نشا

محمود مختار (طنباره، جنب المحله الكبرى، 10 مايو 1891 - القاهرة، 28 مارس 1934) نحات مصر الكبير فى العصر الحديث. من عظماء الفنانيين المصريين اللى افرزتهم ثورة 1919. نحات تمثال نهضة مصر اللى بيعبر عن روح مصر الجديده بعد ثورة 1919.

ولد محمود مختار فى قرية طنباره جنب المحله الكبرى، و أبوه إبراهيم العيسوى كان عمدة القرية لكن مختار راح عاش مع جدته لأمه فى بيت خاله فى قرية نشا فى المنصوره بمحافظة الدقهلية. عرف عنه انه و هو طفل صغير كان بيقضى معظم وقته بجوار الترعه يشكل فى الطين مناظر يومية يراها من حوله في القرية التي كانت وما زالت غنية بمورثها الثقافي والريفي.

مختار كان أول طالب يلتحق بمدرسة الفنون الجميله اللى فتحها الأمير يوسف كمال من فلوسه سنة 1908، و فى سنة 1911 سافر مختار على باريس، و أعجب "جيوم لا بلانى" بموهبته و تميزه الفنى، فدخل مختار مدرسة الفنون الجميله الفرنساويه (Ecole des Beaux Arts)، و اتفوق على كل زمايله، فعينوه مدير لمتحف جريفين فى حى مونماتر و دى كانت أول مره حد من الشرق الأوسط يتعين فى المنصب الفنى ده فى فرنسا.