جزيرة الشورانية

اللواء وضاح الحمزاوى رجل يتميز بالعمل الجاد تولى المسئولية فى اوقات صعبه وحمل على كتفيه مسئولية النهوض بسوهاج لذلك عندما تجلس إلية تجد نفسك تدخل فى الحوار مباشرة دون مقدمات .

• · السيد اللواء وضاح الحمزاوى لو طلبنا منك تقديم نفسك للجماهير ماذا تقول ؟

اسمي وضاح محمد الحمزاوى ، نشأت فى قرية سقارة بمحافظة الجيزة وهى حاليا تتبع محافظة 6 أكتوبر ، أما تاريخي العملي فينقسم باختصار لنقطتين وهما النقطة الأولى العمل فى القوات المسلحة ،الكلية الحربية ،القوات الخاصة سلاح المظلات ثم انتقلت للعمل بالمخابرات وأخيرا محافظا لسوهاج

• · ما هو انطباعك الأول عن محافظة سوهاج خاصة انك توليت المسئولية فى ظروف عصيبة خلال ثورة 25 يناير؟

منذ اللحظة الأولى لقدومى لمحافظة سوهاج وأنا اشعر أنني بين أهلي وأنا متغربتش والوجوه التي تقابلت معها هم أهلي خاصة وأننى أنتمي للصعيد كما قلت نشأتي فى قرية سقارة جنوب الجيزة وهى بداية الصعيد وحاليا هي تتبع محافظة 6 أكتوبر فى التقسيم الجديد وأنا أول ما حضرت هنا حسيت أنى طباع السوهاجية هى نفس طباع أهلي خاصة وأننى طوال فترة عملى لم انفصل عن قريتي وكنت احرص على التواجد فى كل المناسبات وفى الأعياد وكل أسبوع على الأقل كل يوم أكون فى قرية وكنت أقوم بتأدية الواجبات والمناسبات سواء فى الأفراح أو الأحزان لعائلتي أو لأهل بلدي والقرى المجاورة خاصة للناس الذين ارتبط بصلة بهم فالتواصل كان مستمر فلما حضرت سوهاج لم أشعر بأني غريب بل شعرت أنى بين أهلي الفترة العصيبة التي كانت تمر بها البلاد فى أيام المظاهرات وبعد كده عملية البلطجة فى الشوارع وتدمير المنشآت العامة والخاصة فى سوهاج كانت فترة كويسه جدا حتى لما كان هناك مظاهرات تؤيد الثورة ومظاهرات مضادة تؤيد النظام القديم كانت تتم بصورة حضارية وكان فيه تواجد شرطى متميز مع المجموعتين سواء مجموعة تأييد الثورة أو مجموعة تأييد النظام القائم وقتها ، فكان فيه فصل بين المجموعتين ولم يحدث احتكاك بينهم ، وكان أول لقاء لي مع مدير الأمن السابق اللواء احمد خميس وقيادات الشرطة الموجودة طلبت منهم أن نتفادى حدوث أي مواجهة أو أي التحام بين المجموعتين لازم يكون هناك فصل كامل بينهما لأنه حتى لو حصل احتكاك فى القاهرة أو فى أى مكان لن نسمح به فى سوهاج لأن انتم عارفين طباعنا هنا فى الصعيد عملية الثأر بيبقى ليها تأثيراتها ولو حدث تعدى من شخص على أخرسوف تتطور الأمور لان أهلة لن يتركوه وسوف تصبح مشكلة بالنسبة لنا قد لا نستطيع حلها بسهولة فنتجنب أن يحدث ذلك من البداية وفعلا نجحنا الحمد لله فى الفترة دي أنه ميحصلش أى احتكاك ، ده يقول رأيه بنزاهة وده يقول رأيه بنزاهة وعدت الأمور على خير ولم يتم حدف طوبه واحدة على أي قسم من أقسام الشرطة ودي حاجة تحسب لشعب سوهاج لأنها صورة حضاريةويا ريت كان كل المصريين عملوا كدا أو كل البلاد عملوا كدا .حدثت تعديات من البلطجية خلال الثورة وتم الاعتداء على بعض أقسام الشرطة ما السبب ؟اللي حصل ده لم يكن فى توقيت الثورة ولكن بعدها حيث ظهرت بعض المطالب الفئوية وزيادة الطلبات ، ظهر بعض التعديات وكانت عبارة عن شوية طوب إتحدفوا على قسم أول وقسم تابع لأحد المراكز صاحب المشكلة فى قسم أول كان تاجر مخدرات مقبوض علية وتم عمل محاولة من بعض الأشخاص لتهريبه وتم التصدى لهم ولم يفلحوا فى ذلك وأتحرق وقتها مقدمة سيارة وأتكسر زجاج لبعض السيارات التي تصادف تواجدها أو مرورها فى المكان وتم السيطرة على الموقف ونفس اللي حدث تم الهجوم على قسم أخر وتم إلقاء بعض الطوب وانتهى الموقف سريعا والجميل هو قيام الأهالي بالوقوف إلى جانب الشرطة والتصدي للبلطجية وهما اللي دافعوا عن القسم وعشان كدا أنا بأشيد بشعب سوهاج لأنة شعب متحضر وشعب واعي وعارف مصلحته فين ويكفى اللجان الشعبية أنهم كانوا بينزلوا بالليل مع الشرطة لتأمين الشوارع لما المساجين هربت من السجون كان الأهالي بيسهروا عشان يحرصوا ممتلكاتهم الخاصة والمنشآت العامة . حضرتك كنت بتنزل الشارع فى أثناء الثورة وتمشى وتشوف الناس على الطبيعة دون خوف ما هو الهدف اللي أنت نزلت من اجله ؟ وما انطباعك عن الشارع السوهاجى خلال تلك الفترة ؟دي حقيقة أنا كنت بنزل أثناء الثورة من غير الحرس أو العربية وحتى الموتسيكل لما كان يطلع قدام منى كنت أقول له امشي لأن أنا زى ما قلت لحضرتك أن من أول ما وصلت هنا حسيت أنى وسط أهلي دي حاجة الحاجة الثانية أية العداء اللي بيني وبين أهل سوهاج عشان خاطر احتاج حرس يحميني منه دانا راجل جاى اخدم الشعب موش جاى ضد الشعب والقسم اللي أقسمته أنى أحمى مصالح الشعب فالشعب هو اللي بيحمينى موش أنا جاى أعادية . رغم الدعوات التي كانت تطالب بجمعة مليونية من ائتلاف شباب سوهاج عند العارف فوجئنا بتواجدك هناك أية السبب ؟فعلا أنا رحت صليت فى العارف وأخذت الطلبات الخاصة بالمواطنين والشكاوى لحلها ولولا أن أنا مدى بلاغ بالعربية أنى رايح أصلى فى المسجد هناك وبتوع المركز عارفين كنت رحت بعربية ثانية وأنا بحب الزيارات المفاجأة وفى المظاهرات الفئوية خاصة من العاملين بالتربية والتعليم كنت أقف فى وسطهم واستمعت لمطالبهم وحلها وأنا جاى زى ما قلت عشان اخدم الشعب موش أعادية فانا موش هيبقى عداوة بيني وبينة بالعكس هيكون فيه حب وده أتمنى انه يستمر طوال فترة خدمتي فى سوهاج والمرور الميداني من طبيعتي . ما رأى سيادتك فى أزمة الأنابيب التي ظهرت مؤخرا ؟فعلا هناك أزمة فى الأنابيب وأنا وصلتني بعض الشكاوى واعتقد أن السبب هما الباعة الجائلين اللي كانوا بيشتروا الأنابيب ويبيعوها فى السوق السوداء وأنا قفلت عليهم ودلوقتى بنزل الجيش والحقيقة كان فيه سوء توزيع من الجمعية التعاونية اللي بتوزع الأنابيب وأنا اتخذت قرارات باستبعاد مدير الجمعية وكذلك القائم على التوزيع وتم تشكيل لجنة تحقق وتجرد وأنا نزلت الجيش فى المستودعات زى ما قلت ومفيش حد بيأخذ اكتر من أنبوبة .وأنا فيه معلومة قدرت أوصلها وموش عارف أتحقق منها لحد دلوقتى أن المسئولين في الجمعية التعاونية بينزلوا الأنابيب في الطريق للبائعين أصحاب عربيات الكارو والأنابيب توصل ناقصة وهو بيأخذ حصته أيضا في التوزيع يجى صاحب المستودع يسال عن فرق السعر وللأسف إحنا اللي بنصنع المشكلة .سيادتك أين الرقيب أو مفتش التموين ؟طيب مفتش التموين من أين ؟، من الشعب واللي بيسرق الأنبوبة منين من الشعب طيب أنا أروح أتعاقد مع مندوبين من الصين لو كل واحد عرف دورة وأداة بأمانة كل المشاكل هتنتهى .على أي أساس تم إيقاف وكلاء الوزارات ؟وهل هم حقا مدانين وألا لتهدئة الرأي العام فقط ؟لا الموضوع موش لتهدئة الناس ولكن فيه بعض المخالفات أتقدمت من بعض المواطنين وفيه عندنا مستويات للتحقيق فمثلا المدير العام ووكيل الوزارة لا املك التحقيق معه داخل المحافظة أملك إيقافه وتحويله للنيابة الإدارية للتحقيق لكن لو كان اقل من مدير عام املك التحقيق معاه في الشئون القانونية الخاصة بالمحافظة .لكن هل المسئولين الذين تم إيقافهم فعلا عندهم مخالفات ؟الله اعلم ولكن الناس قدمت أن هؤلاء المسئولين ارتكبوا مخالفات وسردوا المخالفات فلما اطلعت عليها اضطريت أنى أصدر قرار بالإيقاف وتحويله للنيابة للتحقيق وممكن يطلع برئ وممكن يكون مدان .هل كان فيه مستندات رسمية ولا مجرد منشورات بتتوزع مجهولة المصدر ؟