الاحراز

خرجنا فى الشوارع والميادين
كان غرضنا بس الكلام
معلش مرة من نفسنا
محنا بقالنا كام سنة
بنقول صابرين
***
بعتوا علينا العسكر
وقالوا فيهم هنكسر
قنابل ذى المطر
ضرب فى كل حتة
وعربيات تدوس عالبشر
***
فضلنا فى مكانا
لأن مصر كانت أملنا
وهما طاروا من قدمنا
إختفوا كأن الارض بلعتهم
وسابونا نكمل كلامنا
***
نصبح نلاقى سرقة وفساد
حرق ونهب وخراب
ولما هيروح الضباب
هنشوف فين الحقيقة
ومعانا رب العباد
***
فى ناس قالت بكرة يزهقوا
وبدأو فينا يفرقوا
حبة كلام على إشاعات
ياجماعة مصر فى حالة خطر
أوعوا العيال دية تصدقوا
***
لقونا صوتنا عالى ومليها
ماعادا الجبان واللى عايز بس ينام
أو عنده شركة أو حتى تركة
خايف عليها ليصحى مايلاقيها
لما خير مصر يبقى ليها
***
وبعد ماسقط النظام سمعنا حبة كلام
ناس بتهتف بكلام غير الكلام
اللى بياخد الف عايز عشرة
خلاص كفاية ياناس حرام
مصر أولى بالإهتمام
***
مش وقت كام وإذاى هعيش
المهم الفساد منلاقيش
ده كان من الأول هدفنا
وده اللى علشانه الشهيد
ضحى بروحه
وقال مصر فى خير تعيش