آه يا بلد
آه يا بلد عايزه ولد الكبير فيكى اتسند
والصغير فيكى ضايع للأبد
آه يا بلد فيكى الحرامى بقى الشريف بقى المدد
والشريف مربوطك فى طينك ماسكه فيه بمليون وتد
آه يا بلد والعدل ضايع والبيوت صارت هدد
والحق فيكى راح خلاص والسيل كمان فاض واتفرد
آه يا بلد ورينى فيكى حاجه حلوه
ساكته ليه مش جايبه رد
خلصت خلاص طيب خلااااااااااااااااااص عقلى جمد
والدم من جسمى شرد
ولسانى فى حلقى اتخمد
فضل القلم يكتب كلام بس القلم سنه اتبرد
والحبر منه خلص خلاص .
ايه اللى فاضل فيكى قولى حتى أهلك اصبحو كمالة عدد
آه يا بلد وبتسألينى مين أنا وليه بجيب فى اسئله مالهاش عدد
آآآآآآه يا بلد وبعلو صوتى بقولها ليكى
أنا الولد أنا الولد
أنا قتيلك يا بلد أنا قتيلك يا بلد أنا قتيلك يا بلد
بقلم : طه حسين عرابى