لا منشورات لا لازم الشخص يكتب شكوى ويسرد فيها المخالفات ولازم يمضى لكن موش عشان التهدئة لأنه لو هو معندهوش حق مكن تش هنفذ له لكن هو لما قدم ما يدين الراجل ده وأنا لا املك أنى أحق أتأكد أن الشكوى دي صح ولا غلط لان زى ما قلت لك لا املك ألا اقل من مدير عام أو وكيل وزارة لكن اللي يملك ده النيابة والنيابة بتحقق إذا كانت المخالفة إدارية بيتم مجازاته عليها وإذا كانت المخالفة جنائية بتتحول للنيابة العامة وحاليا النيابة هي اللي بتحقق وأنا دلوقتى مقدرش أقولك أن حد منهم مدان أو برى إلا لما يوصلني تقرير النيابة .قمت سيادتك بإيقاف وكيل وزارة التربية والتعليم ثم فوجئنا بأنه تم تصعيده ما رأيك في هذا الكلام ؟لم يتم تصعيده لو كان فيه قرار بهذا المضمون يبقى قرار خاطىء لأنه لا يجوز ترقيه شخص موقوف عن العمل وترقيته غير موجودة ومازال احمد كمال شمخ بيشغل وظيفة مدير مديرية التربية والتعليم بسوهاج لحين انتهاء التحقيق بس مع إيقافه مع العمل .هناك ثلاثة نماذج لثلاث قرى لديها مشكلات كبيرة لم تحل حتى الآن أولها مشكلة الكولة التي تعانى من مأساة الصرف الصحي والقرية الثانية هي السلامونى والتي تعانى من ارتفاع أسعار الاراضى والمشكلة الثالثة خاصة بقرية العيساوية شرق التي تعانى من عدم وجود مساكن لأهلها وبالرغم من انتهاء كافة الإجراءات لم يتم تقسم الأرض على الأهالي لبناء القرية الجديدة عليها متى يتم حل هذه المشاكل؟ما الإجراءات التي تم اتخاذها لحل مشكلة قرية الكولةأولا بالنسبة لقرية الكولة حضر لمكتبي أهالي القرية وعرضوا مشكلتهم وأكدوا أن مياه الصرف وصلت لبيوتهم وغرقت المنازل فوعدتهم بالذهاب إلى هناك وبالفعل ذهبت وشاهدت المشكلة على ارض الطبيعة ووجدت أن آلميه فعلا مغرقة بيوتهم فجبت رئيس شركة آلميه وطالبته بحل المشكلة وقلت له إحنا عندنا حلين حل فوري وحل على المدى الطويل، الحل الفوري انك تكسح الميه دي عشان متوصلش للبيوت وإيجاد حل مؤقت عشان آلميه لا تعود مرة أخرى ، والحل الثاني هو نشوف الدراسة التي يتم عملها في كلية الهندسة استعجلها عشان نعمل الحل النهائي وثاني يوم فعلا بعت عربيات الكسح وبدأ يكسح آلميه وبعدين كانوا توصلوا أن يعملوا قناة كمجرى للصرف كحل مؤقت لحين انتهاء الدراسات في كلية الهندسة عشان نبعد آلميه عن الأهالي وطلبت منه أنها تكون على مسافة كافية عشان لما تحصل ليها تداعيات لا تؤثر على البيوت وحضر لي الأهالي وقالوا انه فعلا بعت عربيات الكسح وبدأ فعلا يشق القناة بس عملها على مسافة قريبة 30 متر فاستدعيت المسئولين بالصرف الصحي وسألتهم فقالوا أنهم قاموا بعملها على مسافة 100 متر فقلت لهم اعملوها على 200 متر قبل ما تشق أو تكلف عشان لم تكلف لا تعود المياه مرة أخرى على بيوت الناس وعملناها على مسافة 250 متر والمفروض حاليا يكون وصل الحل النهائي من كلية الهندسة . وماذا عن قرية السلامونى؟ ثانيا بخصوص قرية السلامونى واحتجاجهم على السعر كان قد تم إرسال لجنة إليهم في التسعينات وكانت المبالغ مناسبة بس هما مقدروش يدفعوا ولما جاءت لجنة ثانية سعرت المتر ب300 جنية وهذا قبل حضوري لسوهاج فقلت لهم أنا هاجي أشوفكم على الطبيعة ونحل المشكلة وروحت في زيارة مفاجئة فعلا ولقيت مستوياتهم تعبانه فقلت لا إحنا نعمل لجنة ثانية واللجنة راحت وسعرت المتر 150 جنية وقالت هذا أقصى تخفيض عن اللجنة اللي فاتت 50% بس أنا لقيت الفلوس عالية أيضا فقمت بإرسال مذكرة لوزير المالية ولم يتم الرد فقمت بإرسال استعجال وسوف أقوم بإرسال استعجال أخر لأني لا أملك أن اخفض ولو خفضت الجهاز المركزي للمحاسبات هيقولى تعالى أنت عملت مخالفة وأنا في نفس الوقت عاوز امن رجالتي عشان ميتحاسبوش جنائيا على أخطاء إدارية وعلى حاجة هما في غنى عنها لكن أنا كتبت مذكرة لوزير المالية وقلت أنى رحت وشفت مستوى الناس هناك وحالتهم كذا وكذا عشان نلغى التقييم بتاع اللجنة السابقة وعشان نقدر نوصل لسعر متوسط بين سعر اللجنة الثانية والسعر القديم عشان نريحهم بقدر المستطاع . سيادتك بالنسبة للنموذج الثالث الخاص بقرية العيساوية شرق ودي قرية صغيرة جدا والمساكن لا تكفى أهلها مما يجعلهم يقومون بالبناء على الاراضى الزراعية وبعد إنشاء طريق سوهاج البحر الأحمر قام عمده القرية باستصلاح 100 فدان على حسابه الخاص بعد موافقة السيد اللواء محسن النعمانى محافظ سوهاج السابق لبناء قرية جديدة عليها للمواطنين خاصة وأنهم من محدودي الدخل وبالرغم من السير فى الإجراءات القانونية حتى النهاية إلا انه حتى الآن لم يتم تسليم الأرض للأهالي ما السبب ؟ الموضوع لم يتم عرضة عليه .لا حضرتك الموضوع أتعرض عليك عن طريق عمدة القرية محسن لبيب ومعه خرائط كاملة للأرض، والأرض تم تقسيمها لكل أسرة 150 متر ومع ذلك مازال الموضوع متوقف ما السبب ؟مادام القرار فى أيدي اعتبر الموضوع خلص لأن إحنا هنا لخدمة الناس الغلابة ولن يمر أسبوع قبل حل المشكلة وتسليم الأرض للأهالي . متى يتم الانتهاء من متحف سوهاج وافتتاحه للجمهور ؟ أنا زرت متحف سوهاج منذ أيام عشان أشوف أية المشاكل التي تواجهه وعرفت أن كان هناك مقاول يقوم بالعمل وتعثر وكان هناك مشكلة تمويل وأخر حاجة تولت أمره الشركة الوطنية التابعة للقوات المسلحة وهى جهة محترمة سوف تقوم بإنجازه على أكمل وجه وقد توقف العمل من يوم 25 يناير لأن المقاول المسئول عن التنفيذ من الباطن لم يحضر منذ 25 يناير فقلت لهم لو المقاول غير مستعد للعمل نشوف مقاول أخر . هل تم وضع جدول زمني محدد لافتتاح المتحف ؟أنا رحت زيارة ميدانية زى ما قلت لحضرتك والشركة الوطنية شغالة بجدية في المتحف لحد ما توقف يوم 25 يناير وبعدها مباشرة قمت بالاتصال بالدكتور زاهي حواس وزير الآثار وان شاء الله سوف يتم افتتاحه خلال 6 شهور أو قبل ذلك . رغم قرار المحافظ السابق بوقف الدفن في مقابر أخميم إلا أن الأهالي عادوا مؤخرا للدفن وهو ما يعنى تأخر الكشف عن تمثال رمسيس الثاني ما مدى صحة هذا الكلام ؟هذا الكلام حقيقة الناس استغلت الظروف والغياب الأمني الكامل وقاموا بعمل مظاهرات وتم توزيع منشورات تطالبهم بالدفن فسألت الأهالي مشكلتكم أية قالوا أن السيارات الخاصة بالدفن بتعطل في الطريق وهى متجهة لدفن الموتى ولا يوجد مياه أو كهرباء في المدافن الجديدة ولا توجد سيارات لنقل المشيعين اللي بيروحوا لتشييع الجنازة ، قلت لهم يعنى لو توفرت الحاجات دي تبطلوا تدفنوا قالوا نعم فبدأنا فعلا في الاجراءت ووفرنا سيارات الدفن وبالنسبة لسيارات المعزين كان فيه سيارة خاصة بالوحدة المحلية معطلة فأعطيتهم أوامر بتصليحها وسوف نوفر لهم سيارة أخرى وبعد ما تتحقق كل مطالبهم سوف يتم منع الدفن نهائيا في المقابر القديمة والسماح بالدفن كان مؤقت بسبب الغياب الأمني بشكل أساسي والسبب الإنساني هو عربيات دفن الموتى اللي كانت تتعطل في الطريق ولكن السماح مؤقت ولن يتم الرجوع في القرار . الانفلات الأمني يقودنا إلى نقطة أخرى وهى مشكلة بلطجة السرفيس ، ما هي الإجراءات التي أخذتها لعودة الأمن للشارع السوهاجى ؟ الأمن حاليا يعود بشكل تدريجي بنسبة 60% والمشكلة موش في سوهاج بس ولكن فى كل مكان والتوك تك بيمشى في جامعة الدول العربية وعندما اعترض احد الضباط طريقة فوجئ بأحد المواطنين يعتدي علية فقام الضابط بأخذ جنوده ورحل والتف حوله الناس يطالبونه بالبقاء ، وأنا على سبيل المثال كنت ذاهب في زيارة ميدانية مفاجئه لمركز ساقلتة فلم استطع الدخول بسبب زحام التوك تك فذهبت لقرية العوامية .

