صمت القبور
فى قبور قرية مصرية00 إلى اليمين القبور تتخللها أشجار عالية00 وإلى اليسار أراضى زراعية00 وفى الأعالي تبدو منازل القرية00 ونرى شخص يتجول وسط المقابر000 ويتمتم بكلمات00 ونفهم انه يقرا الفاتحة على الموتى 00 ويتوقف عند قبر معين ويظل يبكى ويجفف دموعه
الشخص
صحيح الفراق صعب قوى 00 عمري ما كنت أعرف الموت00 ولا بافهم معناه00 ليه لانى لسه ما جربتوش فى قريب منى 00 كنت صغير، وما عرفشى يعنى أيه موت00 عادى شخص يروح وما يرجعش وما عدناش نشوفه00 اى نعم مات ليا قرايب كتير00 لكن موتهم عادى بالنسبة لى00 يمكن عشان ما كانوش قريبين منى00 أو ما كنتش متعلق بيهم00 خالتي 00 خالي 00 عمى 00 عمتي 00 كل دول ماتوا00 ليه ماتأثرتش أو زعلت 00 احتمال عشان كنت صغير0وماعرفشى معنى الموت ولو كنت كبير يتهيألى كنت هاتأثر واعرف أيه هو الموت 00 وفعلا كبرت وعرفت بجد أيه هو الموت00 الموت شيء صعب جدا جدا ومن نعمة ربنا علينا اننا ننسى بسرعة 00 ولو ماكنش ربنا أدانا نعمه النسيان ، ما حديش عارف البشر كان هيحصل لهم أيه00 ومن نعمته عليااننى كمان نسيت وده بعد ما ماتت أمى وأنا عندي عشرين سنة00 وكان صعب عليا اوى أنى أتحمل الصدمة دى 00 لأنها كانت كل شيء فى حياتى وكنت متعلق بيها جدا 00 والصراحة عمري ما كنت أعرف طريق القبور00 اللهم إذا كانت فيه جنازة طالعة00 وأروح ماشى فيها ونشيع الميت لمثواه الأخير 00 دى كانت فكرتي عن المقابر00 لكن أمي 0لما توفت بقيت أعرف أيه هو الموت إزاى تبص حواليك وتلاقى أقرب الناس إليك ماتوا00 تخيلوا شكل الواحد يبقى إزاى00 ده من كرم ربنا إننا بنتحمل المصيبة دى 00 أمي تعبت فى أيامها الأخيرة وتطلب الأمر يتعمل ليها عملية جراحية00 سافرت مصر00 يادوب قعدت مدة وبعدين جاني الخبر 00 وكانت صدمة جامدة عليا وعرفت أيه هو الموت وساعتها ما حسيتش بنفسي 00 وحصل لي أيه00 ورحت فين وعملت أيه00 وكل ده ما دريتش بيه00 ولما فقت حسيت بالفرق00 لما أمك تكون معاك 00 ولما تبعد عنك للابد00 وما بقيتشى زائر عابر للقبور مع الجنازات00 لا بقيت أزورها باستمرار00 وأقرا الفاتحة على روح أمى00 وزى مانتوا شايفين عدت آجى باستمرار حتى لما كنت باذاكر كنت باذاكر فى المزارع اللى جنب القبور00 وكبرت وعرفت أيه هو الموت00 وبعدين مات لي صاحب غالى عليا أوى فى حادث أليم 00 زعلت عليه جامد00 وكل ما افتكر الأيام الحلوة اللى قضيناها مع بعض انفجر فى البكاء00 ومأقدرش أحوش نفسي ( يتجه ناحية اليسار حيث الاراضى الزراعية00 يجلس على النجيلية 0 )
وكل ما يكون الواحد مهموم أو متضايق آجى وأقعد فى المكان ده00 خلاص ما عدشى فيه رهبة القبور والخوف منها وبعدت فكرة انها مسكونة00 أو الحارس يكون واقف مستني يبعد اى واحد يقرب فى ميعاد موش مناسب 00 اى نعم الواحد كان بيحس برهبة لما كنا أنا واصحابى بنوصل صاحبنا مرسى اللى ساكن جنب المقابر00 على الرغم من انى لما كنت بامشى بالنهار ما كانشى الخوف ده عندي ( ينهض ويتجه ناحية المقابر 00 )
صوت مصطفى
