سلوك

حكايات جرعتليه
لو .... لو
لو كل الرجال اصبحوا رجل واحد وكل الفئوس اصبحت فاس واحدة وكل الاشجار اصبحت شجرة واحدة وكل البحيرات اصبحت بحيرة واحدة فيجئ الرجل الواحد حاملا الفاس الواحد فيضرب الشجرة الواحدة ضربة واحدة فتقع فى البحيرة الواحدة اكيد هيحصل.......طبشة كبيرة اوى اوى
كشف الكذب
مرة جابوا واحد امريكي وواحد الماني وواحد بلدياتنا يقعدوهم على جهاز كشف الكذب.جه الامريكي قعد عالجهاز قال احنا بنفكر نبني مستفى 180كم قام الجهاز صفر..جه الألماني قعد قال احنابنفكرنبني استاد 250كم الجهاز صفر ...جه بلدياتنا قعد قال احنا بنفكر قام الجهاز صفر
إعلانات مبوبة
شاب يجيد عدة لغات مثل الصعيدية و السلمونيه و البدوية حاصل على دبلوم تجارة يجيد ايضا مسك الدفاتر ومسك سيرة الناس ومسك العصاية من النص ..ماهر فى العزف على الالات الكاتبة خبير فى المحاسبة على نفسه من اعين المباحث
....
شركة آنست يا نور العيون للتأمين عليك ضد الحسد و العين اللى تفلق الحجر، تقوم بصرف الأحجبة لعملائها الكرام مع الفاسوخ و عين العفريت، ويمكن أن ترقيك من عين اللى شافك و ممصش ليمونة
نشلت منى محفظتى ليس بها سوى اسمى و عنوانى و حجاب يحمينى من السرقة.. أرجو ممن يجدها ان يحضرها لى لأنى أريد أن أعود الى منزلى و عنوانى بداخل المحفظة!! انا موجود على رصيف رقم 5 و اسمى و الله مش فاكرة لأنه برضه جوه المحفظة
.
مكتبة الجهل نورن، لصاحبها الأستاذ طناش المدغشش، تقدم أحدث المؤلفات فى شتى المجالات الفكرية مثل كتاب"خلاصة البهريز فى علم التأويز" للعلامة الفهامة أبو شوشة المسخسخ، و كتاب " الأسلوب السائد، فى الأكل على الموائد" للأستاذ قرقر الدحلاب
العولمــــــة
س: ما هي العولمة؟..... ج: أميرة انجليزية (الأميرة دايانا) - البويفرند بتاعها مصري، بتستعمل سيلفون سويدي، بتعمل حادثة في نفق فرنساوي بعربية ألماني بموتور هولندي، سايقها سوّاق بلجيكي كان شارب سكوتش (ويسكي) كتير، قريب منهم "باباراتسي" إيطالي، على موتسكل ياباني، بيعالج دايانا دوكتور أمريكاني بيساعده فريق طبي فلبّيني، بيستعملوا أدوية برازيلي - بتموت!
الأتحاد النسائى
الأتحاد النسائى العالمى أجتمع للوقوف فى وجه الرجل المستبد، فقررت النساء عمل أضراب عن الأعمال المنزلية لمدة أسبوع و الأجتماع بعد أسبوع لمعرفة نتيجة الأضراب. بعد أسبوع تم الأجتماع قالت الفرنسية " قلت لبير أسمع أنا مش حأعمل أى شغل فى البيت لا أكل ولا غسيل ولا مكوى ولا تنظيف أتصرف أنت. ومر أول يوم مشوفتش حاجة ثانى يوم مشوفتش حاجة ثالث يوم نزل جاب لى بوكيه ورد وأعتذر لى و قرر أن يساعدنى فى أعمال المنزل" قالت الأنجليزية قلت يا بول أعمل حسابك أنا مش حأعمل أى حاجة فى البيت لا مكوى ولا تنظيف ولا غسيل ولا اكل اتصرف .. اول يوم مشفتش حاجة ثانى يوم مشوفتش حاجة ثالث يوم جاء ونظف البيت وعمل أكل وقرر أن يساعدنى بعد ذلك. أم جميل السورية قالت: قلت لأبو جميل أعمل حسابك أنا مش حأعمل حاجة فى البيت لا أكل ولا تنظيف ولا غسيل أتصرف.. أول يوم ماشوفتش حاجة ثانى يوم ماشوفتش حاجة ثالث يوم بدأت أشوف بعينى اليمين شوية
مع تحيات جميل جرعتلي .