ايهاي
هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال
جات واحد المرا شارفة عفطات عليه
قال ليها: سمحي ليا أ الوالدة، راكي عافطة على ربعين ألف ريال
تحنات المرا مادة إيديها وقالت ليه: ديال أوليدي
الشفنج
واحد مشى عند مول الشفنج، قال ليه: عطيني كيلو ديال الشفنج.
كلاه وما شبعش، قال ليه: زيد نص كيلو.
كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد رابعة
.
القناين و خيزو
واحد الكوري ديال القناين جا حدا واحد الفيرمة ديال خيزو.
مول الفيرمة ديما كينوض ف الصباح، ما كيلقى حتى خيزوة
عيا ما يتشكى لمول الكوري، ما دار ليه والو. هو ينوض واحد المرة بالليل وحيد السنان للقناين كلهم ونعس مرتاح
ف الصباح ملي ناض، ما لقى تاني حتى خيزوة
هو يشد واحد القنية من ودنيها وقال ليها : كي درتو حتى كليتو خيزو؟
قالت ليه :درناه عثير و ثربناه كولو
نقطة
سولوا واحد المبوق: أشنو الفرق بين الشتا والصيف؟
قال ليهم: نقطة
قالوا ليه: كيفاش؟
قال ليهم: الصيف عرق، والشتا غرق
السم
واهد الراجل مخاصم مع مرتو. عيط ليها من الخدمة وقال ليها: أشنو دايرة للعشا؟
المرا كاعية، قالت ليه: السم
قال ليها: مزيان، إيوا غير تعشاي ونعسي راني غادي نتعطل اليوم ف الخدمة
أيفون
واحد المكلخ شرى أيفون. شوية رجعو للمحل، وقال ليهم: ما حشمتوش؟ بعتوا ليا أيفون قديم
قالو ليه: باش عرفتيه قديم؟
قال ليهم: التفاحة اللي فيه معضوضة
نســـيـبة
هادا واحد جات عندو نســـيـبتو. قال ليها: شحال غتبقاي معانا؟
قالت ليه: حتى تملو مني
قال ليها: وبقاي غير حتى تشربي أتاي بعدا
السقرآم
هداوآحد السقرآم .. جآو عندو قآلو ليه رآه الحآنوت ديآلك تحرق كآمل
هو يشري قنبة بآش ينتحر ..يآلله بغآ يديرهآ في عنقو بآش ينتحر هوما ايرجعوآ عندو
قآلو ليه سمح لينآ رآه غلطنآ ..
رونديفو
واحد البنت مشات دوز امتحان الشفوى،مسكينة ما حافظة والو .وجات نهار الا متحان لابسة زوين و بيان ماكيي قعدت فى قاعة الامتحان سولها الأستاذ
السؤال الأول : ما عرفت والو
السؤال التانى،والو
السؤال الثالث والووو
قالها الاستاذ: أش بغيتي ...صفر ولا رونديفو
......فرحت وقالتله :رونديفو
.
.
.
.
.
.
قالها الاستاذ: نتلقاو العام الجاى كيما هاد لوقت
وفى هاد القسم ان شاء الله
