آيت تمليل

المهم بلا ما انطول على الجميع عندي شي مسائل مباغينش اتفهموا او كيضروني فقلبي غادي انخرجهوم اليوما :
على شي شباب الله اهديهوم كيتهربوا من الواقع او الي كيبان ليا ربما كيخافوا من الحاضر
كنتمنى اوصلهوم هاد الميساج او كنتمنى اوضحونا علاش هوما هاكا او علاش هاد النظرة ديالهوم الامور نظرة تسبيق البعد عن القرب اي نضرة ضيقة وتضيق للواقع الحاضر القريب
كاينين مصالح دياول المنطقة فالخطار ، بحال الطريق دابا الرايط بين ايت علا او مكداز كيلعبوا بيه فالصفقات العمومية مند سنين وسنين مكاينش الى حرك ساكنا ولو بنضر مقال / او مجموعة من المشاريع الي لعبات بيهوم الجماعة بحال :
اصلاح طريق اورز تسلنت "، الضمانة المؤقتة محددة في ثلاثين الف درهم(30000،00 )
بناء قنطرة عل ى واد غزف "، الضمانة المؤقتة محددة في خمسة عشرة ألف درهم(15000،00 )
اصلاح و تاهيل السوق الاسبوعي بايت تمليل "، الضمانة المؤقتة محددة في خمسة ألاف درهم(5000،00 )
ايت تمليل في 24/02/2012 هدا التاريخ ديال هاد الصفقات الثلات ما شفنا والوا
او ما عمر شي واحد حاول اهضر على هاد تشفارت كون كانت عاود تاني شي قضية فلسطينية اولا مصرية اولا عالمية كون القيتي المجموعات مقلوبين او الصفحات عامرين بنادم الا ما انفع بلادوا بدماغوا او داكشي الي فيه معمروا انفع شي حاجة خرا اش قدمتي البلاد باش تقدموا الفلسطين او مصر او العالم .
باركا ما انضحكوا على ريوسنا او باركا ما انخافوا من الحاضر ديالنا او باراكا ما انتهربوا من الواقع ديالنا
الي فاهم فاهم او الي ما فاهم ما فاهم او معمروا افهم او غير كيخربق. فهم الواقع ديالك مزيان او حاول باش تقدم ليه شي حاجة عاد امكن ليك تمشي تبحت على الواقع ديال الاخر البعيد اما انت ما فاهم لا هداك ولا هداك غير غادي فالظلام او فهم الفاهم
انا شخصيا اعتدر على هاد الكلام اواضح كل الوضوح او ما اتجرح منوا اي كان او كنتمنى ان هاد النقد اكون بناء ماشي هدام او ايحاول الجميع اعاودوا النظر فالامور ديالولهوم او فالسياسة ديالتهوم او فالنظرة ديالتهوم للواقع او للحاضر
باراكا ما انتهربوا من الواقع او براكا ما انخافوا من الحاضر او باركا ما انبرروا على راسنا ......... كفاكم كدبا على انفسكم وضحكا على واقعكم وخيانة لحاضركم ، ولمن بنتظرون منكم خيرا ...
والسلام لمن اراد السلام