يا جمال موش دى النهاية00 انت راجل مؤمن ولازم تعرف ان الموت علينا حق وكلنا هنموت00 ولازم يبقى عندك أمل والدنيا حلوة موش زى مانت متصور00 والطريق قدامك مفتوح00 دى موش نالعالم00 اتحدى00 انجح00 اثبت ذاتك
جمال
حاولت وانطلقت من طريق لطريق وما استسلمتش ونسيت فكرة الموت وأصبح عندي ذكرى00 ارتبطت بامى وأبويا وكنت أروح أزورهم بين المرة والتانية00 لغاية ما جه السر الالهى واتعرضت لأعظم حاجة ممكن يتصورها انسان00 وموقف لا يمكن يخطر لإنسان على بال وهو الموت 00 اللى كان عندي فكرة وذكرى لغاية مابقى حقيقة مافييش منها مفر 00 عشتها خطوة بخطوة00 والناس اعتبروني ميت وانا حى00 حديش عمره شاف واحد ميت وهو حى 00 كنت أنا عمال أقول أيه هو الموت لغاية ما لاقيت الموت قدامى والناس اعتبروني ميت وأنا حي 00 رحت أزور أخويا وحسيت بهبوط شديدوشويه تعب00 رحت فى غيبوبة طويلة وخدونى للدكتور
ص الدكتور
القلب واقف00 ما فييش نبض وجسمه بارد خالص00 الدم ما بيتحركش00 ما أقدرش اعمل لك حاجة
ص زكريا
يعنى على كده يبقى ميت
ص الدكتور
ص زكريا
لا اكليكيا ولا روبابيكيا 00 انا عاوز أعرف أخويا جرى له أيه 00 حي ولا ميت
ص الدكتور
ومأقدرش أعمل لك حاجة 00 لأن الموضوع خرج من إيدى
ص زكريا
أنا هاوديه لأكبر دكاترة البلد 00 أنا هأجيب له كونسلتو
ص الدكتور
صدقني ماتحاولشى00 لأن أخوك مات بالفعل
ص زكريا
موش ممكن 00 موش معقول .00 ده كان كويس 00 انت اللى موتته
ص زكريا
أيه ياسيد00 أيه موتته 00 أنا دكتور موش قتال قتلة00 هو أخوك كان عنده القلب أو يشتكى من حاجة
ص زكريا ( يبكى ) لا عمره قال آه ولا عمره اشتكى من حاجة00 أرجوك ما تخبيش عليا
ص الدكتور
أنا إنسان قبل ماأكون دكتور 00 صدقني أخوك مات00 ولو موش مصدقنى الحق نفسك إن كنت شاكك واعرضه على دكتور تانى
ص زكريا
لا تانى ولا تالت00 إنا لله وأنا إليه راجعون00 طب من فضلك ساعدني عشان أطلع له تصريح دفن
جمال
الدنيا أتقلبت فى البلد00 جمال مات00 وكل واحد يفتى 00 اللي يقول مات مسموم 00 واللي يقول كان عنده القلب 00 وألسنة الناس نزلت فيا تقطيع00 واللي يقول مشيه كان بطال وهاتك يا ذم00 ده كان غلبان اتيتم بدرى يا كبد امه 00 وحصل امه وأبوه بعد ماسابوه00 ده ياحبة عيني ما لحقشى يفرح ويخش دنيا00 ده كان بيحب البت نادية بنت أبو مرزوق وتواعدوا عالجواز00 لكن ياحسرة مالحقش يفرح00 يا حسرة على شبابك يا جمال
انا بقى فين من كل ده00 اكذب عليكم لو كنت دارى بكل ده00 ما كنتش لا دارى بحاجة ولا حاسس بحاجة 00 وانقطعت صلتي بالدنيا ورحت فى غيبوبة أفظع من غيبوبة جولييت لما انتحرت عشان تحصل روميو00 ولو كانوا صبروا عليا شوية00 كنت فقت وصحيت من موتى المفاجئ اللى ما كانشى عالحسبان00 لكن يالسخرية الاقدار00 وكل حاجة كانت ماشية ومترتب لها00 زى اللى كان متقدر ليا انى أموت فى القبر بحق وحقيقي فى حين إن ما حدش يعرف انى حى الا المولى عز وجل والعبد لله 00 لكن يامين يعرف الحقيقة دى 00 لانى أنا كده هاموت بالفعل00 لأنهم هيكفنوننى وبالتالي هتكتف وموش هاعرف أتحرك00 وتبقى مصيبة لو ما فقتيش قبل ما يدخلوني القبر00 لان ساعتها هيتسد عليا وهتخنق وأموت
