مسطرد

شمــــوس الخيــــــر
شموس الخير تجمعت *** تنور قلوب الاهل
تشرق علي حينا *** تحطم قيود الجهل
وتقول لكل الناس *** الخير طريقه سهل
متقوم يا كسلان *** الخير مفهوش علي مهل
*****
مد ايدك في ايدي *** وخليك جنبي صديق
في الفرح هنا تلقاني *** والقاك وقت الضيق
تضحك لنا الايام *** وتكــون أعز رفيــــق
نكمل مشوار الخير *** دا الخير احلي طريق
*******
يا جاري يا بن بلدي *** يا اخويا يا انســـان
يا احمد يا محمود يا مينا *** ياروماني يا شعبان
يا ولاد حتتنا بمسطرد *** وفي مصر وكل مكان
ال يكون وسطكم *** لا يمكن في يوم يتهان
يافاعل الخير ابشر *** بالرضا من الرحمن
وانا احلف انك ملاك *** في هيئة الانسان
( حامد عبد السميع )