نكت مغربية من أحمر لكلالشة
هادا واحد مكلخ مشى يخطب
جات البنت حطات ليه كاس ديال أتاي ليبتونLipton
قال ليها: من دابا بدينا ف الحجابات؟
**********
واحد المرا سولات ولدها: واش نتا عزيز على المعلمة ديالك؟
قال ليها الولد: أه أماما، أنا بوحدي اللي كتقول ليا غادي تبقى معايا العام الجاي
**********
وحد المبوق سول صاحبو: أشنو غادير دير إيلا فقتي ولقيتي راسك ميت؟
قال ليه صاحبو المبوق: نااااااري أصاحبي، راني نتسطى
**********
هادا واحد خينا راسو كبيييييييير ركب في الطوبيس، وبقا كيغني أغنية ديال الدراري الصغار وتيميل براسو على ليمن ... وعلى ليسر...
(عندي بااااااااابا ... وعندي ماااااااااااااما ... ديما معاااااايا ... حتى في النوووووووووم)
ملي كان الطوبيس غادي، واحد البوليسي حبس الشيفور ديال الطوبيس...
قال ليه: عندك 400درهم خطية
الشيفور: علاش؟ ياك لاباس؟
البوليسي: راه الطوبيس تيميل على ليمن وعلى ليسر
الشيفور كعا وسب هاداك خينا اللي راسوا كبير
صاحبنا بو راس كعا حتى هو...
قال ليه: ياك؟ كتعايرني؟ واخا!
غا زاد الطوبيس شوية وبدا بوراس كيغني ليه أغنية
الكناوي ناوي ناوي ... الكناوي يا سادتي)
سولو واحد المكلخ: كيفاش دير إيلا بغيتي تصيد قنية؟
قال ليهم: غادي نتخبى مورا شي شجرة ونقلد الصوت ديال خيزو
************
سولو واحد المكلخ: فاش خدا نجيب محفوظ جائزة نوبل؟
قال ليهم: في كرطونة
************
واحد الأستاذ ديال الفرنسية سول التلاميذ ديالو: أشنو كيعجبكم فـي الفرنسية ؟
واحد قال ليه: اكسبريسيون اكريت
Expressionécrite
التاني قال ليه: اكسبريسيون أورال
Expressionorale
نقز الكسول قال ليه: غاماصي ?و زافيغ
Ramassezvos affaires
************
واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام
************
هادي واحد البنت وصلات المدرسة معطلة
قال ليها الاستاد: مالكي تعطلتي؟
قالت ليه: راه واحد كان كيتبسل عليا و تابعني
قال ليها المعلم: إيوا إيلا كان شي واحد تابعك غادي توصلي دغية ماشي تعطلي
قالت ليه: راه هو اللي كان كيتمشى بشوية
***********
واحد المعلم قال للتلاميد دياولو: اللي حاس براسو مكلخ يوقف
سكتوا التلاميد كاملين إلا واحد ناض وقف
قال ليه المعلم: حاس براسك مكلخ؟
قال ليه التلميد: لا، غير ما بغيتكش تبقى واقف بوحدك
***********
هادا واحد الزقرام كيقرا ف محو الأمية. سولو المعلم قال ليه: 60+60شحال كتساوي؟
قال ليه السقرام : 120
وهو يقول ليه المعلم: مالك البارح قلتي للمفتش 140؟
أو هو يقول ليه الزقرام: راه زدت عليه حيت هو ماشي من الكليان ديالي
***********
هادا واحد الاستاد قال للتلاميد دياولو: غادي نوريكوم تلالة د الانواع ديال الكعيات
اتصل بواحد النمرة وجاوباتو واحد البنت قال ليها: كاين عمر؟
قالت ليه: لا ما كاينش، النمرة غلط
قال للتلاميد: هادي كاعية
اتصل تاني بنفس النمرة وجابواتو نفس البنت وقال ليها: كاين عمر؟
قالت ليه: قلنا ليك ما كاينش مالك مصدعنا
قال للتلاميد: هادي كاعية كتر
عاود اتصل بنفس النمرة وجابواتو نفس البنت وقال ليها : كاين عمر؟
قالت ليه:ما كاينش ألحمار وما تبقاش تعيط
قال للتلاميد: هادي كاعية بزااااااااااف
ناض واحد الولد قال ليه: أنا غادي نوريك الكعية ديال بصاح
ناض عيط لنفس النمرة وقال ليها: أنا عمر، عيط ليا شي واحد؟
**********
هادا واحد بغى يشري بيستاش وما عرفش سميتو
مشى عند مول الحانوت وقال ليه: عطيني كاوكاو اللي كيضحك
**********
واحد المعلم سول التلميد: علاش تعطلتي؟
قال ليه الولد: واحد الراجل كان كيقلب على 100درهم ديالو
المعلم: مزيان، هي كنتي كتعاونو يقلب عليها
التلميد: لا، كنت حاط رجلي عليها
***********
هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا
***********
قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي
***********
هادي واحد البنت نص ساعة وهي كتهدر ف التلفون.