ص زكريا
لازم نلحق ندفن جمال فى أسرع وقت 00 موش ممكن نسيبه للصبح
ص آخر
موش نستني الناس وأخواله اللى جايين من السفر عشان يشيعوه ويمشوا فى جنازته
ص زكريا
ص الحاج تابعي
الأصول يا زكريا يا ابني
ص زكريا
أمرك يا حاج اللى تشوفه
جمال
الصراحة لولا الحاج تابعي وتأخير الجنازة للصبح لحد الناس ما تتلم كان زماني فى عداد الأموات ولكن الحمد لله 00 ربنا ستر 00 وانكتب لى عمر جديد 00 هي دى إرادة ربنا إنه يطول فى عمري ويعيشني التجربة المريرة دى اللى م النادر يتعرض ليها إنسان 00 واتلمت الناس من كل حدتة 00 ده عشان يشيعوا جنازة العبد لله00 وما كنتش اعرف إن الناس بيحبونى كده 000 وجابوا تصريح الدفن وجه الحانوتي وغسلنى00 وروق عليا تمام التمام 00 كل ده وانا رايح فيها خالص0000 آه لوكنت صحيت ساعتها00 كان الراجل الطيب طب ساكت 00 وآه لو كنت صحيت والراجل اللحاد بيدفننى 00 كانوا دفنوه بدالي 00 وكفنني بلفافات غريبة كده ما اعرفلهاش عدد 00 كان الراجل مخيطها جامد00 موش عارف قدرت أتخلص منها إزاى 00 والله ده كان ستر من عند ربنا ولو ما كانشى ربنا رايد00 كنت اتخنقت وحطونى فى النعش 00 وهاتك ياصريخ 00000 0 يسمع أصوات صريخ من خلف المسرح 00 وموسيقى جنائزية00 ودق طبول بإيقاع منتظم0000 )وشالوني عشان يود ونى لمثواي الأخير 00 والحبايب اللى مستنيينى عشان يحاسبونى00 والظاهر انه لسه ما جاش دوري عشان كده رجعت الحياة تانى
ص من خلف المسرح
وحدوه
أصوات
لا إله إلا الله
الصوت
ما دايم إلا وجه الله
جمال
وفى نص الطريق جت اللحظة المناسبة والفاصلة والتي لا يمكن نسيانها أبدا 00 ووهتفضل محفورة فى ذهني طول مااناحيي0 إن إزاى الميت يتحيي من جديد00 وانا ما كنتش ميت أصلا 00 وقمت فقت من الغيبوبة اللى كانت مسيطرة عليا00 الصراحة لقيت نفسي متكتف00 موش قادر أتحرك 00 والظاهر الحانوتي كان متوصى بيا قوى00 ومكفننى كويس وحاكم الخياطة تمام التمام ، قعدت أتحرك00 وكان النعش بيتحرك معايا 00 وكل حركة الناس بيرددوا الله اكبر
أصوات
الله أكبر 00 الله اكبر
جمال
وكل ما تزيد الحركة ويتهز النعش كانت الأصوات تعلى
أصوات ( أعلى )
الله اكبر 00 الله اكبر
جمال
وانا كل ده لسه موش دارى بحاجة وانا فين بالظبط 00 فين وفين لما ايدى وصلت لحتة متخيطة00 حاولت معاها لغاية ما ايدى خرجت وحاولت أفك بيها الأيد التانية 000 وبعدين وشى 00 وكل ده وما خطرشى فى بالى ان انا متكفن وهيودونى اندفن 00 وصرخت صرخة جامدة قوى 00 والناس خافت ورددت الله أكبر 00 لا إله إلا الله 00
أصوات
الله اكبر 00 لا إله إلا الله جمال
وقبل ما ماأوصل المقابر نزعت الكفن خالص وبقيت حر 00 ورميت غطا النعش فوقع فوق رءوس المشيعين 00 صرخوا00 ( يسمع صوت صرخات رهيبة من خلف المسرح 00 ) كان مشهد رهيب 00 وعجيب00 لا لسه هنشوفه ولا عمري هنشوفه 00 والناس أتسمرت من المفاجأة 000 ( نرى حشدا كبيرا من الناس يدخل المسرح ويحمل نعشا00 يتركه ويخرج00 نرى النعش يهتز00 يخرج منه جمال00 وينتحى جانبا0000 )