• · هل صحيح أن هناك أسلحة تدخل من المناطق المحيطة بسوهاج ؟

ده شغل الداخلية والشرطة العسكرية بتتواجد لمساعدة الداخلية فقط في أي حاجة ثانية لكن لما أتت القوات المسلحة هنا ولم لقيت الداخلية لا تؤدى دورها كاملا انا طلبت من قائد المنطقة الجنوبية العسكرية انه يمدنى ببعض دوريات الشرطة العسكرية وفعلا تم ذلك وبدأ الامن يرجع للشارع السوهاجى . ولكن بعض السائقين يقومون بوضع لوحة مكتوب عليها 25 يناير للارتكاب الجرائم والهروب ، كيف يتم مواجهه هذه الظاهرة ؟اللجان بدأت فى الانتظام فى الشوارع وكان فيه دورية من الفوات المسلحة الاهالى بلغوها ان فيه اتنين بيشربوا مخدرات بعد القبض عليهم وتفتيشهم عثروا معهم على هيروين وحشيش واتضح انهم من خارج سوهاج ومستأجرين شقة هنا وبينزلوا يسرقوا الشقق . هناك بعض المواقف تم نقلها مما تسبب فى مشاكل ما رايك ؟كل المواقف سوف تعود الى حالتها قبل 25 يناير وسوف يتم عمل دراسة شاملة للمواقف حتى يتم تلبية مطالب المواطنين والتيسير عليهم وحمايتهم من المخاطر .