مللي سالات قالت ليها ختها: على سلامتك! كي درتي ساليتي ف نص ساعة؟ عادة كتشدي التلفون ساعتين
قالت ليها البنت: اه، راه غير النمرة غلط
***********
هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو
**********
برغوت وبرغوتة كانوا ف السينيما. ملي سالى الفيلم و بغاو يمشيو للدار، قال البرغوت للبرغوتة: فيك ما يتمشى أولا نركبوا شي كلب؟
**********
هادا واحد غير دخل الامتحان ديال الباكالوريا و دغية خرج.
قالو ليه: مالك خرجتي دغية؟
قال ليهوم: قال ليا الوالد جي نتا اللول
**********
هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية
هادا واحد مبوق سولوه: أشنو رأيك ف الزواج المبكر؟
قال ليهم المبوق: زعما أشمن ساعة بالضبط؟
*********
واحد الراجل سميتو مبارك، شرى حولي ودخل بيه الدرب
شافتو جارتو من الشرجم، وقالت ليه: مبارك الحولي
قال ليها: خدوج النعجة
**********
هادا واحد المعلم قال للتلاميد دياولو: سولوني أي سؤالوإيلا ما عرفتش نجاوب عليه نعطيكم 100درهم، وإيلا سولتكوم أنا سؤال وماعرفتوش تجاوبوا عليه عطيوني 50درهم
الدراريتخلعوا حتى من المجتهدين. شوية ناض الدمدومة ديال القسم رفع صبعو وفرعللمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999رجل؟
المعلم عيا ما يفكر ما عرفش الجواب. وهو يعطي للكسول 100درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999رجل؟
قال ليه الكسول: والله أودي ما عرفت، وهو يعطي للمعلم هاديك 100درهم وقال ليه: هاك هادي، خود 50درهم ورد علي 50درهم ديالي
**********
هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما
**********
واحد الشفار بغى يتوب وهو يسرق جوج سيديات ديال القرآن
**********
واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل
**********
واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبابيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا
************
هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
************
واحد المرا كاعية مع راجلها وهي تقول ليه: كون غير خديت إبليسولا خديتك
قال ليها راجلها: شرعا، لا يجوز المرا تجوج بخوها
************
هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناوح
************
واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش
************
واحد مول الطاكسي كان راكب عندو واحد خينا مبوق ملي ضرب واحد الراجل
مول الطاكسي مخلوع قال للمبوق: نزل أخويا الله يرحم باك شوف ياك ما مات
نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه
************
واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
هاد الحاجة غريبة لدرجة أنك ما غاديش تيقيني وغادي تقولي عليا كداب
ولكن أنا راه ماشي كداب، ونتي اللي كدابة، وطاسيلتك كلها اللي كدابة يا قليلة الترابي
وسيري راكي طالق كاع
************
هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة
***********
واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ
***********
واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت
***********
واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة
***********
هادا واحد التزم وولى كيحشم وبغى يتجوج
قالت ليه ?مه: كيفاش بغيتي مرتك تكون أولدي؟
قال ليها: بغيتها والعياذ بالله والعياذ بالله والعياذ بالله تكون بحالنانسي عجرم
***********
*هادا واحد الطبيب غادي يولد واحد المرا عندها تلاتة ديال التوام
خرج الولد اللول لقاه ناعس، وبدا كيضربو حتى فاق وحطو
مشى خرج الولد التاني، لقاه حتى هو ناعس، ناض كيضربو حتى فاق وحطو
مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير جوج ولاد للي كاينين
غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟
***********
*الأستاذ: يعيش السمك في الماء.
التلميذ: يعيش يعيش يعيش
***********
*واحد ميكانيكي بغا يضحك مع مرتو، ناض قرصها بالبانس
***********
*واحد قال لمرتو: أنا اليوم بغيت الرومانسية ف الدار.
المرا مشات سولاتماماها: مي، أشنا هي الرومانسية؟
قالت ليها ماماها: ما عرفتش أبنتي، ولكن احتياطا رقدي الحمص.