جمال
الناس اتسمرت00 واللي جرى 00 واللي وقف مذهول 00 والنسوان قعدت تزغرط00 وفيه ناس افتكروني من أولياء الله
أصوات
الله اكبر 00 ده ولى00 ده شخص مبروك 00 يلا ياجدعان 00 ناخد منه البركة
جمال
والناس حاولت تهجم عليا00 وانا أصرخ يا ناس يا هو 00 ( أصوات صراخ من خلف المسرح 00000 )
جمال
فلتت منهم بالعافية وأنا مغطى نفسي بالكفن لانى كنت عريان 00 وكان يوم له العجب 00 وكنت حديث الناس فى البلد على اللى حصل لي
صوت
دى مؤامرة اتعملت له
جمال
عشت الموت بحق وحقيق00 وانا لسه ما متش وكنت هموت 00 لولا ربنا ستر 00 وقدر ولطف ومن يومها وانا مبأسيبش فرصة إلا وآجى المقابر أزورها وكل ما افتكر الموقف ده ومأقدرش أحوش نفسي م الضحك00 و00 ولفترة قريبة كان قرايبى وأصحابي موش مصدقين إن أنا حي 00 واللي بيكلمهم وعايش معاهم عفريتي وفين وفين لما قدروا يقتنعوا ويحسوا بيا انى أنا جمال بشحمه ولحمه00 ومن يومها ربنا هداني وبقيت اعرف طريق الجامع بعد م كان فيها مقاطعة بيني وبينه00 وبقيت حريص على الصوم الفريضة والسنة 00 وصحيح اتغيرت وبقيت إنسان تانى00 لان السعادة هي إن ربنا يهدى إنسان ويمشى فى طريقه 00000 ويا مين يعلم لو كنت بجد على طريقتي القديمة فى الحياة00 لا صلاة ولا صوم 00 ولا حاجة ترضى ربنا00 كان زماني شكلي أيه000 وأقابل وجه كريم إزاى 00000
الحمد لله إن ربنا أدانى فرصة تانية عشان أتوب وأحسن من وضعى00 وأقدر أقابله باشتياق عساه يغفر لي ويكفر عنى اللى فات كله
اللهم آمين يارب العالمين
ستار
الشخص
صحيح الفراق صعب قوى 00 عمري ما كنت أعرف الموت00 ولا بافهم معناه00 ليه لانى لسه ما جربتوش فى قريب منى 00 كنت صغير، وما عرفشى يعنى أيه موت00 عادى شخص يروح وما يرجعش وما عدناش نشوفه00 اى نعم مات ليا قرايب كتير00 لكن موتهم عادى بالنسبة لى00 يمكن عشان ما كانوش قريبين منى00 أو ما كنتش متعلق بيهم00 خالتي 00 خالي 00 عمى 00 عمتي 00 كل دول ماتوا00 ليه ماتأثرتش أو زعلت 00 احتمال عشان كنت صغير0وماعرفشى معنى الموت ولو كنت كبير يتهيألى كنت هاتأثر واعرف أيه هو الموت 00 وفعلا كبرت وعرفت بجد أيه هو الموت00 الموت شيء صعب جدا جدا ومن نعمة ربنا علينا اننا ننسى بسرعة 00 ولو ماكنش ربنا أدانا نعمه النسيان ، ما حديش عارف البشر كان هيحصل لهم أيه00 ومن نعمته عليااننى كمان نسيت وده بعد ما ماتت أمى وأنا عندي عشرين سنة00 وكان صعب عليا اوى أنى أتحمل الصدمة دى 00 لأنها كانت كل شيء فى حياتى وكنت متعلق بيها جدا 00 والصراحة عمري ما كنت أعرف طريق القبور00 اللهم إذا كانت فيه جنازة طالعة00 وأروح ماشى فيها ونشيع الميت لمثواه الأخير 00 دى كانت فكرتي عن المقابر00 لكن أمي 0لما توفت بقيت أعرف أيه هو الموت إزاى تبص حواليك وتلاقى أقرب الناس إليك ماتوا00 تخيلوا شكل الواحد يبقى إزاى00 ده من كرم ربنا إننا بنتحمل المصيبة دى 00 أمي تعبت فى