِنّي .
8- سيل الزّيتون من سيل كانون .
9- أيّام الزّيت أصبَحت وأمسيت .
10- في أيلول بيدور الزيت بالزيتون.
11- الزّيات ببيّن من ثيابُه .
12- الزيت الطيّب من الشّجر للحجر .
13- في نهار الزّيت بالكاد المرأة تطبخ وتكنّس البيت .
14- إن حَضَر القمح والزيت إتسوجرت مونة البيت .
15- إذا عندي طحين وزيت صفّقت وغنّيت .
16- شجرة الزيتون مثل ما بدّك منها بدها منّك .
17- الزيت عامود البيت .
18- أخضر الزيتون ولا يابس الحطب .
19- الزيتون زيتُه طيّب بس لقاطُه بشيّب .
20- الزيت بالعجين ما بيضيع .
21- كُل زيت على الريق بتصير أُوتوماتيك .
22- عليك بمسبح السّقي ومرصوع البَعل .
23- ما بِطلَع الزيت إلاّ من كُثر العَصر .
24- زيتنا في طحيننا .
25- الزيتون النبالي زيتُه سيّال ولقاطُه بهدّي البال.