أغرب قصة حب في حياتي
أغرب قصة حب في حياتي
في ليلة من الليالي قضيت أسعد أيامي
كنت قاعد علي النت ورسايل مفتوحة قدامي
ولقيت رسالة من بنت معجبة جدا بكلامي
بتقول أنت حبيبي وقلبي و فارس أحلامي
أنت اللي شاغلني و مصدر حبي و إلهامي
وكلامها شغل قلبي بقيت أشوفها ف منامي
و بدأت أنشغل بيها وأديها كل اهتمامي
شفت فيها العلاج لكل جروحي وآلامي
ونسيت حتي مراتي و نسيت كمان أعمامي
وبقيت أسهر ليالي معاها فوق احتمالي
وصارت في الدنيا هي كل طموحي و آمالي
قلتلها مرة بحبك قالت و أنا كمان يا غالي
حسيت إني صغرت والقلب من الهم خالي
واطورت العلاقة وطلبت طلب ما خطر ببالي
قالت لي صورتك زي ما رسمت ف خيالي
ابعتلي صورتك نفسي أشوفها يا غالي
وكنت خايف بشدة إنها تعرف إني ضلالي
وإني كبير عنها والجسم من الهم بالي
وإن الشعر شاب وإنها من دور عيالي
قلتلها انسي اللي بينا وخليكي زي ما كنتي
لو صحيح بتحبيني ابعتيلي صورتك أنتي
و كانت صدمتي شديدة @ لقتها صورة بنتي !
===================
طبعا هذه القصة من وحي الخيال لكنها قد تصدف في الواقع
===================
ملحوظة / توجد بالقصة بعض الأخطاء الإملائية المتعمدة لتسهيل القراءة للجميع
