مجادعة قطع اخضر ( باقام)
قال ابوبدر
اليــــوم الوطـــن بعـــد اللِّكـك ما فاتـوا
نتكاتف جمـــيع نعدل كمــان عوجـــاتو
أمجـــــاد القبيلـــة الفـتّلت عضـــــلاتو
نفــزع بيــها ندفــع للوطــن عجـــلاتو
دفّــــار الـجـــنوب غــرّز فتـل طـاراتو
وانفـزرالعـقار بعــــــد المصيبة الـجاتو
دا الجن الدّفــس عرمــان تــحت نعلاتو
إنشـاء الله اليقـد راس الحلو وقــوّاتو
رد عليه
يعقوب محمد عبد القادر
باقان اللئيم ظهــرت خــلاص ســوءاتو
بعـد النـــور قطــع نظّـــم رياك لعـباتو
والقــون إنكـشف فتـح الدفــاع ثغـراتو
بي آخــر نفــس ســـلفاالمغبَّن شـــاتو
يا دينق يا ألـــور بلبل رويســـك وهاتو
أبيي فيهاجيــش زي التِّبـش عضــلاتو
جاهـزين للــدواس تركـة جـدودنا الفـاتو
والبغلـط يمين نشــــويهو في جــمراتو
ورد عليهم عبد الجليل ابوعاقلة
البلد إنفصَل واتقسمت بالوضع خيراتو
وعمَ الأمان بعد أهل المرايس فاتو
وإتوحد صفو وخاب ظن اللِئام شُماتو
والغيظ كتل اُوكامبو العميل والناتو
******
والنافع البزرع أرضو وبعين حُراتو
والعرمان تكُتلو الحسرة بي شَهواتو
ودينق في الجنوب سجد لله في صلواتو
وقال نعمر بلدنا وإسلامنا نبقي حُماتو
*****
ورياك بي فنو نظّم في البشير كلِماتو
وصمت المكرفون وبانت للجميع هفواتو
وقام البشير و هلا الكلمة بي صلواتو
وسلفا أعتذر وقال تلفونا خَفَتّ أصواتو
*****
وشفنا القام سكران عِتر مَلص نِعلاتو
والما قام بايت بالشربة في بَاراتو
وعقّار الوالدين كِترت كمان هناتو
وعرّد بين الجِبال فَسخ الحجر راحاتو
*****
الحِلو المزروع في الشمال في الغرب باعاتو
زراعوا مهرة ومولاصو في الجنوب بقراتو
وجنودنا بواسل وسالكين درب جدودنا الفاتو
قالواابيي فيها الحنظل للخائن تكون شرباتو