• · هل تم التعامل مع ملف المساجين الذين هربوا أثناء الثورة واختبئوا فى جبال سوهاج ؟

نعم لقد تم القبض على عدد كبير منهم وتم التحفظ عليهم وترحيلهم ومازال البحث جارى للقبض على باقى الهاربين ولكن اطمئن الناس بوجود دوريات بتطلع من مديريه الامن مدعمة من الفوات المسلحة بدأنا ننشرها فى القرى لحماية الاهالى .

• · التغيرات الخاصة برؤساء الاحياء أثارت استياء الشارع السوهاجى بسبب ارتكابهم للعديد من المخالفات وقد قامت ضدهم بمظاهرات ما رايك ؟

اولا انا مفيش أى شكوى جائتنى ضد أى واحد منهم والتغيير اساسا تغيير دورى لان المفروض ان مفيش حد يبقى فى مكانة لفترة طويلة خاصة اللى ملتحم بالجماهير والثورات اللى طلعت كانت عاوزه الوضع يظل كما هو لان هناك مستفيدين من تواجد هؤلاء الاشخاص .

• · ولكن سيادتك نحن بالفعل نشرنا مخالفات البعض ولم يتم اتخاذ أى اجراء ضده ؟

أعتقد أن هذا حدث قبل أن أتولى المسئولية ولكن أى مخالفة سوف تثبت على أى شخص سوف تم محاسبتة واتخاذ الاجراءات القانونية ضده .

• · هل يستقبل محافظ الجديد المواطنين السطاء لحل مشاكلهم ؟

نعم وهناك مكتب لخدمة المواطنين وبالنسبة للقاء الجماهيرى فانا عملت لقاء يوم ثلاثاء كما كان معمول فى السابق ولقيت عدد الحضور كبير جدا فطلبت منهم ان نجلس فى الاستاد وبدأنا نتكلم وقلتلهم ان وزارة المالية اعلنت اللى عاوز وظيفة يقدم ووزارة الاسكان قالت اللى عاوز شقة يقدم فى وزارة الاسكان واحنا عندنا اسكان الشباب ومحدودى الدخل والقرى الفقيرة اولا نبدأ بالاسكان واللى معاه طلبات يسلمها عشان نبحثها ونشوف مين يستحق لأن العدد محود وكل واحد عاوزنى امضى له وانا واقف فطبعا قلتلهم يا جماعة اللى عاوز يقدم طلب يقدم عشان نفحصة وانا موش همضى على اى طلب بدون فحص وطلبت منهم تجميع الطلبات وكانت المفاجأة أن مفيش حد قدم أى طلب ودة يدل على أنهم غير مستحقين .فيه ناس ادتنى طلباتهم فعلا وتم فحصها واخدت التاشيرات بتاعتها وتنفيذها وفيه ناس رفضت تسلم طلباتها ولما سالت قاللى مردوش يدوهالى عاوزينى اوقع وانا قاعد يعنى ممكن اوقع على كمبيالة اوشيك او صوصل امانة فبوظوا اللقاء الجماهيرى وسوف يتم عمل اللقاع خلال الفترة الماضية فى قاعة المجلس الشعبى المحلىلانها قاعة كبيرة وتستوعب عدد أكبر وتقديمها لوكلاء الوزارات وبعدين انا هشوفها وأعتقد ان حضور عدد 1200 واحد دة عدد غير معتاد وهدفة انه يبوظ اللقاء لان قبل كدا الحضور لم يكن يتعدى قبل ذلك ال30 او 40 واحد خاصة وان الوقت دة كان وقت المظاهرات الفئوية وكان بتوع التربية والتعليم معتصمين هنا اللى طالبين التثبيت فاعتقد ان العدد دة كان عدد كبير منهم ليس لهم طلبات غير تبويظ اللقاء ولكن انا بابى مفتوح ومكتب خدمة المواطنين موجود وكل واحد هيقدم طلب سوف يتم الرد علية بعد فحصة ولذلك نطالب كل شخص يقدم طلب بكتابة بياناتة ولن يتم تجاهل أى طلب وسيتم فحصها جميعا واية مصلحتنا ان احنا منفحصهوشوالموظف بيهتم وبيرد علية وانا كل يوم موجود وبسهر للساعة الثانية صباحا .والتأشيرة بتكون للعرض وافاد وكل طلب بياخد حقة وبيتم فحصة باهتمام واللى كان بيحصل فى السابق أنهم بيعتمدوا على عضو مجلس الشعب الى متعود ياخد التاشيرة ويمشى وان مهديش تأشيرة لحد وياخدها معاه وموش هرد على عضو مجلس شعب او عضو مجلس محلى . كيف سيكون الاحتفال بالعيد القومى للمحافظة هذا العام خاصة بعد ثورة يناير ؟الاحتفال هذا العام سوف يقتصر على افتتاح بعض المشروعات بحضور وزير التنمية المحلية ووزير الصحة ووزير التعليم العالى وسوف يتم عرض بعض المشاكل التى تعانى منها المحافظة ولكن لن يكون هناك مهرجانات هذا العام لان الظروف لا تسمح بعمل مهرجان ولكن من وجهه نظرى أن الحاجة الحلوه اللى ممكن نقدمها لسوهاج فى العيد القومى بتاعها هو زيادة الانتاج .

• · هناك قرية اسمها البورة يعانى أهلها من فساد المحليات والرى ويرفض المسئولين توصيل كهرباء او ماء لهم بالرغم من التوصيل لبعض المواطنين الذين يقومون بالدفع ؟ ماردك ؟

سوف أقوم بفحص المشكلة ومعرفة أبعادها وسوف نقوم بتسوية أوضاعهم وبالنسبة للمياه والكهرباء والكهرباء بالذات سوف يتم معرفة الاسياب لان قد يعود الامر لأسباب فنية فمثلا اكشاك الكهرباء يكون لها جهد محدد ولم تم تحميلها زيادة تتحرق فلابد من زيادة الجهد حتى نستطيع توصيلها خاصة ان احنا جالنا تقرير من رئاسة الوزراء ان التوصيلات المؤقتة ادت الى اعطال فى شبكات الكهرباء نتيجة تحميلها بجهد زائد عن المحتمل وجاء توجية أن احنا منوصلش .

