بهيدة

بهيدة..هيدة غازل حروف العشك
تطلع قصيدة
وهيدة...هيدة
خلي روحي انا علروحك
حتى لوجانت بعيدة
بلكي انا وياك ننسى
بصدفة حلوة
ولحظة لو مرت سعيدة
ممكن انا وياك
نبدي من جديد
ويا حلاته
ويا فرحته
اليزهي بعيونه جديدة
بهيدة...هيدة
خاف لا تحمه الحديدة
وانا كاتلني العطش
وبروحي بيدة
و هيدة...هيدة
لا تتعبني علبختك
بعد سجتنه طويلة
انطيني واهس
واخذ صبري
وهاك ليلة
المالي انا وياه حيلة
ادري بعيونك سحر
صوبن كلبي
وهيست بي جيلة
وانا ما ريدك
تطيب خاطري
ممنون لصوابك اشيلة
بهيدة...هيدة
اشتهيتك بالنفس
شهكة عوافي
وهيدة...هيدة
لو صعد الكاك دافي
ولو نزل الكاك غافي
بروحي ظل
ولا تجافي
هيل احسك
وحلوة منك ما تكلي
يلله كافي
استاهدك كلك محنه
من عضت شفاقك لشافي
مروتك لا تعت بيه
صبري مو مثلك خرافي
انا مثلك
من دم و لحم
والفرق بيني و بينك
انا كلبي شكد رجيج
وانت كلبك نبع صافي
بهيدة...هيدة
خل اهيسك بروحي العشك
خضر وورد من جديد
وهيدة...هيدة
ارد احسك بالوريد
لا تكول ...ومو مهم
حتى لو انت بعيد
المهم احس روحي يمك
والمهم ان انا اهمك
وهذا اخر ما اريد
شعر تكتب علشفايف
وانا احجيلك وازيد
وانت تتوسل تكول
فدوة لعيونك دعيد
وانا اعيد
وهم اعيد
وعندي عيد
الشاهد الله شكد سعيد
جواد الفراتي
7/1/2008