***********
*هادا واحد الطير خرج فالجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول: أواه! زعما يكون الراجل مات؟
***********
*واحد المرا وراجلها مخاصمين وما كيهضروش مع بعضياتهم. الراجل بغى يفيق بكري باش يمشي للخدمة، كتب لمرتو ف ورقة: فيقيني مع 7:00،وحطها ليها حدا الناموسية. منين فاق لقى 10:00وحداه ورقة مكتوب فيها: فيق،راه 7:00هادي
جات البنت حطات ليه كاس ديال أتاي ليبتونLipton
قال ليها: من دابا بدينا ف الحجابات؟
**********
واحد المرا سولات ولدها: واش نتا عزيز على المعلمة ديالك؟
قال ليها الولد: أه أماما، أنا بوحدي اللي كتقول ليا غادي تبقى معايا العام الجاي
**********
وحد المبوق سول صاحبو: أشنو غادير دير إيلا فقتي ولقيتي راسك ميت؟
قال ليه صاحبو المبوق: نااااااري أصاحبي، راني نتسطى
**********
هادا واحد خينا راسو كبيييييييير ركب في الطوبيس، وبقا كيغني أغنية ديال الدراري الصغار وتيميل براسو على ليمن ... وعلى ليسر...
(عندي بااااااااابا ... وعندي ماااااااااااااما ... ديما معاااااايا ... حتى في النوووووووووم)
ملي كان الطوبيس غادي، واحد البوليسي حبس الشيفور ديال الطوبيس...
قال ليه: عندك 400درهم خطية
الشيفور: علاش؟ ياك لاباس؟
البوليسي: راه الطوبيس تيميل على ليمن وعلى ليسر
الشيفور كعا وسب هاداك خينا اللي راسوا كبير
صاحبنا بو راس كعا حتى هو...
قال ليه: ياك؟ كتعايرني؟ واخا!
غا زاد الطوبيس شوية وبدا بوراس كيغني ليه أغنية
الكناوي ناوي ناوي ... الكناوي يا سادتي)
سولو واحد المكلخ: كيفاش دير إيلا بغيتي تصيد قنية؟
قال ليهم: غادي نتخبى مورا شي شجرة ونقلد الصوت ديال خيزو
************
سولو واحد المكلخ: فاش خدا نجيب محفوظ جائزة نوبل؟
قال ليهم: في كرطونة
************
واحد الأستاذ ديال الفرنسية سول التلاميذ ديالو: أشنو كيعجبكم فـي الفرنسية ؟
واحد قال ليه: اكسبريسيون اكريت
Expressionécrite
التاني قال ليه: اكسبريسيون أورال
Expressionorale
نقز الكسول قال ليه: غاماصي ?و زافيغ
Ramassezvos affaires
************
واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام
************
هادي واحد البنت وصلات المدرسة معطلة
قال ليها الاستاد: مالكي تعطلتي؟
قالت ليه: راه واحد كان كيتبسل عليا و تابعني
قال ليها المعلم: إيوا إيلا كان شي واحد تابعك غادي توصلي دغية ماشي تعطلي
قالت ليه: راه هو اللي كان كيتمشى بشوية
***********
واحد المعلم قال للتلاميد دياولو: اللي حاس براسو مكلخ يوقف
سكتوا التلاميد كاملين إلا واحد ناض وقف
قال ليه المعلم: حاس براسك مكلخ؟
قال ليه التلميد: لا، غير ما بغيتكش تبقى واقف بوحدك
***********
هادا واحد الزقرام كيقرا ف محو الأمية. سولو المعلم قال ليه: 60+60شحال كتساوي؟
قال ليه السقرام : 120
وهو يقول ليه المعلم: مالك البارح قلتي للمفتش 140؟
أو هو يقول ليه الزقرام: راه زدت عليه حيت هو ماشي من الكليان ديالي
***********
هادا واحد الاستاد قال للتلاميد دياولو: غادي نوريكوم تلالة د الانواع ديال الكعيات
اتصل بواحد النمرة وجاوباتو واحد البنت قال ليها: كاين عمر؟
قالت ليه: لا ما كاينش، النمرة غلط
قال للتلاميد: هادي كاعية
اتصل تاني بنفس النمرة وجابواتو نفس البنت وقال ليها: كاين عمر؟
قالت ليه: قلنا ليك ما كاينش مالك مصدعنا
قال للتلاميد: هادي كاعية كتر
عاود اتصل بنفس النمرة وجابواتو نفس البنت وقال ليها : كاين عمر؟
قالت ليه:ما كاينش ألحمار وما تبقاش تعيط
قال للتلاميد: هادي كاعية بزااااااااااف
ناض واحد الولد قال ليه: أنا غادي نوريك الكعية ديال بصاح
ناض عيط لنفس النمرة وقال ليها: أنا عمر، عيط ليا شي واحد؟
**********
هادا واحد بغى يشري بيستاش وما عرفش سميتو
مشى عند مول الحانوت وقال ليه: عطيني كاوكاو اللي كيضحك
**********
واحد المعلم سول التلميد: علاش تعطلتي؟
قال ليه الولد: واحد الراجل كان كيقلب على 100درهم ديالو
المعلم: مزيان، هي كنتي كتعاونو يقلب عليها
التلميد: لا، كنت حاط رجلي عليها
***********
هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا
***********
قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي
***********
هادي واحد البنت نص ساعة وهي كتهدر ف التلفون.
