روافع العيساوية

بحلم ومش ذنبي
أنى بطبيعتي انسان خيالي
حلمي عمره كان بسيط
و بشوف الدنيا حلوه ومتزوقالي
لكن مش بحلم علشاني لوحدي
احلامي مش ماديه
ومش مجرد فيلا وعربيه …
بحلم علشان وطني الكبير
وطني ويرخص له الثمين والغالي
دمي فدا وطني اموت شهيد
واسمك يا وطن يترفع للعالي
بحلم انا لوطني حلمي كبير
مش صغير بس حلم خيالي
لما الضعيف يلاقي ايد تمتد له بالخير
ونلاقي الفرحه في عيونه تلالي
لما الحياة تبقي بسيطة
الحب فيها يفرد نجاحاته ويمدها لي
مش ذنبي اني بحلم
انا ذنبي بس اني بحلم
حلم فيه شيء احتمالي …
انا مش بحلم علشاني لوحدي
ومش بحلم علشان بس تتحسن احوالي ..
لو يوم حلمت علشان نفسي
ابقى استأهل اني اوقع في شر اعمالي ..
بحلم علشانك يا وطن تعلي
ويرفرف علمك في العلالي
لما نحلم نبني بكره يبقي كلنا واحد
ومش عاوزين حد سلبي يقول انا مالي …
كل اللي بحلم بيه بسيط بس خيالي …
نفسي ألاقي الفرحه جابه
وتنسيني كل الهم اللي جرالي
كل الصعب يهون بمجرد بسمه
حلوه حد علي وجهه يرسمها لي
كل الحزن يروح بمجرد كلمه
حلوه حد يقولها لي
تنسيني تعبي وهمي وتنسيني اليأس
اللي خيم وعشش وحطم كل امالي …
بحلم نعيش في وطن يملاه السلام ..
وطن مش بس عايش للكلام …
عقول بتبني وترسم طريقنا للأمام …
عقول صاحية مش بس عايشه
علشان تاكل وتنام …
وناس بسيطة في عيونها
ضحكه تنسيها كل الجروح والألأم…
عيون صاحية خافيه
من بكره ومن الايام …
وناس بتحلم بالسلام ….
وناس في قلوبها امل ينور
الطرق لو كان ظلام ..
وناس بتدعي ربنا
ناس بسيطة مننا ربي احفظ مصرنا …
يا حضن دافئ يضمنا ..
يا بيت صغير مليان بالمحبة يجمعنا ويلمنا
يا صحبه حلوه عشا فيها كام سنه ..
فداكي يا مصر كل قطره في دمنا ..
انتي انا واسم الشهيد
محفور في صدري هنا
.. بحلم يا مصر …..
بحلم اشوفك يا مصر نور ..
ذي ما كنتي يا بلادي فخر لينا
علي مر كل العصور