أيامها الأخيرة وتطلب الأمر يتعمل ليها عملية جراحية00 سافرت مصر00 يادوب قعدت مدة وبعدين جاني الخبر 00 وكانت صدمة جامدة عليا وعرفت أيه هو الموت وساعتها ما حسيتش بنفسي 00 وحصل لي أيه00 ورحت فين وعملت أيه00 وكل ده ما دريتش بيه00 ولما فقت حسيت بالفرق00 لما أمك تكون معاك 00 ولما تبعد عنك للابد00 وما بقيتشى زائر عابر للقبور مع الجنازات00 لا بقيت أزورها باستمرار00 وأقرا الفاتحة على روح أمى00 وزى مانتوا شايفين عدت آجى باستمرار حتى لما كنت باذاكر كنت باذاكر فى المزارع اللى جنب القبور00 وكبرت وعرفت أيه هو الموت00 وبعدين مات لي صاحب غالى عليا أوى فى حادث أليم 00 زعلت عليه جامد00 وكل ما افتكر الأيام الحلوة اللى قضيناها مع بعض انفجر فى البكاء00 ومأقدرش أحوش نفسي ( يتجه ناحية اليسار حيث الاراضى الزراعية00 يجلس على النجيلية 0 )
وكل ما يكون الواحد مهموم أو متضايق آجى وأقعد فى المكان ده00 خلاص ما عدشى فيه رهبة القبور والخوف منها وبعدت فكرة انها مسكونة00 أو الحارس يكون واقف مستني يبعد اى واحد يقرب فى ميعاد موش مناسب 00 اى نعم الواحد كان بيحس برهبة لما كنا أنا واصحابى بنوصل صاحبنا مرسى اللى ساكن جنب المقابر00 على الرغم من انى لما كنت بامشى بالنهار ما كانشى الخوف ده عندي ( ينهض ويتجه ناحية المقابر 00 )
صوت مصطفى
يا جمال موش دى النهاية00 انت راجل مؤمن ولازم تعرف ان الموت علينا حق وكلنا هنموت00 ولازم يبقى عندك أمل والدنيا حلوة موش زى مانت متصور00 والطريق قدامك مفتوح00 دى موش نالعالم00 اتحدى00 انجح00 اثبت ذاتك
جمال
حاولت وانطلقت من طريق لطريق وما استسلمتش ونسيت فكرة الموت وأصبح عندي ذكرى00 ارتبطت بامى وأبويا وكنت أروح أزورهم بين المرة والتانية00 لغاية ما جه السر الالهى واتعرضت لأعظم حاجة ممكن يتصورها انسان00 وموقف لا يمكن يخطر لإنسان على بال وهو الموت 00 اللى كان عندي فكرة وذكرى لغاية مابقى حقيقة مافييش منها مفر 00 عشتها خطوة بخطوة00 والناس اعتبروني ميت وانا حى00 حديش عمره شاف واحد ميت وهو حى 00 كنت أنا عمال أقول أيه هو الموت لغاية ما لاقيت الموت قدامى والناس اعتبروني ميت وأنا حي 00 رحت أزور أخويا وحسيت بهبوط شديدوشويه تعب00 رحت فى غيبوبة طويلة وخدونى للدكتور
ص الدكتور
القلب واقف00 ما فييش نبض وجسمه بارد خالص00 الدم ما بيتحركش00 ما أقدرش اعمل لك حاجة
ص زكريا
يعنى على كده يبقى ميت
ص الدكتور
ص زكريا
لا اكليكيا ولا روبابيكيا 00 انا عاوز أعرف أخويا جرى له أيه 00 حي ولا ميت
ص الدكتور
ومأقدرش أعمل لك حاجة 00 لأن الموضوع خرج من إيدى
ص زكريا
أنا هاوديه لأكبر دكاترة البلد 00 أنا هأجيب له كونسلتو
ص الدكتور
صدقني ماتحاولشى00 لأن أخوك مات بالفعل
ص زكريا
موش ممكن 00 موش معقول .00 ده كان كويس 00 انت اللى موتته
ص زكريا
أيه ياسيد00 أيه موتته 00 أنا دكتور موش قتال قتلة00 هو أخوك كان عنده القلب أو يشتكى من حاجة
ص زكريا ( يبكى ) لا عمره قال آه ولا عمره اشتكى من حاجة00 أرجوك ما تخبيش عليا
