الشعب يريد إسقاط النظام
تلك الكلمة التي هتفنا بها في 25 يناير و 30 يونيو ....ففي يناير كنا
نريد أسقاط نظام مبارك الذي أحتكر السلطة عن طريق الحزب الواحد و
كان ينتوي ثوريث الحكم لأبنه ، أما في ?? يونيو ، كنا نريد أن نسقط
نظام الأخوان الذي أنفرد بالسلطة و خالف كل عهوده و عمل علي أخونة
الدولة و أعادة سياسة الحزب الواحد و أصدر دستور معيب يؤسس لدولة
دينية ...
أما الآن فعندي سؤال ..... ما هو النظام المراد أسقاطه ؟
هل تقصد الجيش ؟!!! و لو سقط فعلاً ما هي خطك ..هل عندك قوة بديلة
تحمي بلدك من خطر الأخوان و الجهاديين الذي تراه يومياً ؟
اه صحيح أنا أسف، أكيد تقصد أن يترك الجيش السلطة و يعود لثكناته؟
طب سؤال هو مين الي بيحكم دلوقتي ؟ مش رئيس المحكمة الدستورية و
حكومة مدنية ؟
اه هايل برضو عارف ردك .....هتقول عدلي منصور رئيس صوري عشان
عينه وزير الدفاع؟
خلاص ماشي هخدك علي قد عقلك ....طب ماذا بعد سقوط عدلي منصور
و أزاحة قيادات الجيش ؟
نعمل أنتخابات و دستور جديد ؟ !!
طب لو كدة ..ما احنا عملنا دستور جديد و هنعمل أنتخابات ؟ مشكلتك ايه
؟!!!!
اه حضرتك رافض للأنتخابات تحت حكم السكر ....تاني !!!
طب جميل حضرتك تحب تعمل الأنتخابات تحت حكم مين ؟ يعني بأختصار
هتعمل ايه بعد لما نسقط "عدلي منصور و الجيش " ؟ مين هيحكم ؟ و
مين هيمسك البلد لغاية منعمل دستور؟
ايه ؟ بتقول ايه؟ مجلس رئاسي مدني ؟ من مين طيب ؟ و ايه شرعيته ؟
و مين قالك أن الشعب هيوافق عليه ؟ و منين أفترضت أن الشعب موافق
علي المجلس الرئاسي المدني أكثر من خارطة الطريق الحالية ؟ و ياتري
هيفرق ايه عن عدلي منصور ، مش السيسي برضو الي هيعينو؟ و ياتري
خلال فترة حكم الرئاسي المدني مين هيحمي بلدك داخلياً أو خارجياً ؟
الجيش و الشرطة ؟ بأمارة تفتكر ؟ يسمعوا كلامك ليه ؟ مين هي القوة
البديلة للجيش ؟ مين معه سلاح غير الجيش ؟ مش الأخوان و الأوهابيين
الي معاهم ؟ أنا أعرف أن ? أبريل و الأشتراكيين الثورين مش بتوع
سلاح ....صحيح بجد ....يعني كدة هتتركبوا تاني من الأخوان أو تردوا
عليهم و نبقي في حرب أهلية زي سوريا كدة أو نبقي زي ليبيا محكومة
بالسلاح !!!
بجد كفاية عبث و تخلف و شعارات رنانة .....كفاية أعتراض و متاجرة
بالثورة و الشهداء ..كرهتوا الناس في الثورة و الي عملها ....فكروا و
لو لمرة واحدة في حياتكم تعطوا حل عملي ...فكروا مرة تلعبوا سياسية
....و لكن الهتفات و الشعارات من أجل خلف فتن و خلق حالة عدم
أستقرار لا يعني الا شئ من ثلاثة ...أما أنك مغيب أما أنك خائن و ممول
أو أخيراً أنك أخوانجي و مش قايل .....غير كدة ملهاش تفسير .....
أسقاط النظام يعني تلك المرة أسقاط الدولة كلها للأبد ، ده بالأضافة أن
مفيش حد هيسمح لك أن تسقط لا النظام و لا الدولة ....كفاية لعب عيال و
أشتغلوا سياسية و أبوس أيدكم أدونا حل غير كلام الكتب و النظريات !!
