سنهور البحرية

يا حلم خايف من النهار
انا بعترف انك جبان
انك كمان
خايف لتعلن يوم وجودك
شوف حدودك ، مين ملكها
شوف دروبك ، مين سلكها
مين سلبها ؟
قوة كانت جوة فارس
هز فارس كسرى قيصر
والرومان
اسأل تبوك فين الملوك فين التيجان ؟
لساك كمان
خايف لتعلن يوم وجودك
فين ردودك
عالجنين اللي اتقتل ؟
صمت وخجل !
ولاَ صورة معلقة وذكرة شهيد
ولاَ دمعة غصب عنك لما تسمع النشيد
ازاي أشيد !
وانت دورك ف المسلسل المُشاهد
ازاي تشاهد المشاهد
وانت شايف البطولة
رافضة تبقي للبطل !
سحرك بُطل
ولا انت خايف البداية تبقي منك
يبقى خوفك قل منك
يبقى ذِلك ذُل منك
لو تعيش تحلم ببكرة
وانت خايف م الشروق
*******