• · ولكن لماذا يتم التوصيل لبعض الاشخاص دون غيرهم من أهل القرية وهل صحيح لأن من يدفع للمحليات فقط هو الذى يتم التوصيل له ؟

دة الى كان يحصل فى الماضى وكل متضرر يجب أن يلجأ للنيابة واحنا قدامنا حل من الاتنين يااما يتم التوصيل للجميع أو الى اتوصلة خطأ يتشال وانا أعد بعمل زيارة لهذه القرية ونروح ونشوف المشكلة على الطبيعة .

• · سيادتك سمعت الكثير عن فساد المحليات كيف ستقوم بمواجهته ؟

بقطع الرقاب والردع ومحاسبة كل فاسد فى حالة ثبوت أ ادانة بعد التحقيق سيتم توقيع العقوبة المناسبة ولن يتم مجاملة أحد على حساب القانون وأؤكد انه لن تقع مظلمة على أحد من الناس وأى فاسد فى المحليات سوف يتم استبعادة فورا والمهم أن تثبت ادانتة .

• · هناك بعض أصحاب نفوذ قاموا بالاستيلاء على أراضى البحر الأحمر كيف سوف يتم مواجهتم واستعادة أرض الدولة ؟

بالنسبة لوضع اليد سوف يزال فورا مادام غير قانونى وسوف يتم مواجهه الجميع بسيف القانون ولو كان فيهم حد وضع يده على أى أرض بعد 25 يناير سوف يزال فورا .

• · مشكلة المخابز وعدم وجود رغيف العيش للمواطن السوهاجى فى الوقت الذى يستغل مفتش التموين منصبة لعمل مخالفات وهمية لأصحاب المخابر ما الحل ؟

مفيش مخبز روحته الا لما الناس قالولى ان الراجل صاحب المصنع بيسرق الدقيق يبقى لما يتعمله محضر يبقى صحيح وانا كان عندى صاحب مخبز اقسم ان لو أصحاب المخابز خبزوا الحصة كاملة او حتى باعوا شكارتين فقط فلن يتم حدوث ازمة وللكن الذى يصنع الازمة هم اصحاب المخابز الذين يبيعون الدقيق والمواطنين الذين يشتروه منهم لان لو هما مشتروش الدقيق هيبعوه لمين موش هيلاقو حد وانت عارف لو متعملهوش محضر هياخد كل شكارة ب8 جنية ولو ما اتعملهوش محضر هيخدها ب3 جنية يعنى لو خبزها هيكسب فى كل شكارة حوالى 20 جنية ، عارف وصل الامر الى ان الاهالى طلبوا منى ان الفوات المسلحة تبنيلهم افران هنا كل مركز فرن وتاخد هى الدقيق وتخبز وتوزع العيش على الاهالى الفوات المسلحة وليس الشرطة واحنا دعمنا المخابز كتير واعتمدنا تشغيل افران جديدة ، منها اللى ب5 قروش وعددها 33 فرن ومنها اللى ب10 قروش وهنشغل 19 فرن واحنا جبنا 600 طن هيعملوا وفرة فى العيش بس برضة مادمنا بنشترى الدقيق من المخابز سوف تظل المشكلة قائمة واحنا بنصنع المشكلة بنفسنا .

• · هناك معناه كبيرة للمرضة داخل المستشفيات الحكومية وعدم وجود اهتمام كافى أو أدوية بالاضافة الى وجود عجز فى الاطباء والممرضات كيف يتم من وجهه نظرك القضاء على هذه المشكلة ؟

هو مفيش شكاوى خاصة بالادوية او الكشف ولكن الازمة او المشكلة الحقيقية تتمثل فى وجود عجز كبير فى المستشفيات وأيضا عجز فى الاطباء لان كل وحده لايوجد بها غير طبيب واحد وفى حالة غيابة لايوجد غير الممرضة اللى بتدى مصل فقط وقد صادفنى نفس الحالة خلال زيارتى لقرية العوامية وطالبت وكيل الوزارة بارسال طبيب اخر بسبب حصول الطبيب المسئول على اجازة وأنا هثيرها مع وزير الصحة عند حضورة مفيش حاجة اسمها دكتور واحد وسوف يتم العمل على حل المشكلة اما مشكلة الممرضات فالسبب فيها أهل سوهاج لان الثقافة عندنا ضد عمل البنت ممرضة لانها تبات خارج المنزل ولذلك تجدهم يرفضون عمل بناتهم بالتمريض فهنجيب ممرضات من أين ؟ .

• · قرار نقل كلية التجارة الى مقر الجامعة بالكوامل حول حياة الطلاب الى جحيم فى ظل عدم وجود مرافق او مواصلات سهلة ، خاصة أن الطلاب منهم المغتربين والذين يسكنون بالايجار ومعنى ركوبهم مواصلات زيادة المصروفات ومعظمهم من محدودى الدخل وكلية تجارة ليست كلية عملية حتى نقول ان هناك معامل لا توجد فى المقر الحالى وغيرها من المشكلات فلماذا لا يتم تطبيق قرار النتقل على الدفع الجديدة حتى يكونوا مستعدين ومهيئن للمكان الذى سوف يبدأون فيه الدراسة من البداية وأية اللى وفرتهولهم المحافظة أو الجامعة عشان يقدروا يكملوا دراستهم بدون مشاكل ؟

المشكلة اللى حضرتك طرحتها دلوقتى انا اعطيت تعليمات لعلاء ياسين بتزويد عدد عربيات السرفيس اللى بتروح للكوامل وموش كدا وبس كمان العربيات اللى بتيجى من جهات اخرى انا اعطيت تعليمات بعمل خط سير ليهم للكوامل وبكدا هنوفر لهم وسيلة انتقال ، هما طبعا اتنقلوا من الترم الاول وامتحنوا الترم الاول هناك فبالتالى المشكلة كانت قبل النقل وانا اعتقد أن اللى عمل النقل اساسا انا اعتقد ان كلية تجارة فيها اكبر عدد من الطلبة فالضغط فى كلية تجارة اكبر من الكليات العملية والنظرية التانية يعنى الحقوق مبيبقاش عليها ضغط مثل كلية تجارة وهما يمكن اختاروا كلية تجارة بسبب ان عدد الطلبة كبير ونقلوها للكوامل .وحكاية ان احنا نوديهم سنة سنه متنفعش .

• · سيادتك لماذالا يصدر قرار بنقل الجامعة بالكامل لا يتم نقل الدفع الجديدة سنة اولى الى الكوامل ونترك هؤلاء الطلبة تانية وتالتة ورابعة يستكملوا دراستهم فى مقر الجامعة الحالى ؟

موش هينفع لأن معنى كدا ان اعمل ادارتين للكلية ادارة فى الكوامل وادارة فى المقر الحالى وكمان لما انقل الجامعة كلها هناك هعمل اية فى الادارة اللى هنا هرفدهم العميد والعاملين … الخ فلازم الكلية تتنقل كلها مع بعضها يعنى لما انقل علوم يتم نقلها بالكامل يعنى الكلية ككل وليست مرحلة مرحلة .

