العتوة البحرية

بلد الاصالة
وحبيبتي فين أجمل منها.ولا حد ف الدنيا مثيلها
وأنا مهما أقول وأحكي عشانها.
ودا مين دا يوم يوفي جميلها
****
بلد الأصالة والنيل والروح.وإن غبنا عنها الروح بتروح
أنا بلدي مصر منين ما بروح
رفعالي راسي وأقول منها
وحبيبتي فين أجمل منها.ولا حد ف الدنيا مثيلها
******
الله عليكي وعلى أحفادك.من جيل لجيل رفعوا أمجادك
وأنا أعيش وأموت لاجل ترابك
والغالي يرخص لعيونها
وحبيبتي فين أجمل منها.ولا حد ف الدنيا مثيلها