عرابة ابيدوس

وصلتني هذة الرساله من احد الأطباءالموجعين من الهم وطلب منى نشرها لعل الحال المايل فى القطاع الصحى ينعدل وأنا انشرها كما هي وبدون تعليق
املين ان ينصلح الحال وان نرى بشاير الحد الأقصى للاجور مطبق بمديريه الصحة
وهل سيتم خصم مايتقاضاة وكيل وزارة الصحة من الصناديق والقوافل الطبية واللجان وغيرها من البدلات من الأجر ام سيبقى الوضع كم هو عليه عشرات الألاف من الجنيهات شهريا لوكيل وزارة الصحة تتجاوز المائة الف جنية وكلة بالفانون واللى مشى عاجبة 0000000
ميزانية الصحة و هي حوالي 4 % علي حالها المخزي هي 23.5 مليار جنية المهم
_ دول العالم المحترمة بتصرف من 15% الي 20 % علي الصحة
- عدد الاطباء بوزارة الصحة 57 الف طبيب …. عدد الصيادلة بوزارة الصحة 15 الف صيدلي … عدد التمريض 90 الف ممرضة
طيب احسب معايا
- الاطباء لو المرتب بيتدرج من 5 الاف شهريا كبداية الي 12 الف للاستشاري كنهاية يبقي المتوسط شهريا 7.5 الاف شهريا لان معظم الاطباء عددا من الشباب و الاخصائين
نضربهم 57000 طبيب * 7500 جنية * 12شهر =5.1 مليار جنية سنويا
- الصيادلة لو قلنا البداية 4000 و النهاية 8000 لانهم 90 % منهم لا يحضرون ماستر و لا دكتوارة و احنا العكس 90% بيحضروا
يبقي المتوسط 5200 لان برضو اغلبهم شباب جنية شهريا ……. نضربهم 15000 صيدلي * 5200 جنية * 12 شهر = 0.9 مليار جنية سنويا
- الممرضات منهم خريجة مجرد مدرسة تمريض و أخري معهد تمريض و أخري كلية تمريض و كل واحدة لها وظيفتها و مهام و كلهن
معرضات للعدوي و يجب مراعاة ذلك و هيتعابوا مع المريض …… لو قلنا بداية المرتب 2000 و نهايته 6000 لممرضة مديرة العمليات الخبيرة يبقي المتوسط 3000 لان معظمهم مدرسة و معهد مش كلية
نضربهم بقي 90000 ممرضة * 3000 جنية * 12 شهر = 3.24 مليار جنية
4- الفنيين و الموظفبن الادارين أعددهم بالظبط مش عندي
لكن الفنيين تقدريا 15 الف او اقل نحاسبهم زي التمريض و نضربهم 15000*3000*12 شهر = 0.5 مليار سنويا
الموظفيين الاداريين تقريبا 45الف علي اقصي تقدير نحسبهم لكن اقل مرتبا من التمريض و الفنيين لانهم غير معرضيين للعدوي او مخاطر طبية هم مجرد اعمال ورقية
نضربهم 45000 موظف * 2000 جنية متوسط شهريا * 12 شهر = 1.08 مليار سنويا
——————————
ممكن نجمع بقي 5.1 + 0.9 + 3.24 + 0.5 +1.08 = 10.82 مليار
يعني 10 مليار و 820 مليون جنية سنويا
الدكتور عبد الحميد اباظة مساعد وزير الصحة قال ايه في تصريح تلفزيوني ان المرتبات تمثل 60% من ميزانية الصحة سنويا
انا بقوله اوكى يا سيدي احنا عاوزين ال 60 % دول اللي انت بتقول عليهم و من غير ما نزود ميزانية الصحة اللي هي حتما لازم تزيد
#### المفاجأة بقي بقي ان 10.8 مليار دول هم 46% من ال 23.5 مليار جنية (ميزانية الصحة ) يعني اقل من 60%
يعني من غير زيادة لميزانية الصحة ( اللي هي كدا كدا مفروض تزيد) المرتبات اللي انا مقدرها فوق دي مفروض تتطبق ….. الفلوس موجودة يا اخوانا لكنها منهوبة
وعلشان منقولش البلد تجيب منين