• · هناك اتوبيس كان يحمل مجموعة كبيرة من الطلبة وتعرض لحادث ولا يوجد حتى نقطة اسعاف فى الطريق مما يهدد حياة الطلاب للخطر مارأيك ؟

سوف يتم خلال الفترة المقبلة توفير كل الخدمات على الطريق سواء نقطة اسعاف أو غيرها وكما قلت سوف يتم توفير المواصلات حتى لا يكون هناك زحام وسوف يتم عمل كل الاجراءات من اجل التيسير على أبناءنا الطلبة .

• · سيادتك رئيس الجامعة صرف الاف الجنيهات على مطعم الجامعة بالرغم من ان الجامعة زى حضرتك ما قلت بتستعد للانتقال للكوامل ولا يوجد مطعم بالمقر الجديد تيسيرا على الطلبة وهو ما يعد اهدار للمال العام متى يتوقف ؟

أكيد رئيس الجامعة هيشيل المطعم من على الارض وينقلة بالكامل للمقر الجديد بالكوامل .

• · سيادتك كلية الطب تخضع للتعليم العالى ورسم زيارة المريض كان 10 جنيهات وبعد الثورة اصبح 5 جنيهات ، والمسئولين بيؤكدا انهم لا يخضعون لأحد فى سوهاج بما فيهم المحافظ لأننا نتبع التعليم العالى ،

أعتقد أن 3 جنيهات سعر معقول لتذكرة الزيارة ، وبالنسبة لسوء الخدمات سوف يتم عمل تطوير شامل داخل المستشفى ، أما مسأله عطل جهاز ثقب الاذن المجانى فسوف يتم عرض الامر على وزير التعليم العالى لحل المشكلة .

• · سيادتك بالنسبة للمؤتمرات التى تعقدها الجامعة واخرها مؤتمر الأقصر تكلف الجامعة مبالغ طائلة من أجل الترويج للمحافظات الأخرى بالرغم من أن محافظة سوهاج فى حاجة ماسة لمثل هذه المؤتمرات خاصة وان سوهاج شهدت طفرة كبيرة مثل انشاء طريق البحر الأحمر ومطار سوهاج وتعتبر من أفضل المحافظات التى تتمتع بالامن وهذا اهدار لحق سوهاج فى الظهور كمحافظة ويعتبر اهدار للمال العام ؟ ما رأيك ؟

سوف يتم فتح ملف الجامعة ومناقشتة بالكامل وكل من يثبت تورطة فى اهدار المال العام سواء كان رئيس الجامعة أو غيرة سوف يتم محاسبتة وسوف أقوم بطرح كل هذه النقاط ومناقشتها مع وزير التعليم العالى ونحن لدينا هدف واحد وهو ارساء قواعد العدالة بين الجميع والتخفيف عن الطلبة خلال المرحلة القادمة وانا لو اتعرض عليه هذا الامر قبل ذلك كنت سوف اناقشة ولو عرض على رئيس الجامعة عمل مؤتمر خارج سوهاج كنت هقولة لية .

• · ملف تجديد شوارع المحافظة يتم بطريقة عشوائية وغريبة وعلى سبيل المثال يتم تجديد الرصيف وبعد فترة يتم تكسيرة وتركيبة من جديد بنفس البلاط ما الحل ؟

كما تعلم أنا توليت المحافظة منذ فترة قليلة وأثناء ثورة يناير وخلال هذه الفترة لم يكن هناك تجديد ولا غيرة وكل ما استطيع أن أقوله بخصوص هذا الموضوع أن ما كان يحدث بالسابق لن يتكرر وأن أن تجديد أو تجميل للشوارع سوف يتم بعد دراسة وافية وتحديد الأماكن التى فى حاجة لذلك لأن هدفنا الاول هو الحفاظ على المال العام خلال الفترة المقبلة ..

• · هل سوف يكون هناك دور فعال للشباب خلال الفترة القادمة داخل المحافظة ؟

احنا بنسيب هذه المبادرة للشباب أنفسهم لأنى مقدرش أفرض عليهم حاجة ولكن عندما يطرحوا هم المبادرة سوف يتم توفير كل امكانيات الحى لمساعدتهم واذا لم تكفى سوف ادعمهم بامكانيات المحافظة وانا بقولهم بادروا وانا ايدى فى ايدكم واتمنى من الشباب ان يقودوا حملة توعية للأهالى فى الشارع من اجل ان يسود الانضباط فى الشارع يعنى اللى سايق سيارتة يحترم اشارة المرور ونفس الامر بالنسبة للمخابز بيحيث يعرف الجميع ان هذا الخبر مدعم تم عمله للأهالى وليس للمواشىوأيضا يتم توعية أصحاب المخابز حتى يتم عمل الخبز مطابق للموصفات ولا يتم بيعة بالكيلوا كعلف للمواشى وأيضا يوعوا أصحاب المزارع واصحاب الحيوانات اللى بيشتروا العيش موش لازم تعلفوا المواشى به وهو دة دور الشباب فى التوعية أهم من أى حاجة تانى وانا عندما اقترحوا على ان تقوم اللجان الشعبية بتوزيع العيش على الاهالى رفضت حتى لا تحدث مشاحنات مع اصحاب المخازن والعقل الصعيدى قد يتسبب فى حدوث مشاكل وعداوات بين العائلات وبعضها البعض .

• · رئيس قسم الاشعة بجامعة سوهاج لدية مركز أشعة خاص وبناءا علية تم تعطيل كل أقسام الاشعة داخل المستشفى من اجل تحويل المرضى لهذا المركز فهل يتم فتح ملف مستشفى الجامعة ؟

أكيد سوف يتم فتح ملف كل المستشفيات ومعرفة كل الاجهزة المعطلة واسباب تعطلها وتصليحها بحيث يتم التخفيف على المرضى وانا لن اسمح بأى فساد او اهمال خلال الفترة القادمة لأن تواجدى هنا هدفة خدمة المواطنين .

• · هناك بعض المواطنين يسكنون فى أراضى املاك دولة منذ سنوات طويلة وكلما ذهبوا لتمليك منازلهم يجدون العقبات من قبل المسئولين ما الحل ؟

حتى الان لم يتم عرض هذا الملف على ولكن عند عرضة سوف اقوم بدراستة واتخاذ اللازم وبما يحقق مصالح المواطنين ؟

• · ما رأيك فى ثورة يناير ؟

هى ثورة كويسة ادت الغرض منها اللى هو عملية التغيير ولكن التبعات بتاعتها هى اللى كانت سيئة وبالذات المطالب الفئوية ادت الى انهيارات كبيرة فى اقتصاد البلد وان شاء الله نقدر نفوق من هذه الكبوة لكنها كثورة عمل مجيد ولو انت قعدت مع الشباب الفعلى بتاع الثورة هتسمع منهم كلام كويس جدا جدا عن الافكار الى كانوا من اجلها عملوا ثورتهم وبيتبراو من التبعات اللى حصلت بعد كده بيقولوا موش احنا وهى دى الحقيقة لكنها كثورة بعد ما حققت الغرض الاول منها وهوالتغير بدأت تتعرض لموجات مختلفة وفيه ناس حاولت تركب الموجة والوحيدين اللى مستفدوش من الثورة اللى هما عملوا الثورة .