مللي سالات قالت ليها ختها: على سلامتك! كي درتي ساليتي ف نص ساعة؟ عادة كتشدي التلفون ساعتين
قالت ليها البنت: اه، راه غير النمرة غلط
***********
هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو
**********
برغوت وبرغوتة كانوا ف السينيما. ملي سالى الفيلم و بغاو يمشيو للدار، قال البرغوت للبرغوتة: فيك ما يتمشى أولا نركبوا شي كلب؟
**********
هادا واحد غير دخل الامتحان ديال الباكالوريا و دغية خرج.
قالو ليه: مالك خرجتي دغية؟
قال ليهوم: قال ليا الوالد جي نتا اللول
**********
هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية
هادا واحد مبوق سولوه: أشنو رأيك ف الزواج المبكر؟
قال ليهم المبوق: زعما أشمن ساعة بالضبط؟
*********
واحد الراجل سميتو مبارك، شرى حولي ودخل بيه الدرب
شافتو جارتو من الشرجم، وقالت ليه: مبارك الحولي
قال ليها: خدوج النعجة
**********
هادا واحد المعلم قال للتلاميد دياولو: سولوني أي سؤالوإيلا ما عرفتش نجاوب عليه نعطيكم 100درهم، وإيلا سولتكوم أنا سؤال وماعرفتوش تجاوبوا عليه عطيوني 50درهم
الدراريتخلعوا حتى من المجتهدين. شوية ناض الدمدومة ديال القسم رفع صبعو وفرعللمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999رجل؟
المعلم عيا ما يفكر ما عرفش الجواب. وهو يعطي للكسول 100درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999رجل؟
قال ليه الكسول: والله أودي ما عرفت، وهو يعطي للمعلم هاديك 100درهم وقال ليه: هاك هادي، خود 50درهم ورد علي 50درهم ديالي
**********
هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما
**********
واحد الشفار بغى يتوب وهو يسرق جوج سيديات ديال القرآن
**********
واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل
**********
واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبابيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا
************
هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
************
واحد المرا كاعية مع راجلها وهي تقول ليه: كون غير خديت إبليسولا خديتك
قال ليها راجلها: شرعا، لا يجوز المرا تجوج بخوها
************
هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناوح
************
واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش
************
واحد مول الطاكسي كان راكب عندو واحد خينا مبوق ملي ضرب واحد الراجل
مول الطاكسي مخلوع قال للمبوق: نزل أخويا الله يرحم باك شوف ياك ما مات
نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه
************
واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
هاد الحاجة غريبة لدرجة أنك ما غاديش تيقيني وغادي تقولي عليا كداب
ولكن أنا راه ماشي كداب، ونتي اللي كدابة، وطاسيلتك كلها اللي كدابة يا قليلة الترابي
وسيري راكي طالق كاع
************
هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة
***********
واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ
***********
واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت
***********
واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة
***********
هادا واحد التزم وولى كيحشم وبغى يتجوج
قالت ليه ?مه: كيفاش بغيتي مرتك تكون أولدي؟
قال ليها: بغيتها والعياذ بالله والعياذ بالله والعياذ بالله تكون بحالنانسي عجرم
***********
*هادا واحد الطبيب غادي يولد واحد المرا عندها تلاتة ديال التوام
خرج الولد اللول لقاه ناعس، وبدا كيضربو حتى فاق وحطو
مشى خرج الولد التاني، لقاه حتى هو ناعس، ناض كيضربو حتى فاق وحطو
مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير جوج ولاد للي كاينين
غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟
***********
*الأستاذ: يعيش السمك في الماء.
التلميذ: يعيش يعيش يعيش
***********
*واحد ميكانيكي بغا يضحك مع مرتو، ناض قرصها بالبانس
***********
*واحد قال لمرتو: أنا اليوم بغيت الرومانسية ف الدار.
المرا مشات سولاتماماها: مي، أشنا هي الرومانسية؟
قالت ليها ماماها: ما عرفتش أبنتي، ولكن احتياطا رقدي الحمص.
***********
*هادا واحد الطير خرج فالجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول: أواه! زعما يكون الراجل مات؟
***********
*واحد المرا وراجلها مخاصمين وما كيهضروش مع بعضياتهم. الراجل بغى يفيق بكري باش يمشي للخدمة، كتب لمرتو ف ورقة: فيقيني مع 7:00،وحطها ليها حدا الناموسية. منين فاق لقى 10:00وحداه ورقة مكتوب فيها: فيق،راه 7:00هادي
