القويسمة

قصيدة للشيخ صالح هزاع الحديد في رثاء المرحوم الشيخ نايف منور الحديد
ابـدى بذكر اللـي عـليه اتكالي
هو الكريم وصاحب الملك والجاه
يا رب يا معبـود يا ذا الجـلالـي
يا قاضي الحاجات بابك قصدناه
خفف علينا من شديد الأهوالي
وعند الشدائد يذكر العبد مولاه
ما لوم قلبي من عذابه شكالي
خله يجض وتسمع الناس شكواه
عقـلي تحيـر واختـلفة احـوالي
والنفس ما هفت على الزاد تنهاه
وجدي على صقر يجوب العوالي
ابعد عن الـديره ومـا عاد شفناه
حـام البلاد جنـوبها والشـمالي
اشرف على وديانها والسهل جاه
عند المغيب ارخى جناحه ومالي
ومن اللي ما فارق الراس مركاه
لما نحل جسمه وصابه هزالي
ما جض من عـله ولا قال ويلاه
جـاه النذيـر وقـال شـد الرحالي
ما عادلك حيّ من الناس ترجاه
يوم التفت حوله وشاف الغوالي
ودع وخلّى ساخن الدمع ينعاه
يا حيف يالمسطور يا ابوطلالي
الخـيرّ اللّي تبـذل المـال يمناه
ياما حـوى من طيبات الفعالـي
حليم وعليم والكرم من سجاياه
بنا المساجد فوق روس الجبال
فيـها المنادي سبّح الله وناجاه
انا اشهد انه من خيار الرجالي
اللّي ختـم بالخـير دينه ودنياه
يا رب يا والي عـلى كل والي
ندعيك يا رحمان تغفر خطاياه
دنيـا نعــد ايـامــها واللـيـالـي
يـمضـي نهـار وعقبـه اللـيـل يتـلاه
والمـوت مـا يبقـي رخيـص وغـالـي
حكم من المولى على الناس مشاه