• · سيادتك فيه بعض المطالب بتغير اسم مطار مبارك الى مطار سوهاج ومدينة مبارك الطبية الى مدينة سوهاج الطبية … الخ ما رأيك فى هذا الامر ؟

كل واحد بيقدم طلب بيبقى لية مبررة فالراجل اللى قدم الطلب مقلش مبررة عشان اقولك ان رأية صحخ ولا غلط و انت لما بتقدم طلب لازم تكون مقتنع بيه وفيه واحد رافع قضية بخصوص هذا الامر وبعدين سلطة التغير موش سلطتى انا حتى تغيير اسم الشارع لان المجلس المحلى دة من اختصاصة يعنى لما واحد بيقدم ان فيه حد استشهد فى الثورة وعاوزين يغيروا الشارع باسمة بيروح لمجلس محلى المحافظة عشان يغير ولكن كجهه اختصاص بيجينى الطلب فبأشر بتحويل لمجلس محلى المحافظة لاتخاذ اللازم فبالتالى مقرتش مبررات الناس اللى عاوزة تغير دة لية وعرفش الغرض من تغيرها اية هما المفروض يقولوا مبررات التغير وبعدين المبدا القانونى بيقول أن المتهم برئ حتى تثبت ادانتة فانتوا قلتوا ان الرئيس مبارك عمل مخالفات فهو متحول محكمة فهنشوف نتيجة التحقيق أية وقرار المحكمة هيكون ملزم للجميع يعنى بالنسبة للفلوس فيه ارقام غريبة اتكتبت لدرجة ان الناس منتظرة الفلوس لما تيجى هتتوزع ازاى والاعلام صور للناس حاجات ادتهم احلام ان كل واحد هياخد 50 الف او 100 الف ودة توجيه خطأ وانت النهاردة لما بتدى أرقام متنتظر لمال تدى البيانات الصح بدلا من التضارب عشان متفقدش مصداقيتك لدى القارئ .

• · سوهاج قدمت اثنين من ابرز شهداء ثورة يناير وهما الصحفى احمد محمود فى ميدان التحرير وسالى زهران هل ونحن نحتفل باول عيد قومى للمحافظة بعد الثورة سوف يتم تكريم هؤلاء الشهداء ؟

هو اولا معندناش حصر بالشهداء من أى جهة ولكن فيه أسرة واحدة جات قدمت طلب وأسرة سالى زهران قالت أنها موش شهيدة فى المظاهرات وانها سقطت من بلكونة العمارة اللى بتسكن فيها ، وللعلم احنا هذا العام لن نقوم بعمل احتفال بالعيد القومى ولن نقوم بدعوه المحافظين السابقين وسوف نكتفى بالصلاة فى مسجد العارف وبعض الافتتحات وفى حالة وصول كشف بشهداء الثورة سوف يتم اتخاذ اللازم لتكريمهم .

• · ما هى المشروعات التى سوف يتم افتتاحها ؟

سوف يتم افتتاح كلية التجارة والمستشفى الجامعى وهناك بعض الملاعب الخاصة بالشباب والرياضة سيتم افتتاحها وهناك أيضا بعض المدارس الجديدة وبعض المشروعات الأخرى سوف يتم تحديدها .

• · تعانى مراكز الشباب من الأهمال فهل سوف يتم وضع خطة لتطويرها ؟

بالنسبة للشباب هم أهم فئه نهتم بها نظرا لأنهم مستقبل المحافظة وانا سوف اقوم بعمل زيارات لمراكز الشباب واتابع انشطتها وبرامجها والمظاهرات الفئوية كانت السبب فى التأخير فى القيام ببعض الأعمال حتى أنه كان هناك حفل لتكريم الرياضيين ولم أستطع الذهاب لتوزيع الجوائز بسبب المظاهرات .

• · نادى سوهاج الرياضى ينافس على الصعود للدورى الممتاز فهل هناك خطة لدعمة ماديا لتحقيق حلم الجماهير وهل سوف يتم اقامة الانتخابات فى موعدها حتى يكون هناك مجلس منتخب بدلا من المجلس المعين ؟

بالنسبة لعم نادى سوهاج للصعود للممتاز أكيد المحافظة لن تتأخر عن مساندة النادى وتدعيمه خلال الفترة القادمة بما يتناسب مع امكانيات المحافظة ، وبالنسبة لاجراء الانتخابات فانا مع الشرعية وسوف يتم اجراء الانتخابات لاختيار مجلس منتخب يرضى طموحات الشارع السوهاجى ويساهم فى الارتقاء بالنادى ليس فى كرة القدم فقط بل فى كل الالعاب والخدمات خلال المرحلة القادمة .

• · هل هناك مشروعات جديدة لتوفير فرص عمل للشباب ؟

حضرتك بالفعل احنا صدقنا على انشاء 24 مصنع جديد سيقاموا خلال الفترة المقبلة فى الثلاث مناطق الصناعية اللى هى الكوثر وغرب طهطا وغرب جرجا وفيه بروتوكول سوف نقوم بامضاءه مع الصندوق الاجتماعى وصندوق تنمية المناطق الصناعية تبع وزارة الصناعة من اجل انشاء مجمعين صناعيين كبار فى غرب طهطا وغرب جرجا والبروتوكول جاهز للتوقيع والصندوق الاجتماعى جاهز ووزارة الصناعة جاهزة وان شاء الله على تحديد الميعاد خلال الايام القليلة القادمة .

• · هل هذه المشروعات قادرة على حل ازمة البطالة فى سوهاج ؟

أكيد أنت عارف ان المصانع اللى مصدق بانشائها قبل ال24 مصنع اللى قولت عليهم كانت موفرة 20 الف فرصة عمل تم منهم تشغيل 5000 الاف عامل فبالتالى المصدق بيه هيكمل 15000 الف فرصة عمل هيبقى كدا تم توفير 20 الف فرصة عمل ودة مصدق بيه من قبل حضورى للمحافظة طبعا ال24 مصنع اللى هيتعملوا الجداد هيوفؤروا فرص عمل والمجمعيين الصناعيين هيوفروا فرص عمل ، وخلال زيارتى الميدانية لقيت مصنع متوقف عن العمل فتم حل مشاكلة خلال 48 عمل وعاد للعمل مرة أخرى .

