الدويس

علابالي راكم بكل راكم ولاد ناس .و بكل نيتكم طيبة.و بكل خدامة و لاباس بيكم.و بكل عندكم السكنة.و بكل داخلين هنا باه تحوسو على بنت الحلال الي ما لقيتوهاش برا. و اكيد انت ماكش زيهم.و سيريو و حلايلي و ولد فاميلة.و طبعا الكونيكسيون هنا ثقيلة و ما تصلحش في هاذ السيت .لازم التيليفون ولا السكايب و الكام ولا الياهو...و لازم تشوفني فل الكام طبعا بلا حجاب..و نديرو شهرين ولا 3 هاك..كون صريح مع نفسك.الي حاب يتزوج ماهوش هنا...كلي البنات انقرضو من الطريق..شبعتو فينا...شوف خويا العزيز..نقلك على زوج حوايج ديرهم فلوكة في ودنك...اولا...ماشي اي اسم مؤنث في النت هو مشروع تعارف...و ثانيا..ولاد الناس و الحلايليا تاع الصح كي يحبو يتزوجو عندهم زوج طرق لا ثالث لهما...اولا انو يشوف وحدة و تعجبو و تحلالو في عينو...يروح يسقسي عليها و على اماليها .و كي يتيقن يصلي صلاة الاستخارة و يهدر مع باباها ولا خوها...و الثانية انو يشوف الوالدة تاعو ولا اختو تشوفلو...اما انك تقلي الانترنيت و التعارف و التيليفون و السكايب و البراوات فهاذي الي يامن فيها غير المهبول و الي يستعملها غير الكذاب.و طبعا رايح تسقسيني كيما الكل انا واش قاعدة ندير في هاذ السيت كيما عدت علابالي بالحكاية من الالف لل ياء..نقلك انا هنا باه نوعيك.و نقلك عصر الفتيات الغبيات قد ولى و انقضى..و كون جيت حلايلي صح ماكش هنا.ربي يوفقك..
منقول ادعو لصاحب الموضوع