ص الدكتور
أنا إنسان قبل ماأكون دكتور 00 صدقني أخوك مات00 ولو موش مصدقنى الحق نفسك إن كنت شاكك واعرضه على دكتور تانى
ص زكريا
لا تانى ولا تالت00 إنا لله وأنا إليه راجعون00 طب من فضلك ساعدني عشان أطلع له تصريح دفن
جمال
الدنيا أتقلبت فى البلد00 جمال مات00 وكل واحد يفتى 00 اللي يقول مات مسموم 00 واللي يقول كان عنده القلب 00 وألسنة الناس نزلت فيا تقطيع00 واللي يقول مشيه كان بطال وهاتك يا ذم00 ده كان غلبان اتيتم بدرى يا كبد امه 00 وحصل امه وأبوه بعد ماسابوه00 ده ياحبة عيني ما لحقشى يفرح ويخش دنيا00 ده كان بيحب البت نادية بنت أبو مرزوق وتواعدوا عالجواز00 لكن ياحسرة مالحقش يفرح00 يا حسرة على شبابك يا جمال
انا بقى فين من كل ده00 اكذب عليكم لو كنت دارى بكل ده00 ما كنتش لا دارى بحاجة ولا حاسس بحاجة 00 وانقطعت صلتي بالدنيا ورحت فى غيبوبة أفظع من غيبوبة جولييت لما انتحرت عشان تحصل روميو00 ولو كانوا صبروا عليا شوية00 كنت فقت وصحيت من موتى المفاجئ اللى ما كانشى عالحسبان00 لكن يالسخرية الاقدار00 وكل حاجة كانت ماشية ومترتب لها00 زى اللى كان متقدر ليا انى أموت فى القبر بحق وحقيقي فى حين إن ما حدش يعرف انى حى الا المولى عز وجل والعبد لله 00 لكن يامين يعرف الحقيقة دى 00 لانى أنا كده هاموت بالفعل00 لأنهم هيكفنوننى وبالتالي هتكتف وموش هاعرف أتحرك00 وتبقى مصيبة لو ما فقتيش قبل ما يدخلوني القبر00 لان ساعتها هيتسد عليا وهتخنق وأموت
ص زكريا
لازم نلحق ندفن جمال فى أسرع وقت 00 موش ممكن نسيبه للصبح
ص آخر
موش نستني الناس وأخواله اللى جايين من السفر عشان يشيعوه ويمشوا فى جنازته
ص زكريا
ص الحاج تابعي
الأصول يا زكريا يا ابني
ص زكريا
أمرك يا حاج اللى تشوفه
جمال
الصراحة لولا الحاج تابعي وتأخير الجنازة للصبح لحد الناس ما تتلم كان زماني فى عداد الأموات ولكن الحمد لله 00 ربنا ستر 00 وانكتب لى عمر جديد 00 هي دى إرادة ربنا إنه يطول فى عمري ويعيشني التجربة المريرة دى اللى م النادر يتعرض ليها إنسان 00 واتلمت الناس من كل حدتة 00 ده عشان يشيعوا جنازة العبد لله00 وما كنتش اعرف إن الناس بيحبونى كده 000 وجابوا تصريح الدفن وجه الحانوتي وغسلنى00 وروق عليا تمام التمام 00 كل ده وانا رايح فيها خالص0000 آه لوكنت صحيت ساعتها00 كان الراجل الطيب طب ساكت 00 وآه لو كنت صحيت والراجل اللحاد بيدفننى 00 كانوا دفنوه بدالي 00 وكفنني بلفافات غريبة كده ما اعرفلهاش عدد 00 كان الراجل مخيطها جامد00 موش عارف قدرت أتخلص منها إزاى 00 والله ده كان ستر من عند ربنا ولو ما كانشى ربنا رايد00 كنت اتخنقت وحطونى فى النعش 00 وهاتك ياصريخ 00000 0 يسمع أصوات صريخ من خلف المسرح 00 وموسيقى جنائزية00 ودق طبول بإيقاع منتظم0000 )وشالوني عشان يود ونى لمثواي الأخير 00 والحبايب اللى مستنيينى عشان يحاسبونى00 والظاهر انه لسه ما جاش دوري عشان كده رجعت الحياة تانى
ص من خلف المسرح
وحدوه
أصوات
لا إله إلا الله
الصوت
ما دايم إلا وجه الله