• · تعانى المصانع من العديد من المشكلات مثل الكهرباء والمياه ومشاكل مع البنوك ومشاكل فى التسويق مما يهدد بتوقفها كيف يتم حل هذه المشاكل من وجهه نظرك ؟

بالفعل تم عرض المشاكل مثل مشكلة الكهرباء حيث أكد أصحاب المصانع أن الاسعار مرتفعة جدا وطالبوا بادخال الغاز الطبيعى لمصانعهم وقمت بمخاطبة وزير البترول لادخال الغاز للمصانع من اجل تخفيض التكلفة ، وبالنسبة لمشكلتهم مع التمويل لأنى البنوك رافضة تعطيهم قروض نتيجة فقد الثقة فى المستثمرين لانهم حصلوا على الفلوس وهربوها برة ولحل المشكلة كان طلبهم موش عاوزين فلوس جيبولنا مواد خام نصنعها ونبيعها وندولهم فلوسها واللى يسدد ياخد مواد خام غيرها لحد ما نوقف على رجلينا ونشغل مصانعنا ودة كان رأى وجيه تم عرضة على البنوك وننتظر دهم أيه ، وبالنسبة لمشكلة تسويق منتجاتهم خاصة فى ظل المناقصات المركزية وعدم قدرتهم على منافسة الكيانات الكبرى فى القاهرة والاماكن الاخرى ودى نقطة نقوم ببحثها لايجاد حلا مثل عمل مناقصات محدودة قاصرة على أبناء المحافظة فقط وبالنسبة لعدم وجود معارض لذلك سوف نقوم بعمل مبنى فى الكوثرلعرض المنتجات بالاضافة الى التنسيق مع الجهات اللى فيها معارض فى المحافظات الاخرى لعرض منتجاتهم وتشجيع لعرض منتجاتهم ، دى تقريبا الخطوط العريضة للتسويق بالاضافة ايضا لبناء المالية اللى هى فلوس التأمين اللى بتدفع قبل المصنع كانت زمان 5% ودلوقتى بقت 10% او 100 جنية عن كل متر ايهما اكثر وليس ايهما اقل ودة بيشكل عبء على المستثمر الصغير وسوف نقوم ببحثها مع وزارة التجارة عشان نرجع للنظام القديم 5% وفى النظام القديم كان بيسترد المال بعد ما يبنى الاساسات دلوقتى بيسترها على اربع دفعات 25% لما يكمل المنشأ واخر 25% لما يبدأ الانتاج ودة بيشكل عبء على صغار المستثمرين .

• · سيادتك فيه أيضا مشكلتين منهم مشكلة الطريق فى المنطقة الصناعية غرب طهطا وأيضا مشكلة المياه خاصة أن شركة المياه كانت بتطالبهم بأسعار عالية لتوصيل المياه اليهم ؟

أن شاء الله هتتحل فى أقرب فرصة وهنشوف لو كان فيه اعتمادات مالية قديمة ولو مفيش هتتحط فى الخطة الجديدة والحقيقة انا لسة مروحتش المنطقتين دول وانا دايما احب اشوف الأمر على الطبيعة عشان أنفذ وانا كنت منتظر توقيع البروتوكل عشان احملهم بشرى ان المجمعيين الصناعيين بتوعكم هيبدأ الشغل فيهم وسوف يتم توصيل كل المرافق .

• · سيادتك ومشكلة المنطقة الصناعية بالاحايوة شرق ؟

أيضا سوف يتم دراسة مشاكلها وحلها ومساعدة المستثمرين على العمل والانتاج .

• · حضرتك نزلت اثناء الاستفتاء على الدستور ووقفت فى الطابور مع المواطنيين مارأيك فى تعديل الدستور وهل صوت بنعم أم بلا ولماذا ؟

انا نزلت ووقفت فى الطابور مع المواطنين واخذت دورى وصوت بنعم والسبب فى ذلك عشان القوات المسلحة تعود لاداء دورها الاصلى ، وكنت معاه عشان خاطر الدعوة للاستقرار والانتاج وموش عاوزين نعيش فى فوضى طول عمرنا ، كنت معاه عشان انا شايف ان التعديلات المعمولة كويسة جدا للمرحلة اللى احنا فيها ـ كنت معاه لأن الناس اللى بتعارضة وتقول عاوزين تعديل كامل للدستور مهو فى نص التعديلات ان فيه تعديل كامل للدستوريبقى مفيش مبرر عشان نقول لا وميدان التحرير موجود واللى حصل ممكن تكرارة ومفيش حد يجرؤ انه يلغى حاجة الناس وافقت عليها ـ النهاردة احنا قلنا هنغير الدستور والتعديلات ارغمت مجلس الشعب ابعد الانتخاب ب6 شهور انه ينتخب لجنة لتعديل دستور71 بالكامل والزمته على ان يتم الانتهاء منه خلال 6 شهور أخرى وبعد انتهاء ال6 شهور الاخرى يتم عرضة للاستفتاء الشعبى خلال 15 يوم يعنى اذن قدامى سنةبعد انتخابات مجلس الشعب يكون الدستور بالكامل تم تعديلة وعشان كدا انا قلت نعم للتعديل .

• · الفتنة الطائفية عادت للظهوربعد الثورة وخلال الاستفتاء على الدستور حدث احتكاك بين المسلمين والمسيحيين من جديد ، كيف ترى الموقف فى سوهاج ؟

فى سوهاج خلال الاستفتاء على الدستور لم تحدث أى مشكلات وكان المسلم والمسيحى واقفين فى طابور واحد واللى كان بيقول نعم بيدلى بصوته واللى كان بيقول لا برضة كان بيدلى برأية بحرية ومفيش صندوق كان كله نعم واخر كان كلة لا بل كل الصناديق كان فيها الاتنين لو كان فيه سيطرة كنت هتلاقى لانما كله نعم لاما كلة لا ويمكن وانا واقف فى الطابور كان واقف ورايا احد الشباب فسالنى معالى الوزير هتقول نعم ولا لا فقولت له موش هقولك عشان ما اثرش على صوتكلانك انت بنيت رأيك فتانى يوم جائنى وسألى لية مردتش اقولة فقلت له الحوار بينى وبينك ممكن يلزمك ادبيا بحاجة انك انت تعمل اللى انا هعملة لانك كشاب بيتحاور مع وزير يقول طما انا أقول زى رأيه وزى ما فيه مسيحيين قالوا لا فيه مسلمين كتير قالوا لا أيضا .

• · هل هناك اجراءات تم اخذها لدعم الفلاح فى سوهاج ؟

نعم هناك بعض الاجراءات التى تم اخذها لدعم الفلاح وانا حاولت ازيلهم المشاكل الى حدثت نتيجة الاحداث اللى حصلت وطلبت من وزير الزراعة ان موضوع السماد يستمر وتم مدة فترة صرف السماد حتى يستطيع الفلاح ان يصرف السماد الخاص به وكذلك تم رفع اسعار السلع مثل القصب والقمح .. الخ ودى حاجات كويسة اتعملت للفلاح .

• · وماذا عن ملف التعديات على النيل وأيضا هناك جزر كثيرة ظهرت تهدد باغلاق النيل ما الحل من وجهه نظرك ؟

أى تعدى على النيل سوف يتم ازالتة فورا وبالنسبة للجزر فهى مسئولية حماية النيل وسوف اقوم بمتابعتها خلال الفترة القادمة .