جمال
وفى نص الطريق جت اللحظة المناسبة والفاصلة والتي لا يمكن نسيانها أبدا 00 ووهتفضل محفورة فى ذهني طول مااناحيي0 إن إزاى الميت يتحيي من جديد00 وانا ما كنتش ميت أصلا 00 وقمت فقت من الغيبوبة اللى كانت مسيطرة عليا00 الصراحة لقيت نفسي متكتف00 موش قادر أتحرك 00 والظاهر الحانوتي كان متوصى بيا قوى00 ومكفننى كويس وحاكم الخياطة تمام التمام ، قعدت أتحرك00 وكان النعش بيتحرك معايا 00 وكل حركة الناس بيرددوا الله اكبر
أصوات
الله أكبر 00 الله اكبر
جمال
وكل ما تزيد الحركة ويتهز النعش كانت الأصوات تعلى
أصوات ( أعلى )
الله اكبر 00 الله اكبر
جمال
وانا كل ده لسه موش دارى بحاجة وانا فين بالظبط 00 فين وفين لما ايدى وصلت لحتة متخيطة00 حاولت معاها لغاية ما ايدى خرجت وحاولت أفك بيها الأيد التانية 000 وبعدين وشى 00 وكل ده وما خطرشى فى بالى ان انا متكفن وهيودونى اندفن 00 وصرخت صرخة جامدة قوى 00 والناس خافت ورددت الله أكبر 00 لا إله إلا الله 00
أصوات
الله اكبر 00 لا إله إلا الله جمال
وقبل ما ماأوصل المقابر نزعت الكفن خالص وبقيت حر 00 ورميت غطا النعش فوقع فوق رءوس المشيعين 00 صرخوا00 ( يسمع صوت صرخات رهيبة من خلف المسرح 00 ) كان مشهد رهيب 00 وعجيب00 لا لسه هنشوفه ولا عمري هنشوفه 00 والناس أتسمرت من المفاجأة 000 ( نرى حشدا كبيرا من الناس يدخل المسرح ويحمل نعشا00 يتركه ويخرج00 نرى النعش يهتز00 يخرج منه جمال00 وينتحى جانبا0000 )
جمال
الناس اتسمرت00 واللي جرى 00 واللي وقف مذهول 00 والنسوان قعدت تزغرط00 وفيه ناس افتكروني من أولياء الله
أصوات
الله اكبر 00 ده ولى00 ده شخص مبروك 00 يلا ياجدعان 00 ناخد منه البركة
جمال
والناس حاولت تهجم عليا00 وانا أصرخ يا ناس يا هو 00 ( أصوات صراخ من خلف المسرح 00000 )
جمال
فلتت منهم بالعافية وأنا مغطى نفسي بالكفن لانى كنت عريان 00 وكان يوم له العجب 00 وكنت حديث الناس فى البلد على اللى حصل لي
صوت
دى مؤامرة اتعملت له
جمال
عشت الموت بحق وحقيق00 وانا لسه ما متش وكنت هموت 00 لولا ربنا ستر 00 وقدر ولطف ومن يومها وانا مبأسيبش فرصة إلا وآجى المقابر أزورها وكل ما افتكر الموقف ده ومأقدرش أحوش نفسي م الضحك00 و00 ولفترة قريبة كان قرايبى وأصحابي موش مصدقين إن أنا حي 00 واللي بيكلمهم وعايش معاهم عفريتي وفين وفين لما قدروا يقتنعوا ويحسوا بيا انى أنا جمال بشحمه ولحمه00 ومن يومها ربنا هداني وبقيت اعرف طريق الجامع بعد م كان فيها مقاطعة بيني وبينه00 وبقيت حريص على الصوم الفريضة والسنة 00 وصحيح اتغيرت وبقيت إنسان تانى00 لان السعادة هي إن ربنا يهدى إنسان ويمشى فى طريقه 00000 ويا مين يعلم لو كنت بجد على طريقتي القديمة فى الحياة00 لا صلاة ولا صوم 00 ولا حاجة ترضى ربنا00 كان زماني شكلي أيه000 وأقابل وجه كريم إزاى 00000
الحمد لله إن ربنا أدانى فرصة تانية عشان أتوب وأحسن من وضعى00 وأقدر أقابله باشتياق عساه يغفر لي ويكفر عنى اللى فات كله
اللهم آمين يارب العالمين
ستار
